Golf á Íslandi - 01.10.2011, Blaðsíða 42

„Ég fór í mótið til að vinna það líkt og ég geri alltaf.
Það er mjög skemmtileg tilfinning að vera Íslands-
meistari. Ég fæ talsvert meiri athygli fólks sem ég
hef aldrei talað við áður og það hefur verið mjög
skemmtileg upplifun,“ segir Axel sem hóf leik af
miklum krafti í mótinu og jafnaði vallarmetið á fyrsta
hring með því að leika á 65 höggum eða sjö höggum
undir pari. Hann var reyndar í dauðafæri á að bæta
vallarmetið en missti stutt pútt fyrir fugli á 18.
holunni. Axel segir að undirbúningur sinn fyrir mótið
hafi verið hefðbundinn.
„Ég æfði ekkert öðruvísi en ég er vanur. Ég æfði vel
stutta spilið og hugsaði um að vera öruggur fyrir
innan hundrað metrana. Það reyndi á hausinn og ég
reyndi að vera rólegur alla helgina. Ég var með lítil
markmið á hverjum hring sem héldu mér á jörðinni
og pössuðu að ég færi ekki fram úr sjálfum mér.
Kvöldið fyrir lokahringinn þá hugsaði ég með sjálfum
mér að ég ætti góðan möguleika á að verða Íslands-
meistari með góðum hring. Ég átti samt ekkert erfitt
með að sofna eða neitt slíkt.“
Fann fyrir pressunni
Axel fór inn í lokahringinn með þriggja högga for-
ystu. Um miðjan hring var Kristján Þór Einarsson
úr GKj farinn að þjarma allverulega að Axel sem
viðurkennir að hann hafi fundið fyrir pressunni sem
fylgir því að vera í forystu þegar skammt var eftir.
„Eftir að ég heyrði að Kristján væri að vinna niður
forskotið þá þurfti ég eðlilega að fara að sækja. Ég
fann fyrir pressunni. Það gekk lítið upp en eftir að
ég fékk fugl á 15. holu þá var ég þess fullviss að ég
myndi vinna mótið. Þar hrökk ég í gang og á næstu
holum hugsaði ég ekki um neitt annað en að fá fugl
til að klára mótið. Það er mjög sætur endir að vinna
Íslandsmótið með að setja niður langt pútt fyrir erni
og þetta var auðvitað frábært sjónvarpsefni. Ég vissi
að ég mætti þrípútta til að verða Íslandsmeistari og
ég hugsaði fyrst og fremst um að tryggja fuglinn.
Það var mikill bónus að tryggja sér titilinn með þessu
pútti.“
Högglengdin hjálpaði
Axel vann skömmu fyrir Íslandsmótið keppnina
Sleggjuna þar sem högglengstu kylfingar lands-
ins keppa. Hann er fyrir vikið högglengsti kylfingur
landsins og slær talsvert lengra en helstu and-
stæðingar sínir. Axel segir að högglengdin hafi án
efa hjálpað til á Íslandsmótinu í Leirunni. „Það er
ekki spurning því það var nánast hægt að slá hvert
sem er á Hólmsvelli í sumar. Það var lítill kargi á
vellinum sem gaf mér líklega örlítið forskot. Ég nýtti
mér þessar aðstæður,“ en var mikill vindur í seinni
helmingi mótsins honum í hag?
„Já og nei. Ég slæ auðvitað lengra en flestir en það
þarf líka að slá beint í svona aðstæðum. Til að skora
vel við svona aðstæður þá þarf maður að slá vel og
ég gerði það í þessu móti. Þegar ég lít til baka þá
var það sjálfstraustið sem var lykillinn að sigrinum.
Hausinn á mér var í toppformi þessa fjóra daga og
það er ekki spurning að það tryggði mér titilinn.“
Axel vann sinn fyrsta sigur á Eimskipsmótaröðinni í
fyrsta móti sumarsins sem fram fór á Akranesi. Þar
lék Axel gríðarlega vel og fékk hann þar mikið sjálfs-
traust sem hann nýtti sér í Íslandsmótinu.
„Það hjálpaði mér að vinna á Akranesi. Þar voru
mjög erfiðar aðstæður en ég sýndi þar að ég get
spilað vel í slíkum aðstæðum. Ég sló boltanum þar
eins og engill og stutta spilið var frábært. Sigurinn
gaf mér sjálfstraust.“
lykillinn að sigrinum
Axel Bóasson úr Keili varð
Íslandsmeistari með glæsibrag -
Stefnir á atvinnumennsku
„Að verða Íslandsmeistari var stór stund fyrir mig. Ég hafði sýnt það
síðustu tvö ár að ég átti fullt erindi á meðal þeirra bestu og það að
verða Íslandsmeistari hefur verið takmark hjá mér í svolítinn tíma. Ég
byrjaði mjög vel og fyrsti hringurinn hjálpaði mér mikið,“ segir Axel
Bóasson úr Keili sem varð Íslandsmeistari í höggleik með glæsibrag
á Hólmsvelli í Leiru fyrr í sumar. Axel leiddi mótið frá upphafi til
enda og sýndi að lokum frábær tilþrif á 18. holunni. Fyrst sló hann
mögnuðu 180 metra höggi inn á flöt úr öðru höggi með 8-járni. Hann
setti svo niður um sjö metra pútt fyrir erni og varð Íslandsmeistari í
fyrsta sinn.
Sjálfstraustið
42