Ársrit Skógræktarfélags Íslands - 15.12.1989, Page 135

í girðingu Skógrœktarfélags Norður-Þingeyinga að Akri
í Axarfirði er mjög falleg stafafura. Mynd: Sig. Blöndal
09-09-88.
hreinsun frá plöntum. Skógræktarfélag Eyrar-
sveitar, sem nýlega var endurvakið, hefur einnig
lagt áherslu á hreinsun frá plöntum og sömu sögu
má segja um Skógræktarfélag Siglufjarðar en þar
hefur veriö rík áhersla lögð á umhirðu.
Þessum þætti skógræktar hefur lítið verið sinnt
eins og sagt var hér áður en það getur oft skipt
sköpum um árangur að hlúa að og leggja rækt við
ungplöntur. Eftir að farið var að nota fjölpotta-
bakka hefur hættan á því að gras kæfi smáar
plöntur aukist. Einnig virðist áburðargjöf frá
félögunum hafa minnkað til muna, en það er oft
nauðsynlegur þáttur til að stuðla að betri árangri,
sérstaklega í rýru landi.
SAMSTARF
Allmörg skógræktarfélög hafa komið á sam-
starfi við skóla ogfélagasamtök, einnighefur gott
samstarf verið við vinnuskóla sveitar- og bæjar-
félaga og er þetta samstarf orðið með nokkuð
föstu sniði t.d. hjá Skógræktarfélagi Reykjavík-
ur, Hafnarfjarðar, Akureyrar o.fl. félögum.
Vinna þessi er oftast fólgin í plöntun trjáa eða
umhirðu á einn eða annan hátt. Mikilvægi þessa
þáttar skógræktarstarfs verður ekki tíundað hér
en bent á að samstarf þessara aðila hefur víða
tekist vel og er vert fyrir þau skógræktarfélög,
sem ekki hafa komið á slíku starfi að kynna sér
hvernig háttar til hjá þessum félögum. Til að starf
þetta fari vel verður að leggja vinnu í undirbún-
ing og ekki síst ríður á að verkstjórn sé vel skipu-
lögð og til hennar veljist dugmikið fólk.
AFMÆLI
Skógræktarfélag Austurlands varð 50 ára þann
21. apríl og var afmælisins minnst í Valaskjálf
þann 8. maí. Fundurinn var tileinkaður skógrækt
sem búgrein á Héraði.
Þá var Skógræktarfélag Borgarfjarðar einnig
50 ára og var afmælisins minnst í Hótel Borgar-
nesi þann 5. nóvember á stofndegi félagsins.
Mættu þar um 130 manns, m.a. Haukur Jörundar-
son, fyrsti formaður félagsins, og Kjartan Sveins-
son, sem var einn þeirra er stóð að stofnun félags-
ins og var í fyrstu stjórn þess. I tilefni þessara
tímamóta gaf félagið út veglegt afmælisrit, sem
birti greinar um sögu félagsins, störf þess á
liðnum árum, auk greina og fjölmargra viðtala
við skógræktarmenn.
NÝ SKÓGRÆKTARFÉLÖG
Fjögur ný skógræktarfélög bættust í hóp skóg-
ræktarfélaganna og eru þau nú orðin 43 talsins.
Skagstrendingar stofnuðu skógræktarfélag 29.
júní og þann 3. október var stofnað skógræktar-
félag á Tálknafirði, er ber nafnið Limgarður. I
næsta firði sunnan við, nánar tiltekið á Patreks-
firði, var stofnað skógræktarfélag þann 30. okt-
óber, og voru skráðir 43 stofnfélagar. I Garðabæ
var stofnað skógræktarfélag 24. nóvember.
Garðbæingar voru áður í sameiginlegu félagi
ásamt Hafnfirðingum. Skógræktarfélög eru nú til
í allflestum héruðum landsins.
ÁRSRIT SKÓGRÆKTARFÉLAGS ÍSLANDS 1989
133