Golf á Íslandi - 01.10.2011, Blaðsíða 60

ARION banka
mótaröðin
Ragnhildur:
Ætla mér stóra hluti í framtíðinni
„Það var stærsta markmiðið fyrir sumarið að verða
Íslandsmeistari og það gekk svo sannarlega eftir.
Árangurinn í sumar kemur mér dálítið á óvart. Mér
gekk vel í fyrra og ég ætlaði að reyna að bæta mig og
það hef ég gert,“ segir Ragnhildur Kristinsdóttir úr GR
sem sigraði með miklum yfirburðum í Íslandsmóti
unglinga í stelpuflokki.
„Slátturinn hjá mér er orðinn talsvert betri og þá
sérstaklega undir 100 metrum. Púttin eru einnig að
koma til og ég notaði aðeins 13 pútt á seinni níu hol-
unum á lokahringnum. Ég ætla mér stóra hluti í fram-
tíðinni og ætla að komast í háskólagolfið í Banda-
ríkjunum og vonast til að gerast svo atvinnumaður í
golfi,“ segir þessi unga og efnilega stelpa úr GR sem
vann öll mótin á mótaröðinni í sumar.
Guðrún P.:
Heimavöllurinn hjálpaði
„Það er æðisleg tilfinning að verða Íslandsmeistari.
Það var mikil spenna á milli okkar Önnu allan tímann.
Það hjálpaði mér að ég var á heimavelli, þar líður
manni alltaf best,“ sagði Guðrún Pétursdóttir úr GR
sem sigraði í telpnaflokki eftir harða baráttu við Önnu
Sólveigu Snorradóttur úr GK.
„Ég er búin að vera dugleg að æfa fleyghöggin í
sumar og tel þau vera orðin betri. Ég set stefnuna á
að fara út til Bandaríkjanna eftir tvö ár í góðan há-
skóla þar og síðan sé ég til hvað gerist eftir það.“
Bjarki:
Búinn að bæta hugarfarið mikið
„Það er mjög fín tilfinning að vera orðinn tvöfaldur Ís-
landsmeistari annað árið í röð,“ segir Bjarki Pétursson
úr Golfklúbbi Borgarness sem varð tvöfaldur Íslands-
meistari í piltaflokki eftir sigur sinn í Íslandsmóti
unglinga í höggleik sem lauk nýverið á Grafarholts-
velli. Bjarki, sem er 17 ára gamall, hefur leikið mjög vel
í sumar og ætlaði sér stóra hluti í Íslandsmótinu.
„Ég var búinn að leggja upp með því hugarfari
að spila völlinn á tveimur höggum undir pari alla
keppnisdagana. Völlurinn var frábær og gaf mjög
góða möguleika á góðu skori,“ sagði Bjarki sem lék
hringina þrjá í mótinu á samtals tveimur höggum
undir pari og varð þremur höggum á undan Sigurði
Ingva Þorvaldssyni úr Golfklúbbnum Hamar á Dalvík.
Kemur þessi góði árangur í sumar Bjarka á óvart?
„Þetta kemur mér svo sem ekki á óvart, ég set markið
alltaf mjög hátt. Ég er búinn að bæta hugarfarið
mikið og það er að koma mér langt. Ég hef líka passað
mig á því að æfa ekki of mikið. Ég hef enga trú á því
að það borgi sig að æfa endalaust. Ég æfi þess í stað
markvisst og vel í hvert sinn. Ég legg einnig mikla
áherslu á að ég sé í sem bestu líkamlegu ástandi fyrir
hvert mót og stunda líkamsrækt af krafti, sérstaklega
á veturna. Í framtíðinni vonast ég til að geta unnið við
íþróttina, geta lifað af því að spila golf.“
Birgir Björn: Mjög góð tilfinning að eiga vallarmet á
Grafarholtsvelli
Birgir Björn Magnússon
í Grafarholtinu.
Ragnhildur slær
á 15. braut .
Bjarki Borgnesingur
lék jafnt golf.
Birgir Björn:
Æfa enn meira og bæta mig
Birgir Björn Magnússon, 14 ára strákur úr Golf-
klúbbnum Keili, sló svo sannarlega í gegn á Íslands-
móti unglinga sem lauk á Grafarholtsvelli á mánudag.
Birgir Björn lék lokahringinn á 64 höggum eða sjö
höggum sem er nýtt vallarmet af rauðum teigum.
Samtals lék hann hringina þrjá á níu höggum undir
pari og varð 18 höggum á undan næsta kylfingi í
strákaflokki.
„Ég byrjaði vel á lokahringnum og fékk nokkra góða
fugla á fyrri níu holunum. Á 15. holu fékk ég góðan örn
og missti svo stutt pútt fyrir pari á 17. holu. Þetta er
minn besti hringur til þessa. Það er mjög góð tilfinn-
ing að eiga vallarmet á jafn góðum og fallegum velli
og Grafarholtsvelli.“
Birgir Björn hefur ekki langt að sækja hæfileikana í
golfíþróttinni enda er hann sonur Magnúsar Birgis-
sonar golfkennara. Þetta er annað vallarmetið sem
Birgir setur í sumar því hann setti vallarmet á Hólms-
velli í Leiru af rauðum teigum þegar hann lék á 68
höggum eða fjórum höggum undir pari.
„Ég setti mér markmið fyrir Íslandsmótið að leika alla
hringi undir pari og ég vissi alltaf að ég gæti það. Ég er
að pútta mun betur en áður enda búinn að æfa púttin
vel í sumar,“ segir Birgir sem á sér háleita drauma fyrir
framtíðina.
„Ég ætla að reyna að vinna við að keppa í golfi því
það er eitt af því skemmtilegasta sem ég geri. Ég ætla
að einbeita mér að því að æfa mig og bæta mig eins
mikið og ég get.“
60