Golf á Íslandi - 01.10.2011, Blaðsíða 38

Það var fátt sem benti til annars en að Ólafía Þórunn
myndi fara með sigur af hólmi í Íslandsmótinu á
Hólmsvelli þegar aðeins lokahringurinn var eftir í
mótinu. Hún hafði leikið mjög vel í mótinu fram að
lokahringnum og var á pari eftir 54 holur á meðan
helstu keppinautar hennar höfðu lent í miklum
vandræðum í erfiðum vindi á þriðja hring. Ólafía
hafði þrettán högga forystu á Signýju Arnórsdóttur úr
Keili og var fimmtán höggum á undan Íslandsmeistar-
anum Tinnu Jóhannsdóttur úr Keili sem hafði leitt
mótið eftir fyrsta hring.
Afar erfiðar aðstæður tóku á móti kylfingum á
lokakeppnisdegi, mikill vindur og rigning. Svo slæmt
var veðrið að keppni hófst ekki fyrr en um hádegi.
Efstu kylfingar töpuðu höggum á fyrstu holunum.
Ólafía tapaði þremur höggum á fyrstu fimm holunum
og fékk svo tvöfaldan skolla á níundu holu og var þá
komin fimm höggum yfir pari á hringnum. Þrátt fyrir
það hafði hún á þeim tímapunkti fjórtán högga for-
ystu á Tinnu.
Ólafía vissi að hún mætti leyfa sér að tapa nokkrum
höggum án þess að hleypa spennu í mótið. Það gerði
hún og lék að lokum hringinn á 80 höggum eða átta
höggum yfir pari. Ólafía lauk leik á átta höggum yfir
pari í mótinu og varð níu höggum á undan Tinnu
sem varð önnur. Tinna, sem meiddist á hendi á fyrsta
keppnisdegi, vann sig upp í annað sætið með góðum
lokahring sem hún lék á 74 höggum eða tveimur
höggum yfir pari. Meiðslin komu á versta tíma enda
hafði hún leikið mjög vel í aðdraganda mótsins og
verið sigursæl á mótaröðinni í sumar.
Ólafíu var vel fagnað af fjölmörgum áhorfendum
þegar titillinn var í höfn og spá margir að þetta verði
hennar fyrsti titill af mörgum. Hún varð í öðru sæti í
Íslandsmótinu á Kiðjabergsvelli á síðasta ári og hefur
stimplað sig inn sem ein af bestu kvenkylfingum
landsins.
1. dagur
Titilvörn Tinnu byrjaði vel
Tinna Jóhannsdóttir úr Keili tók forystuna í
kvennaflokki á Íslandsmótinu í höggleik með að slá
vallarmetið á Hólmsvelli á fyrsta keppnisdegi. Hún lék
á 69 höggum eða þremur höggum undir pari og bætti
vallarmetið sem var í eigu Ragnhildar Sigurðardóttur
og Ólafíu Þórunnar Kristinsdóttur úr GR um eitt högg.
Tinna setti niður gott pútt á 18. holu til að tryggja
sér vallarmetið. Hún fékk fimm fugla og tvo skolla á
hringnum og náði eins höggs forystu á Eygló Myrru
Óskarsdóttur úr Oddi sem þar með lék sinn besta
hring í langan tíma. Signý Arnórsdóttir úr Keili og Val-
dís Þóra Jónsdóttir úr Leyni voru jafnar í þriðja sæti
eftir fyrsta hring, báðar á einu höggi undir pari.
Eygló Myrra hafði ástæðu til að vera sátt enda náði
hún að snúa mjög dapri byrjun upp í besta hring sinn
í langan tíma. „Ég spýtti í lófana eftir þriðju holu.
Ég var fjórum höggum yfir pari eftir þrjár holur en
endaði hringinn mjög vel. Þetta er minn besti hringur
í langan tíma. Ég hef ekki skemmt mér svona vel á
golfhring lengi,“ sagði Eygló Myrra sátt eftir fyrsta
hring.
Tinna var einnig kát eftir að hafa slegið vallarmetið.
„Það er aldrei leiðinlegt að slá vallarmet. Þetta er
mjög fín byrjun hjá mér og gott að byrja strax á því að
leika vel. Ég fékk fugla á allar par-5 holurnar þannig að
stutta spilið er í lagi hjá mér,“ sagði Tinna eftir fyrsta
hring.
2. dagur
Ólafía tók forystuna - Tinna hrapaði niður töfluna
Ólafía Þórunn Kristinsdóttir úr GR náði forystunni
að loknum tveimur keppnisdögum í Íslandsmótinu í
höggleik. Ólafía lék mjög vel á öðrum hring eða á 70
höggum sem er tveimur höggum undir pari vallarins.
Hún var því samtals á tveimur höggum undir pari
eftir tvo hringi og hafði tveggja högga forystu á Eygló
Myrru Óskarsdóttur úr GR sem var önnur á samtals
pari eftir að hafa leikið annan hringinn á 74 höggum.
Signý Arnórsdóttir úr Keili var þriðja á samtals þremur
höggum yfir pari eftir 36 holur.
Staðan eftir 18 holur:
1. Tinna Jóhannsdóttir GK 69 -3
2. Eygló Myrra Óskarsdóttir GO 70 -2
3.-4. Signý Arnórsdóttir GK 71 -1
3.-4. Valdís Þóra Jónsdóttir GL 71 -1
5.-6. Ólafía Þ. Kristinsdóttir GR 72 par
5.-6. Berglind Björnsdóttir GR 72 par
7.-8. Guðrún Brá Björgvinsdóttir GK 74 +2
7.-8. Þórdís Geirsdóttir GK 74 +2
9.-10. Ingunn Gunnarsdóttir GKG 77 +5
9.-10. Karen Guðnadóttir GS 77 +5
Lokastaðan í kvennaflokki:
1. Ólafía Þórunn Kristinsdóttir GR 72-70-74-80=296 +8
2. Tinna Jóhannsdóttir GK 69-81-81-74=305 +17
3. Signý Arnórsdóttir GK 71-76-82-81=310 +22
4. Ingunn Gunnarsdóttir GKG 77-72-85-77=311 +23
5. Valdís Þóra Jónsdóttir GL 71-78-85-78=312 +24
6.-7. Þórdís Geirsdóttir GK 74-76-82-82=314 +26
6.-7. Eygló Myrra Óskarsdóttir GO 70-74-89-81=314 +26
8. Guðrún Brá Björgvinsdóttir GK 74-76-85-81=316 +28
9.-10. Ragna Björk Ólafsdóttir GK 82-78-81-77=318 +30
9.-10. Berglind Björnsdóttir GR 72-76-88-82=318 +30
Ólafía Þórunn Kristinsdóttir úr Golfklúbbi Reykjavíkur varð Íslandsmeistari í fyrsta sinn þegar hún
stóð uppi sem sigurvegari í Íslandsmótinu í höggleik sem fram fór á Hólmsvelli í Leiru í júlí. Þessi
19 ára stúlka var í raun í algjörum sérflokki í kvennaflokki því hún hafði náð 13 högga forystu fyrir
lokahringinn. Hún gat leyft sér að taka fáeinar áhættur á lokahringnum án þess að sigurinn væri í
hættu og varð að lokum átta höggum á undan Tinnu Jóhannsdóttur úr Keili sem varð önnur. Signý
Arnórsdóttir úr Keili varð í þriðja sæti.
Ólafía Þórunn í sér-
flokki á Hólmsvelli
Ólafía Þórunn Kristinsdóttir úr GR fagnaði
öruggum sigri í Íslandsmótinu í höggleik
38