Golf á Íslandi - 01.10.2011, Blaðsíða 98

Búið er að stofna Golfklúbb Brautarholts og sækja
um aðild að ÍBR og GSÍ. Bjarni Pálsson sem er aðal
landeigandinn var kosinn fyrsti formaður klúbbsins.
Verið er að taka ákvörðun um fyrirkomulag golf-
skála um þessar mundir, væntanlega verður í byrjun
notast við færanleg hús fyrir golfskála. Frekari
stækkun vallarins mun ráðast af aðsókn á völlinn,
en búið er að taka frá land og hanna 18 holu golfvöll
ásamt æfingasvæði.
Búið er að hanna níu brautir
og þær liggja í klettaborgum
og í síbreytilegu sjónarspili
landslags meðfram ströndinni
og sumar alveg niður í fjöru-
borðið. Kylfingar munu fá
stórbrotna náttúruna beint í
æð og lagning brauta á seinni
helmingi vallarins sem er að
verða tilbúinn hefur tekist mjög
vel. Við hönnun vallarins var
haft að leiðarljósi að leggja
hann í landið og hafa ósnert
rými umhverfis brautir og nýta
eiginleika umhverfis sem nátt-
úrulegar hindranir. Tekin var ákvörðun um að hefja
framkvæmdir á seinni níu holunum en fyrirhugað er
að ljúka við 18 holur.
Edwin Rögnvaldsson hannaði grunnskipulag
vallarins en Brautarholtsmenn hafa haft Michael
Kelly, bandarískan golfarkitekt, sem hefur komið
víða við í hönnun og lögun golfvalla víða um heim,
við stjórnvölinn í vettvangshönnun og ráðgjöf við
uppbygginguna. Michael hefur yfir 35 ára reynslu
af hönnun og uppbyggingu golfvalla. Hann hefur
komið að gerð yfir 100 golfvalla um allan heim
og unnið með mörgum heimsþekktum golf-
vallaarkitektum. Fylgt var leiðbeiningum USGA
við uppbyggingu vallar og við val á sandlagi flata.
Flatir eru uppbyggðar og með vökvunarkerfi. Ellert
Þórarinsson vallarstjóri hefur haldið utan um upp-
bygginguna. Ellert er menntaður frá Elmwood í Skot-
landi og hefur starfað sem vallarstjóri hjá Golfklúbbi
Akureyrar og hjá Skjeberg Golfklubb í Noregi.
Stórar flatir með miklu landslagi einkenna völlinn og
þá hefur mikil vinna verið lögð í teigagerð. Á öllum
brautum eru stórir og margir teigar. Öll forgjafarstig
fá lengd við hæfi en allir, sama hvaða getustigi þeir
eru á fá að glíma við stórar flatirnar. Mike hefur líka
lagt mikla vinnu í lögun brauta og nostrað við þá
vinnu á stórum tækjum sem hann er vanur að vinna
á í þessu starfi sínu, víða um heim.
Mike er heimsþekktur gröfu- eða ýtukarl eða „design
shaper“ þó hann sé menntaður golfvallahönnuður.
Sagðist snemma hafa frekar viljað vinna við upp-
byggingu og lögun vallanna en á skrifstofunni fyrir
framan tölvuna.
Bergvíkin í Leiru á Suðurnesjum, frægasta golfhola
Íslands, fær í Brautarholti á Kjalarnesi alvöru frænku,
ef svo má segja. Og líklega samkeppni um heims-
frægð á Íslandi. Ein af brautunum er par 3 þar sem
fljúga þarf boltanum rúmlega 200 metra af aftasta
teig yfir stóra vík. Ljóst er að ein erfiðasta golf-
hola landsins er að fæðast. Ef
boltinn flýgur ekki yfir sjóinn er
hægt að hugga sig við að vera
í stórkostlegu umhverfi. Telja
upp á tíu í svekkelsinu en jafna
sig fljótt því útsýnið er ótrúlegt,
bæði til fjalla og borgar. Af
þessum níu brautum sem verða
opnaðar á næsta sumri er fjöl-
breytnin í fyrirrúmi. Kylfingar fá
að reyna við allar gerðir, par 3, 4
og 5 holur.
Borgarholtsmenn segja völl-
inn vera í um 5 km fjarlægð
frá Esjunni og sé því í svipaðri
fjarlægð frá þessu þekkta fjalli og Hlíðavöllur í
Mosfellsbæ og Korpan. „Það er minni vindur en á
veginum undir fjallinu þannig að við höfum ekki
áhyggjur af veðrinu. Aðrar vindáttir eru ríkjandi á
sumrin en á vetrum og það hefur verið mikil blíða
hér í allt sumar,“ sagði Gunnar aðspurður um veðrið
og bætti við: „Við höfum horft til framtíðar við
hönnun þessa golfvallar. Við vildum hafa hann stór-
glæsilegan og stefnum að því að ljúka við allar 18
holurnar á næstu árum. Hraðinn á framkvæmdum
við seinni helminginn mun ráðast af móttökum
gestanna.“
Þriðja brautin er par 4 og liggur í
áttina til höfuðborgarinnar eftir
ströndinni. Hér er slæs ekki gott!
Sjöunda brautin liggur upp í landið,
vatnstorfæra hægra megin frá teig mun trufla
upphafshöggið sem þarf að vera nákvæmt.
Níunda brautin (verður 18.) er flott par 5.
Myndin er tekin á teigstæðinu. Brautin og flöt
sjást fyrir miðri mynd og eru í ræktun.
Áttunda (17.) er par 3. Teigurinn er
uppi á klettum.
Hér á 5. braut er flötin breiðust
70 metrar og í laginu eins og
stundaglas.
„...við höfum ekki áhyggjur af veðrinu. Aðrar vindáttir eru ríkjandi á sumrin en á vetrum...“
98