Golf á Íslandi - 01.10.2011, Blaðsíða 37

Vel tekið á móti áhorfendum á Hólmsvelli
Það var svo sannarlega vel tekið á móti þeim
áhorfendum sem lögðu leið sína á Íslandsmótið í
höggleik á Hólmsvelli í Leiru. Securitas og Eimskip
reistu vegleg veislutjöld við klúbbhúsið á Hólmsvelli
þar sem keppendum og áhorfendum var boðið að
líta við og þiggja veitingar.
Hægt var að fylgjast með beinni útsendingu frá
mótinu í sófum í tjöldunum og tók starfsfólk vel á
móti gestum. Fjölmargir nýttu sér gestrisni þessara
fyrirtækja sem er vonandi vísir að því að fleiri fyrir-
tæki kynni þjónustu sína með þessum hætti í Íslands-
mótum á komandi árum.
Klippt á beina útsendingu Íslandsmótsins - Útvarps-
stjóri baðst afsökunar
Mikil óánægja var á meðal íslenskra golfáhuga-
manna eftir að útsendingu RÚV frá Íslandsmótinu
í höggleik var slitið á hápunkti mótsins á loka-
hringnum. Aðeins tvær holur voru eftir af mótinu
þegar útsendingu var slitið og var þá gríðarleg
spenna í mótinu í karlaflokki. Keppni hafði frestast
talsvert vegna veðurs og því náðu keppendur ekki
að ljúka leik fyrir kl. 19 þegar fréttatími RÚV hefst.
RÚV tók þá ákvörðun að slíta útsendingu frá Íslands-
mótinu fyrir fréttatímann.
„Það var mikil óánægja hjá Golfsambandinu og
kylfingum almennt að útsending skyldi enda á þessu
augnabliki. Við hefðum þurft 20-25 mínútur lengri
tíma til að geta klárað mótið,“ sagði Haukur Örn
Birgisson, varaforseti GSÍ.
Páll Magnússon, útvarpsstjóri, segir að RÚV hafi
tekið rétta ákvörðun með að slíta útsendingu en tveir
slæmir kostir hafi verið í stöðunni. „Það sköpuðust
mjög óvenjulegar og óheppilegar aðstæður. Á
venjulegum degi hefðum við frestað útsendingu
fréttatímans þar til að leik lyki. Aðstæður voru
hins vegar svo að það væri illa gerlegt að fresta
útsendingu vegna atburðanna í Noregi. Ég tel að það
hafi verið rétt ákvörðun af tveimur vondum kostum.
Við lærum af þessari reynslu og reynum að tryggja
að útsendingu verði haldið áfram á netinu þegar
svona staða kemur upp,“ sagði Páll Magnússon, út-
varpsstjóri.Eimskip og Securitas buðu gestum í
veitingar og tjaldastemmningu.
Gylfi Kristinsson,
mótsstjóri, Sigurður
Garðarsson, formaður
GS og Hörður
Þorsteinsson á 18. flöt í
veðurathugunum. Leik
var frestað fram til kl. 13
lokadaginn vegna veðurs.
Sjónvarpsgræjur
um allan völl. Sýnt
var beint frá mótinu
síðustu tvo dagana.
Um 70 til 100
sjálfboðaliðar unnu við
mótið alla dagana.
Aðstæður: Hólmsvöllur í Leiru var í afar góðu
ásigkomulagi í Íslandsmótinu í höggleik. Flatirnar
voru frábærar og iðagrænar. Sökum lítillar vætu í
sumar hafði karginn hins vegar ekki vaxið mikið og
því var völlurinn e.t.v. auðveldari en oft áður. Veður
spilaði stóra rullu í mótinu eins og svo oft áður
í Íslandsmóti. Veður var gott fyrstu tvo keppnis-
dagana en mikill vindur setti sitt mark á mótið í
síðari hluta mótsins.
Sigurvegarar: Axel Bóasson úr Keili (65-71-76-
74=286 -2) og Ólafía Þórunn Kristinsdóttir úr GR
(72-70-74-80=296 +8).
Bestu skorin: Í karlaflokki; Axel Bóasson úr Keili, 65
högg. Í kvennaflokki; Tinna Jóhannsdóttir úr Keili,
69 högg.
Högg mótsins: Axel Bóasson úr Keili á högg
mótsins. Hann setti niður frábært pútt fyrir erni
á lokaholunni í mótinu við gríðarlegan fögnuð
áhorfenda og tryggði sér Íslandsmeistaratitilinn.
Axel sló frábæru höggi með 8-járni inn á flöt af um
190 metra færi og setti sig í frábæra stöðu. Pútt
hans af sjö metra færi hreinlega steinlá í holunni.
Vendipunkturinn: Í karlaflokki má sjá að
vendipunkturinn í mótinu hafi verið þegar Axel
Bóasson fékk fugl á 15. holu á lokahringnum og
hrökk í gang eftir að hafa verið í vandræðum á
hringnum. Hann stóðst pressuna frá Kristjáni
Þór og tryggði sér að lokum sigur í mótinu. Í
kvennaflokki má sjá að vendipunkturinn hafi verið
þau meiðsli sem Tinna Jóhannsdóttir úr Keili varð
fyrir á fyrsta hring. Tinna mætti í mjög góðu formi
í mótið en ljóst er að meiðslin settu stórt strik í
reikninginn hjá Íslandsmeistaranum fyrrverandi
sem varð að sætta sig við annað sætið.
Ummæli mótsins: „Ég veit eiginlega ekki hvernig
ég fór að því að komast í gegnum þetta Íslandsmót.
Annað hvort er ég svona hrikalega þrjóskur eða
bara heimskur að hafa klárað mótið,“ sagði Hlynur
Geir Hjartarson úr GOS sem lék bakveikur, á hálfri
löppinni en hann lék með slitið liðband í mótinu og
varð í 13. sæti.
Mesta bæting á milli hringja: Í karlaflokki; Pétur
Freyr Pétursson úr GR, fimmtán högg (90-75) . Í
kvennaflokki; Stefanía Kristín Valgeirsdóttir úr GA,
fjórtán högg (97-83).
Auðveldasta og erfiðasta holan: Auðveldasta
holan í mótinu var 18. holan sem er 474 metra löng
par-5 hola. Meðalskor á holunni var 4,72 högg sem
þýðir að margir kylfingar voru að vinna högg á
holunni. Erfiðasta holan var aftur á móti Bergvíkin
eða þriðja hola Hólmsvallar. Meðalskor á þessari
180 metra löngu holu var 3,91 högg að meðaltali
sem undirstrikar hversu erfið holan er.
Dómarar: Kristján Einarsson og Aðalsteinn Örnólfs-
son.
seinni 9
37