Golf á Íslandi - 01.10.2011, Blaðsíða 28

Tvöföld sigurganga hjá GR
Golfklúbbur Reykjavíkur vann tvöfalt í Sveitakeppni GSÍ
annað árið í röð - Leynir og GS upp í efstu deild á ný
Sveitakeppni GSÍ fór fram um miðjan ágúst síðastliðinn og var leikið í fimm
deildum í karlaflokki en tveimur hjá konunum. Golfklúbbur Reykjavíkur og Golf-
klúbbur Kópavogs og Garðabæjar mættust í úrslitum í 1. deild karla en leikið var
á Leirdalsvelli hjá GKG. Þessar tvær sveitir voru taldar sigurstranglegastar fyrir
mótið en GR átti titil að verja. Úrslitaleikurinn var mjög spennandi og þegar
fjórum leikjum af fimm var lokið var staðan 2-2.
Bráðabana þurfti í fjórmenningi þar sem Stefán Már Stefánsson og Arnór Ingi
Finnbjörnsson úr GR mættu þeim Ottó Sigurðssyni og Kjartani Dór Kjartanssyni
úr GKG. Leikur þeirra fór alla leið á 19. holu þar sem GR hafði betur og tryggði
sér þar með sigur í mótinu annað árið í röð. Golfklúbburinn Kjölur tryggði sér
þriðja sætið í mótinu með að leggja Golfklúbb Vestmannaeyja í leik um þriðja
sætið. Golfklúbbur Akureyrar og Golfklúbbur Kiðjabergs þurftu að sætta sig við
það leiða hlutskipti að falla niður um deild en í þeirra stað koma Golfklúbburinn
Leynir og Golfklúbbur Suðurnesja upp í efstu deild.
1. deild kvenna fór fram á Hvaleyrarvelli í Hafnarfirði og mættust GR og Keilir í úr-
slitum. Rétt eins og hjá körlunum var mikil spenna og dramatík á lokasprettinum.
Keilir hafði yfirhöndina framan af leik og virtist vera að fara að sigla sigri í hús
enda með góða forystu í þremur leikjum þegar skammt var eftir. Reynsluboltinn
Ragnhildur Sigurðardóttir úr GR reyndist hins vegar hetja GR þegar hún vann upp
nánast tapaðan leik gegn Rögnu Björk Ólafsdóttur úr Keili og tryggði sér sigur á
18. holu. Hún var fjórum holum niður eftir tólf holur en náði að vinna sig aftur inn
í leikinn og tryggði GR sigurinn annað árið í röð. Í hinum leikjunum vann Tinna
Jóhannsdóttir viðureign sína við Íslandsmeistararann, Ólafíu Þ. Kristinsdóttur og
Signý Arnórsdóttir vann Sunnu Víðisdóttur. Þá vann Guðrún Pétursdóttir nöfnu
sína Guðrúnu Brá Björgvinsdóttur örugglega 5/4.
„Ég var fjórar holur niður eftir tólf holur en þá gerðist eitthvað. Ég sagði við
kærastann minn, sem var á pokanum hjá mér, að ég mætti ekki tapa þessum
leik því þá væri ég að svíkja litlu dúllurnar mínar. Ég vann svo allar holur eftir það
nema 17. holu,“ sagði Ragnhildur kát í mótslok.
Fyrsti titill Dalvíkur í sveitakeppninni
Sveitakeppni unglinga fór fram á þremur völlum í
ár en fjöldi keppnissveita var það mikill að jafnvel
hefði þurft að leika á fleiri völlum í ár. Dalvíkingar
eignuðust sína fyrstu Íslandsmeistara í sveitakeppni
þegar sveit klúbbsins í telpnaflokki 15 ára og yngri
fagnaði sigri á Hólmsvelli í Leiru. Dalvíkurstúlkur
hlutu fjóra leiksigra og tíu vinninga, jafn marga og
GR, en höfðu betur í innbyrðis viðureign liðanna og
því var titillinn þeirra. Í stúlknaflokki 16-18 ára vann
Keilir öruggan sigur en þær unnu alla sína leiki á leið
sinni að Íslandsmeistaratitlinum. GR varð í öðru sæti
og GKG í þriðja sæti.
Metþátttaka var í drengjaflokki sem fram fór á Sels-
velli á Flúðum en þar mættu alls 23 sveitir til keppni.
Golfklúbbur Kópavogs og Garðabæjar fagnaði sigri
í drengjaflokki 15 ára og yngri annað árið í röð. GKG
vann Keilispilta í úrslitaleik 2/1. GR-A varð í 3. sæti eftir
sigur á Akureyringum í leik um 3. sætið.
A-lið Keilis í flokki 16-18 ára sigraði í sveitakeppninni
sem fram fór í Þorlákshöfn. Keppni var mjög jöfn og
spennandi. Keilispiltar unnu sameiginlegt lið GL/
GKj 2/1 í úrslitaleiknum en bæði lið unnu tvo leiki af
þremur í riðlakeppninni og voru jafnir GKG og GR-A.
Innbyrðis viðureignir réðu þar um að GK-A og GL/
GKj léku til úrslita. Í leik um 3. sætið vann GKG lið GR
örugglega 3/0.
Tvöfaldur GR sigur hjá eldri kylfingum í Eyjum
GR varð tvöfaldur Íslandsmeistari í Sveitakeppni eldri
kylfinga en keppnin fór fram á Vestmannaeyjarvelli.
Til úrslita í karlaflokki léku GR og GA. Leikar fóru
þannig að GR hafði betur með 3,5 vinningi á móti 1,5
hjá GA.
Í kvennaflokki léku til úrslita GR og GS. Kvennasveit
GR varð í fyrsta sinn í sögu GR Íslandsmeistari kvenna
í Sveitakeppni eldri kylfinga. Leikar fóru þannig að
GR fékk 2,5 vinninga á móti 0,5 vinningi GS. Liðsstjóri
liðanna var Garðar Eyland.
Íslandsmót
í sveitakeppni
Sigurlið GR í karla- og
kvennaflokki 2011.
Dalvíkurdömurnar sælar með sigurinn í Leirunni með Árna Jónssyni,
sem hefur náð frábærum árangri með unglinga víða á landinu.
28