Golf á Íslandi - 01.10.2011, Blaðsíða 43

43GOLF Á ÍSLANDI • Október 2011
Atvinnumennska á dagskrá eftir háskólanám
Axel hóf í haust sitt annað ár við Mississippi State há-
skólann í Bandaríkjunum þar sem hann stundar nám
og keppir í háskólagolfinu.
„Næstu þrjú ár er stór og mikill undirbúningur
fyrir atvinnumennsku. Það er stóri draumurinn
og eitthvað sem ég stefni að. Ég vil ná árangri á
Evrópumótaröðinni, ekki bara komast í gegnum úr-
tökumótið. Ég ætla að byrja á því að klára háskólann
og sjá svo til hvar ég stend,“ segir Axel sem hefur
unnið í því í sumar að fækka sprengjum á skorkortinu.
„Ég var mjög stöðugur í sumar og var ekki að fá eins
margar sprengjur og áður. Það var mun minna af
tvöföldum skollum hjá mér í sumar en áður. Ég var
einnig að pútta og slá mun betur af teig en ég hafði
áður gert. Ég er að vinna í því núna að ná ennþá
meiri stöðugleika og læra að slá meira með járni eða
brautartré af teig til að staðsetja mig rétt. Þannig
tel ég mig geta orðið stöðugri kylfingur og hef í
kjölfarið kannski meiri möguleika þegar kemur að
erfiðari völlum. Það sem ég þarf að bæta í vetur er
leikskipulagið og hafa meiri trú á því sem ég er að
gera, sama hvað bjátar á,“ sagði Íslandsmeistarinn
að lokum.
Axel á 60 sekúndum:
Klúbbur: Keilir
Forgjöf: -1,6
Uppáhalds lið í enska boltanum: Liverpool
Dræver: TaylorMade T11
Uppáhalds golfhola: 11. holan á Hvaleyrarvelli.
Falleg hola og auðvelt að slá inn á flöt úr
teighögginu.
Besta skor: 65 högg á Hólmsvelli í Leiru á fyrsta
degi í Íslandsmótinu 2011
Uppáhalds golfvöllur: Leiran og Hvaleyrarvöllur
Besta höggið á ferlinum: Lokapúttið á 18. holu í
Íslandsmótinu
Högglengd með dræver: 290 metrar
Axel fær meistaratolleringu.
Axel á tjarnarbrún á 13. braut.
Axel fær aðstoð
frá Jódísi
systur sinni í
boltaveiðum.
Axel í glompu. Á
stóru myndinni
er kappinn í
lokapúttinu sem fór
ofan í fyrir erni og
titillinn var tryggður.