Golf á Íslandi - 01.10.2011, Blaðsíða 16

G O L F
viðtalið
Lokastaðan í Einvíginu:
1. Nökkvi Gunnarsson NK
2. Ingi Rúnar Gíslason GKj
3. Andri Þór Björnsson GR
4. Axel Bóasson GK
5. Alfreð Brynjar Kristinsson GKG
6. Björgvin Sigurbergsson GK
7. Tinna Jóhannsdóttir GK
8. Karlotta Einarsdóttir NK
9. Ólafía Þórunn Kristinsdóttir GR
10. Birgir Leifur Hafþórsson GKG
Lokastaðan í höggleiknum:
1. Andri Þór Björnsson GR 30 -6
2. Björgvin Sigurbergsson GK 34 -2
3. Axel Bóasson GK 34 -2
4. Ingi Rúnar Gíslason GKj 35 -1
5. Nökkvi Gunnarsson NK 35 -1
6. Birgir Leifur Hafþórsson GKG 36 par
7. Karlotta Einarsdóttir NK 37 +1
8. Þórarinn Gunnar Birgisson NK 38 +2
9. Ólafía Þórunn Kristinsdóttir GR 38 +2
10. Alfreð Brynjar Kristinsson GKG 39 +3
11. Tinna Jóhannsdóttir GK 40 +4
Nökkvi Gunnarsson úr Nesklúbbnum fór með sigur af
hólmi í Einvíginu á Nesinu sem fram fór á Nesvell-
inum mánudaginn 1. ágúst síðastliðinn. Tíu kylfingar
fengu þátttökurétt í Einvíginu og datt einn kylfingur
úr leik á hverri holu þar til að Nökkvi stóð uppi sem
sigurvegari eftir einvígi á 9. holu við Inga Rúnar
Gíslason úr Golfklúbbnum Kili í Mosfellsbæ.
Nökkvi og Ingi Rúnar fengu báðir fugl á níundu holu
og því var farið í einvígi þar sem keppt var í því að vera
nær holu úr vippi skammt fyrir utan flötina. Nökkvi
átti frábært vipp og tryggði sér sigurinn og fagnaði 35
ára afmælisdeginum sínum með glæsibrag.
„Það var ekki verra að vinna þetta mót á afmælisdeg-
inum. Ég hafði lengst náð á fimmtu holu og tvisvar
dottið út á annarri holu. Ég hélt að það væri að fara
að endurtaka sig. Það er frábært að ná að vinna þetta
mót því þetta er einn af aðalgolfviðburðunum í golfi
á hverju ári. Þessi sigur gefur mér umfram allt sjálfs-
traust. Ég veit að ég er góður kylfingur sem getur
slegið, púttað og vippað vel en hef alltaf átt í erfið-
leikum með hugarfarið. Ég skil eiginlega ekki hvernig
ég fór að því að vinna. Úr því að mér hefur tekist að
vinna einu sinni þá verður þetta kannski auðveldara
næst,“ sagði Nökkvi eftir sigurinn.
Klúbbmeistari GR, Andri Þór Björnsson, varð þriðji
eftir að hafa fallið úr keppni á 8. braut. Hann lék
einnig best allra í höggleiknum sem leikinn var fyrr
um morguninn og kom í hús á 30 höggum eða sex
höggum undir pari. Björgvin Sigurbergsson úr Keili og
Axel Bóasson úr Keili léku á 34 höggum eða tveimur
höggum undir pari.
Atvinnukylfingurinn Birgir Leifur Hafþórsson úr GKG
átti titil að verja í mótinu en lenti í hremmingum á
fyrstu holu og féll úr keppni. Hann sló yfir flötina í
upphafshöggi sínu og lenti þar í mjög þungum karga.
Hann tapaði svo fyrir Andra Þór í einvígi.
Mótið þótti heppnast mjög vel og við mótslok
veitti helsti styrktaraðili mótsins, DHL, Barnaspítala
Hringsins eina milljón króna til styrktar góðu málefni.
Fjölmargir áhorfendur lögðu leið sína á Nesvöllinn en
mótið er orðinn einn af hátindum golfsumarsins.
Einvígið á Nesinu:
Nökkvi fagnaði 35 ára
afmælinu með sigri
Nökkvi með bikarinn og í sveiflu.
Að ofan er Ingi Rúnar og fjöldi
áhorfenda.
Andri Þór lék best í höggleiknum
og varð svo þriðji í lokakeppninni.
16