Ársrit Skógræktarfélags Íslands - 15.12.1987, Page 105

MINNING
Tryggvi Sigtryggsson
20. nóvember 1894- 1. desember 1986
Tryggvi Sigtryggsson fæddist að Hallbjarnar-
stöðum í Reykjadal 20. nóvember 1894.
Foreldrar hans voru hjónin Sigtryggur Helga-
son og Helga Jónsdóttir. Tryggvi var fjórða barn
þeirra hjóna, en börn þeirra urðu níu.
Tryggvi varð búfræðingur frá Hvanneyri 1916
og næstu fjögur árin var hann farkennari í
Reykdælahreppi og starfaði á þeim árum mikið
fyrir ungmennafélagið í sveitinni.
Tryggvi kvæntist Unni Sigurjónsdóttur frá
Litiu-Laugum árið 1920 og lifir hún mann sinn.
Fau eignuðust 11 börn.
Fyrsta búskaparár sitt voru þau hjón að
Skógarseli í Reykjadal og skamman tíma bjuggu
þau að Holtakoti í Reykjahverfi.
Þaö var svo árið 1929 að þau stofnuðu nýbýlið
Laugaból í Reykjadal á helmingi lands Litlu-
Lauga. Þar með hófst stórkostleg saga uppbygg-
ingar og ræktunar. Mýrarnar voru ræstar fram og
er fram liðu stundir rættist sá draumur Tryggva
að klæða hlíðina ofan Laugabóls skógi, svo þar er
nú einn fegursti skógarlundur í sýslunni. Pegar
Skógræktarfélag Suður-Pingeyinga var stofnað
19. apríl 1943 var Tryggvi kjörinn fyrsti formaður
félagsins og gegndi hann því starfi í 30 ár. Hann
var einnig stofnandi Skógræktardeildarinnar í
Reykjadal og formaður hennar um áratuga skeið.
Fyrir forgöngu Tryggva fékk Skógræktarfélag
Suður-Þingeyinga Fossseisskóg á leigu, fyrst að
hluta, síðar allt landið. Frá 1959 hefur þar verið
aðalathafnasvæði félagsins.
Af allri ræktun var Tryggva skógræktin
hjartfólgnust og margar ánægjustundir átti hann í
skógarhlíðinni ofan við heimilið. Hann lagði alla
tíð mikla áherslu á gróðursetningu í skógargirð-
inguna á Laugabóli, og nú síðast stækkun hennar.
Tryggvi sótti alla aðalfundi Skógræktarfélags
fslands, meðan hann gat því við komið og viður-
kenningu stjórnar félagsins hlaut hann fyrir störf
sín.
Áhugi Tryggva á skógrækt var óbilandi og
starfsorka hans og fróðleikur var mér oft undrun-
arefni. Ég er Tryggva þakklátur fyrir áratuga
samstarf og vináttu.
Skógræktarmenn minnast hans með þakklæti
og virðingu.
Isleifur Sumarliðason
ARSRIT SKÓGRÆKTARFÉLAGS ÍSLANDS 1987
103