Golf á Íslandi - 01.10.2011, Blaðsíða 82

G O L F
Clarke
Teighögg Darrens á elleftu
holu er gott dæmi um vel
heppnaða sveiflu hans og
þráðbeint högg. Kylfuendinn
vísar beint á naflann og
maður sér engin merki þess
að hann hafi þurft að beita
höndunum sérstaklega til að
bjarga högginu. Þegar Darren
stillir sér illa upp, þá lokar
hann kylfunni í baksveiflunni,
missir hana út úr ferlinum, án
þess að fá mótstöðuna í neðri
hluta líkamans. Þá fer hann að
sveifla með handleggjunum
eingöngu, kylfan kemur
innan frá í boltann og hann
þarf að bjarga högginu með
höndunum. Hérna sjást engin
merki þess.
SNILLDARSTROKA
Ég sendi Darren skilaboð á laugardeginum og sagði
honum að hann púttaði mjög vel. Darren heldur
því alltaf fram að púttin séu hans veika hlið. En á
sunnudeginum var strokan hans frábær. Hann tók
sér alltaf sama tíma fyrir hvert pútt og hélt sig við
rútínuna. Á fyrstu níu holunum púttaði hann mjög vel
og setti niður nokkur mikilvæg högg á flötunum.
Það er tvennt sem ég sé jákvætt á þessari mynd.
Í fyrsta lagi er það „Y“ formið sem mótast af
framhandleggjunum og kylfuskaftinu. Hendurnar
eru kyrrar í gegnum strokuna og Darren er greinilega
rólegur og honum líður vel. Hitt er höfuðhreyfingin.
Darren snýr höfðinu til að horfa á eftir boltanum, en
lyftir því ekki, eins og honum hættir stundum til að
gera. Sú hreyfing getur haft áhrif á línu axlanna og þar
með á púttið sjálft.
GÓÐ SVEIFLA ÞARFNAST EKKI
BJÖRGUNARAÐGERÐA
82