Golf á Íslandi - 01.10.2011, Blaðsíða 50

EIMSKIPS
mótaröðin
Meistaraframmistaða
Stefáns á Urriðavelli
Keppnistímabilinu á Eimskipsmótaröðinni lauk á
Urriðavelli með Chevrolet mótinu sem fram fór 3.-4.
september. Líklega hefði ekki verið hægt að biðja
um betri aðstæður í mótinu því einmuna veður-
blíða ríkti á meðan á mótinu stóð og skein sólin glatt.
Urriðavöllur var jafnframt í frábæru ásigkomulagi
og hefur völlurinn sjaldan litið betur út. Leiknar
voru 54 holur í mótinu á tveimur keppnisdögum
og voru leiknar 36 holur á fyrri keppnisdegi. Fyrir
mótið var spenna bæði í karla- og kvennaflokki um
stigameistaratitilinn og því mikið undir. Stefán Már
Stefánsson úr GR og Sunna Víðisdóttir úr GR fóru með
sigur af hólmi í mótinu eftir frábæra frammistöðu og
tryggðu þar með Golfklúbbi Reykjavíkur tvöfaldan
sigur. Með sigrinum tryggði Stefán sér jafnframt
stigameistaratitilinn.
Það var boðið upp á fín skor á fyrri keppnidegi og
voru þeir Stefán Már, Sigurjón Arnarsson úr GR og
Guðjón Henning Hilmarsson úr GKG efstir og jafnir
eftir fyrsta hring á 67 höggum eða fjórum höggum
undir pari Urriðavallar. Kjartan Dór Kjartansson úr
GKG lék einnig vel á fyrsta hring eða á 68 höggum
og Andir Þór Björnsson úr GR var í 5. sæti eftir fyrsta
hring á 69 höggum alls léku sjö kylfingar undir pari á
fyrsta hring.
Lokastaða í karlaflokki:
1. Stefán Már Stefánsson GR 67-66-71=204 -9
2. Haraldur Franklín Magnús GR 71-70-70=211 -2
3. Andri Már Óskarsson GHR 73-73-67=213 par
4. Guðjón Henning Hilmarsson GKG 67-73-74=214 +1
5. Arnar Snær Hákonarson GR 70-73-73=216 +3
6.-8. Davíð Gunnlaugsson GKj 73-71-74=218 +5
6.-8. Alfreð Brynjar Kristinsson GKG 73-70-75=218 +5
6.-8. Nökkvi Gunnarsson NK 70-73-75=218 +5
9. Helgi Birkir Þórisson GSE 77-71-71=219 +6
10.-11. Rúnar Arnórsson GK 77-73-70=220 +7
10.-11. Tryggvi Pétursson GR 73-73-74=220 +7
Stefán Már sýndi hvað í honum býr á öðrum hring
þegar hann lék á 66 höggum eða fimm höggum undir
pari. Hann náði þar með afgerandi forystu í mótinu á
samtals níu höggum undir pari. Helstu keppinautar
hans misstigu sig á öðrum hring og hafði Stefán Már
sjö högga forystu á Guðjón Henning fyrir lokahring-
inn en Guðjón lék annan hringinn á 73 höggum eða
tveimur höggum yfir pari. Haraldur Franklín Magnús
úr GR náði að vinna sig upp í þriðja sætið í mótinu
eftir að hafa leikið annan hringinn á 70 höggum eða
einu höggi undir pari. Haraldur sneri sig á ökkla á
öðrum hring og lék sárkvalinn síðustu holurnar. Hann
náði þó að ljúka hringnum með glæsibrag.
„Ég sló mjög vel og hélt boltanum í leik. Púttin duttu
loksins niður hjá mér og ég setti alveg niður helling af
fuglum. Púttin hafa ekki alveg verið að detta hjá mér
í sumar en í dag gekk allt upp og það var gaman að
pútta á flötunum sem voru mjög góð,“ sagði Stefán
eftir fyrri keppnisdag en hann fékk tólf fugla og einn
örn á fyrstu tveimur hringjunum.
Sigur Stefáns aldrei í hættu
Það getur oft verið erfitt fyrir kylfinga að fara inn í
lokahringinn með góða forystu enda falla margir
kylfingar á eigin bragði þegar þeir reyna að verja
forystuna. Stefán Már féll þó alls ekki í þá gildru því
hann hóf leik á þriðja hring með látum. Hann fékk
fugl á fyrstu tvær holurnar og var um leið kominn
með níu högga forystu þegar sextán holur voru eftir.
Stefán gat leyft sér að slaka aðeins á það sem eftir
lifði hringsins og lauk hann hringnum á 71 höggi
eða pari vallarins. Það tryggði honum glæsilegan sjö
högga sigur í mótinu og einnig stigameistaratitilinn
eftirsótta. Haraldur Franklín Magnús úr GR varð annar
á samtals tveimur höggum undir pari eftir að hafa
leikið lokahringinn á 70 höggum. Haraldur átti góðu
gengi að fagna í sumar og varð annar á stigalista Eim-
skipsmótaraðarinnar. Andri Már Óskarsson úr GHR
vann sig upp í þriðja sætið með hring upp á 67 högg
eða fjögur högg undir par.
Stefán Már:
„Gott að komast aftur á sigurbraut“
„Það er mjög gaman að vinna sigur í þessu móti og
verða í kjölfarið stigameistari. Ég spilaði frábærlega á
fyrri keppnisdegi og náði þar með góðri forystu á aðra
kylfinga. Ég kom afslappaður inn í lokahringinn og er
mjög sáttur með hvernig ég lék í mótinu,“ sagði sigur-
vegarinn Stefán Már Stefánsson úr GR eftir frækinn
sigur á Urriðavelli. Stefán vann þar með sinn annan
sigur á Eimskipsmótaröðinni en áður hafði hann
unnið í Vestmannaeyjum árið 2007. Stefán hefur verið
meðal fremstu kylfinga landsins undanfarin ár og
sýndi hvað í honum býr á Urriðavelli.
„Það er alltaf gaman að vinna og gott að komast aftur
á sigurbraut. Ég hef nokkrum sinnum verið nálægt
sigri í sumar en þetta small loksins undir lokin. Þetta
gefur mér væntanlega aukið sjálfstraust. Árangurinn
hjá mér í sumar hefur verið fínn. Ég byrjaði vel en
það kom smá lægð hjá mér í kringum Íslandsmótið.
Ég náði þó alltaf að halda mér í kringum topp-10 á
mótaröðinni. Minn helsti veikleiki hafa verið púttin en
ég og Brynjar (Eldon Geirsson) þjálfarinn minn höfum
unnið markvisst í þeim og það er að skila sér.“
Stefán Már í sveiflu á Urriðavelli og
Haraldur Franklín sem varð annar.
50