Ársrit Skógræktarfélags Íslands - 15.12.1987, Síða 127

söfnunarstarfi hennar. Að öðrum ólöstuðum er
Barbara Kalen einhver mesti aufúsugestur, sem
Skógrækt ríkisins hefir tekið á móti.
Loks er þess að geta, að í lok nóv. kom hingað
vinur okkar frá Quaqortoq á Grænlandi, Paul
Bjerge. Þetta var þriðja heimsókn hans. Hann
heimsótti stöðvarnar á Hallormsstað og Tuma-
stöðum.
UTANLANDSFERÐIR
XVI. norræna skógræktarþingið var haldið í
Finnlandi 30. júní—3. júlí. Frá Skógrækt ríkisins
sóttu það Baldur Þorsteinsson, Guðmundur Örn
Arnason, Haukur Ragnarsson, Isleifur Sumar-
liðason og Sigurður Blöndal, en Hulda Valtýs-
dóttir og Snorri Sigurðsson frá Skógræktarfélagi
Islands.
Fólkið dreifðist á hinar ýmsu skógarferðir, sem
stóðu í 2 daga. Voru þær ákaflega fróðlegar, eins
og alltaf.
Sigurður kom fram fyrir íslands hönd í um-
ræðuþætti á allsherjarfundinum í Finlandia-hús-
inu. Daginn eftir þingið fór hann í fylgd Matti
Multamáki varaforstjóra finnska skógeftirlitsins
að skoða einn af lerkifrægörðum ríkisskógræktar-
innar í Hausjárvi. Þaðan fengum við fræ á sínum
tíma. Bæta má við, að í Imatra í Karelíu kom
hann í hinn mikla lerkifrægarð stórfyrirtækisins
Enzo-Gutzeit, þaðan sem við höfum fengið lerki-
fræ af Raivolakvæmi undanfarin 2 ár. Sigurður
Blöndal sótti hina reglulegu vor- og haustfundi
SNS í Svíþjóð og Danmörku að þessu sinni.
I sambandi við SNS-fundinn á Jótlandi heim-
sótti hann Heiðafélagið í Viborg og tók fram-
kvæmdastjóri skógræktardeildarinnar, Peter
Friis, á móti honum. Hann fékk tækifæri til að
kynnast skjólbeltarækt Heiðafélagsins í fylgd
Christian Als, yfirmanns skjólbeltadeildarinnar.
Væri það efni í langa frásögn. Þó má í stuttu máli
segja það, að Danir hafa nú alveg horfið frá
notkun sitkagrenis í skjólbeltin, en planta þeim
uppá nýtt með eins mörgum tegundum lauftrjáa
og kostur er á hverjum stað. Meira um það síðar.
Að lokinni heimsókn til Heiðafélagsins fór Sig-
urður í kynnisferð með Norræna fræ- og plöntu-
ráðinu, sem hélt fund skammt frá Viborg.
Loks er þess að geta að í þessari ferð heimsótti
Sigurður Junckers Fabrikker í Köge í fylgd Hak-
ons Frplund skógræktarstjóra Dana. Þetta er
stærsta parkettverksmiðja í Norður-Evrópu,
vinnur úr 300 þús. m3 viðar og er fagur vitnisburð-
ur um danskt hugvit og framtak.
Jón Loftsson skógarvörður sat vor- og haust-
fundi Norræna skógvinnuráðsins, en hann er
fulltrúi Skógræktar ríkisins í stjórn þess.
ÁSGARÐSMÁLIÐ
Hæstaréttardómur féll í des. 1986 í máli því,
sem Hjartavernd og Skógrækt ríkisins áfrýjuðu til
Hæstaréttar um það, hverjir ættu að hljóta and-
virði Ásgarðs, erfingjar eðá Hjartavernd og
Skógræktin.
Hæstiréttur staðfesti dóm borgarfógeta, sem
dæmdi erfingjum andvirðið. Dómurinn varð okk-
ur mikil vonbrigði og botnum við satt að segja
ekkert í þessari niðurstöðu. Sömu viðbrögð við
dómnum eru hjá öllu venjulegu fólki, sem við
höfum heyrt ræða um hann.
SKÓGRÆKTIN EIGNAST KOTMÚLA í
FLJÓTSHLÍÐ
Á árinu fékk Skógrækt ríkisins umráðarétt yfir
jörðinni Kotmúla í Fljótshlíð, sem verið hafði í
eyði í nokkur ár. Þetta er ríkisjörð og lét landbún-
aðarráðuneytið hana af hendi til umsjár og af-
nota, en fjármálaráðuneytið átti húsin á jörðinni
og ákvað að afhenda þau Skógræktinni. Eru
báðum ráðuneytum hér með færðar þakkir fyrir
velviljann.
Óskipt land jarðarinnar er að vísu lítið, en hún
er örskammt frá Tumastöðum og húsin geta
reynst mjög gagnleg fyrir starfsemina þar.
ÁRSRIT SKÓGRÆKTARFÉLAGS ÍSLANDS 1987
125