Ársrit Skógræktarfélags Íslands - 15.12.1987, Qupperneq 119

í fyrsta sinn var nú ekkert dreifsett í beð á
Hallormsstað og sáralítið á Laugabrekku. En
haldið var áfram að dreifsetja plöntur í móband
og fór vaxandi, enda er hugmyndin að halda
áfram með þessa aðferð hjá Skógrækt ríkisins.
Hún hefir nokkra mjög góða kosti. Þótt fjórðungi
meira væri dreifsett í móband en 1985, fækkaði
dreifsettum plöntum úr 540 þús. í 340 þús. En í
staðinn er stefnt að verulegri aukningu í ræktun
bakkaplantna á Hallormsstað og Mógilsá.
Miklu fleiri grœðlingum var nú stungið en
1985. Á það við um allar tegundir, en hlutfalls-
lega er aukningin mest í alaskaösp, sem nú verður
æ vinsælli og vex ótrúlega vel á ótrúlegustu
stöðum. Sjá töflu 8.
Rúmlega 200 þús. færri skógarplöntur voru
afhentar en 1985. Olli þar mestu slysið í gróður-
húsinu á Hallormsstað vorið 1985, en líka að
beðplöntum fækkaði.
Sala garðplantna og skjólbeltaplantna jókst
nokkuð frá árinu áður eða um tæp 11 þúsund.
Var þetta einkanlega alaskaöspin, og er gott til
þess að vita. Sjá töflu 9.
Nýjungar. Á Tumastöðum var stungið víði- og
aspargræðlingum í fjölpotta af Akureyrargerðinni
(150 cm3 fyrir plöntu). Gafst þetta ljómandi vel
og vekur vonir um, að slíkar plöntur eins árs
gamlar geti orðið brúklegar skógarplöntur, sem
planta megi með holpípu. Ennfremur voru bæði á
Grundarhóli og Tumastöðum teknir í notkun
frauðplastbakkar með 500 cm’ rými á plöntu til
þess bæði að framleiða kröftugar plöntur af birki
(eins konar millistærð), sem hentað geti áhuga-
fólki og til þess að stinga í aspargræðlingum.
Baldur Porsteinsson átti hugmyndina að þessum
bökkum og sagði fyrir um gerð þeirra. Kostir
þeirra koma þó líklega ekki að fullu í ljós fyrr en
steypt er á ný, þar eð frauðplastið varð of létt í
þessari fyrstu steypu, sem leiðir til þess, að rætur
geta vaxið inn í plastið. Bakkarnir eru hugsaðir
sem einnota bakkar.
Nývirki í gróðrarstöðvum
Á Laugabrekku voru reist tvö 84 ferm. plast-
dúkahús og keyptir 1500 fjölpottabakkar frá
Akureyri, sem voru koparhúðaðir innan til þess
að hindra rótarsnúning. Vegna tafa á uppsetn-
ingu húsanna og afgreiðslu bakka reyndist ekki
unnt að sá í húsin að þessu sinni.
Pá er þess að geta, að Þorbergur Hjalti Jónsson
útvegaði frá Bretlandi svonefnda vaxtarhólka
(Tuley Tubes), sem þar hafa verið notaðir með
ágætum árangri á berangri. Voru fluttir inn 1.000
hólkar til kynningar og var 200 þeirra dreift til
kynningar á nokkrar stöðvar Skógræktar ríkisins
og aðrir seldir ýmsum aðiljum. Ýmsar tegundir
plantna voru reyndar í hólkunum og uxu mjög
vel. Eftir sumarið 1987 verða plöntur víða vaxnar
upp úr hólkunum og kemur þá í ljós hvernig þeim
vegnar. Allar líkur benda til, að hér sé um hina
merkustu nýjung að ræða, sem sér í lagi gagnist
áhugafólki og í ræktun útivistarsvæða.
Á Vöglum var unnið við að lengja öll gróður-
húsin og var tveimur lokið.
Á Hallormsstað var tekinn í notkun Geva
áburðarblandari. Stóra gróðurhúsið var lagfært
þannig, að fuglar komist ekki inn í það.
Þá má kalla það sögulegan atburð, að hætt var
uppeldi í elsta græðireitnum (Neðsta-reit), en þar
hófst uppeldi árið 1903 og hefir staðið óslitið fram
að þessu. Verður hann nú tekinn undir trjá- og
runnasafn.
Á Tumastöðum voru mjög margir aðalveganna
malbornir. Var það hin mesta nauðsyn, þar eð nú
má komast vítt um reitinn haust og vor og í
bleytutíð.
Keypt var frá Finnlandi gróðurhús, sem er 12
X 50 m að flatarmáli og 6,3 m undir mæni.
Bogarnir eru úr límtré. Opnunarbúnaður er sjálf-
virkur, t.d. stjórnar vindhraðamælir lokun, ef
vindálag er mikið. Húsið á að nota bæði til
sáningar í beð og fyrir margs konar annað uppeldi
og leysa af hólmi ónýta gluggakarma og óhentug
lítil dúkhús. I>að kostaði 1,5 milljónir kr., sem
fróðustu menn telja mjög hagstætt. Ætlunin var
að reisa húsið síðari hluta ársins, en það tókst
ekki. Sökkull undir það er allmikið mannvirki,
þar eð Tumastaðamýrin er að heita botnlaus.
Húsið er með tvöföldum piastdúk, en áformað er
að nota hann ekki nema kannski eitt sumar og
klæða það síðan með tvöföldu polykarbonati.
BYGGINGAR OG TÆKJABÚNAÐUR
í Hvammi var vélageymsla einangruð og sett
ÁRSRIT SKÖGRÆKTARFÉLAGS ÍSLANDS 1987
117