Ársrit Skógræktarfélags Íslands - 15.12.1989, Page 35

ALEXANDER ROBERTSON
Tré og vindur
UM HÖFUNDINN
Alexander Robertson er skógvísindamaður við skóg-
rannsóknastofnunina í St. John’s á Nýfundnalandi í
Kanada. Hann kom fyrst til íslands sumarið 1983 og
haustið 1984 fylgdi hann mér á ferðalagi um Kanada. Ég
sagði frá ferli hans í grein minni „Skógur og skógrækt á
Nýfundnalandi” í Ársritinu 1985.
Næsta ár hélt hann til Oxford í Englandi og lauk dokt-
orsprófi í skógrækt frá háskólanum þar árið 1987. Vorið
1988 kom hann aftur til Islands ásamt prófessor Harry
MacCaughey frá Kingston-háskóla í Kanada til þess að
ræða við okkur um sameiginlegt rannsóknaverkefni
Islendinga og Kanadamanna til þess að kanna áhrif
vinds á vöxt trjáa.
I þessari ferð heimsóttu þeir félagar nokkrar skóg-
ræktarstöðvar hér og tók Sandy - eins og hann er kall-
aður - kvikmyndir af skógrækt á þessum stöðum. Hann
hefir kynnt skógrækt á íslandi meðal skógræktarmanna
í Englandi og Kanada og er einn af bestu vinurn, sem
íslensk skógrækt á erlendis um þessar mundir.
Þessa grein skrifaði Sandy að beiðni ritnefndar fyrir
Ársritið.
Sigurður Blöndal
Trén bera oft merki vindsins hvort heldur þau
vaxa á víðum vangi eða í þéttum skógi. Af
ummerkjum vindsins má ráða ríkjandi vindátt og
meðalvindhraða. Ummerki vindsins á trjánum
eru stundum notuð við gerð vindkorta af stórum
svæðum. Kortin eru meðal annars notuð til að
finna vindorkuverum staði og meta land til skóg-
ræktar. Bændur, skóg- og trjáræktarmenn hafa
yfirleitt meiri áhuga á illum áhrifum vinds á tré og
skóga en á þá sögu sem trén segja um vindinn.
í þessari grein er dregið fram mikilvægi trjáa
sem lifandi vindmæla. Bent er á margt, sem
mildar áhrif vinds á trjágróður. Máli mínu til
skýringar nefni ég dæmi af athugunum mínum á
Mynd 1: Útlínur balsamþins skammt frá norrœnu búðun-
um við L'Anse aux Meadows á Norður-Nýfundnalandi.
Takið eftir því hvernig norðaustan vetrarveður hafa
aflagað trjákrónuna. (Mynd: Alexander Robertson).
ÁRSRIT SKÓGRÆKTARFÉLAGS ÍSLANDS 1989
33