Golf á Íslandi - 01.10.2011, Blaðsíða 10

G O L F
fyrri 9
Evrópa stöðvaði sigurgöngu Bandaríkjanna í Sol-
heim-bikarnum með því að leggja bandaríska liðið
af velli eftir æsispennandi keppni á Írlandi.
Jafnt var fyrir lokaumferðina en þar voru tólf vinn-
ingar í pottinum. Mikil rigning að hætti Íra var
lokadaginn og spennan mjög mikil og keppnin jöfn.
Bandarísku stúlkurnar leiddu með hálfum vinn-
ingi þegar þrír leikir voru eftir og í einum þeirra
var Micelle Wie með holu forskot á hina sænsku
Pettersen, besta kylfing Evrópuliðsins. Hún vann
hins vegar síðustu þrjár holurnar sem hún lék allar
á fugli og tryggði Evrópu vinning. Azahara Munoz
frá Hollandi kláraði sinn leik gegn Angelu Stanford
og hin sænska Caroline Hedwall sem var eina holu
niður fyrir síðustu holuna vann hana og tryggði
hálft stig gegn Ryann O’toole. Lokatölur því 15-13
fyrir Evrópu.
Þetta er fyrsti sigur Evrópu í keppninni síðan árið
2003. Bandaríkin hafa unnið þrisvar í millitíðinni.
„Mínir leikmenn sýndu mikinn karakter. Þær voru
tilbúnar í slaginn, nýliðarnir voru frábærir og þær
reynslumiklu líka,“ sagði Alison Nicholas, fyrirliði
Evrópu.
Bill Haas, 29 ára Bandaríkjamaður sló högg ársins
úr vatnstorfæru í bráðabana gegn Hunter Mahan
um sigurinn á lokamótinu í Fedex úrslitakeppni PGA
mótaraðarinnar í Atlanta í lok sept. Fyrir sigurinn á
lokamótinu fékk hann 1,4 millj. dollara og 10 millj.
dollara fyrir sigurinn í Fedex úrslitunum, samtals 11,4
millj. dollara eða um 1.4 milljarð ísl. króna.
Bill og Hunter Mahan voru jafnir á mótinu og þurftu
að fara í bráðabana en þar sigraði Haas á þriðju holu.
Vatnshöggið hans var á 2. holu bráðabanans, 17. braut
vallarins, en innáhöggið úr glompu frá 140 metrum
lenti á flöt en rann út í vatn um 3 metrum neðar
en flötin, um 15 metra frá stöng. Höggið úr vatninu
endaði um hálfan metra frá holu og tryggði honum
ótrúlegt par. Á næstu bráðabanaholu kláraði hann
málið með pari á meðan Mahan fékk skolla.
Haas hafði fyrir þetta lokamót ekki sigrað á árinu
og var í 25. sæti af 30 í Fedex keppninni. Hann er
sonur hins kunna Jay Haas sem á að baki glæsi-
legan feril á PGA mótaröðinni en keppir nú á
Öldungamótaröðinni. Haas eldri er aðstoðar liðsstjóri
Bandaríkjaúrvals í Forsetabikarnum sem fer fram í
næstu viku en það er liðakeppni við Alþjóðaliðið en í
því eru kylfingar utan Evrópu. Mótið fer fram á því ári
sem Ryder bikarinn er ekki leikinn.
Það var gríðarleg spenna á lokamótinu. Banda-
ríkjamaðurinn Webb Simpson hefði með örlítið
betri leik tryggt sér Fedex titilinn en lék illa á loka-
hringnum. Englendingurinn Luke Donald var höggi
frá því að hirða titilinn en hann styrkti stöðu sína í
1. sæti heimslistans enn frekar. Aðrir kylfingar sem
voru í 3.-5. sæti Fedex listans fyrir lokamótið léku ekki
vel. Ástralinn Jason Day var einn þeirra sem gat unnið
og var kominn 8 undir par eftir 16 holur en fékk skolla
á síðustu tvær holurnar.
„Það var að duga eða drepast. Boltinn lá ekki það
djúpt þannig að þetta var eins og glompuhögg. En
þetta var auðvitað ótrúlega ljúft,“ sagði Bill Haas um
vatnshöggið. Foreldrar hans fylgdust með honum í
þessari baráttu og bróðir hans var kylfusveinn. Sann-
kölluð golf fjölskylda.
Haas fékk einn og
hálfan milljarð króna
fyrir sigurinn á Fedex
Birgir Leifur Hafþórsson atvinnukylfingur úr GKG fékk óvæntan þátt-
tökurétt á Opna austuríska mótinu sem fram fór síðustu helgina
í sept. á Dimond vellinum í Atzenbrugg í Austurríki. Hann átti
tvo mjög góða hringi og var m.a. í 6. sæti eftir fyrsta daginn
en átti líka tvo slaka hringi. Birgir endaði í 52. sæti og fékk að
launum tæpar 700 þúsund krónur.
Birgir átti góða möguleika á sæti ofarlega í mótinu fyrir
lokadaginn en fann sig ekki og lék hringinn á 76 höggum eða
fjórum höggum yfir pari og féll fyrir vikið niður um 30 sæti á
töflunni.
Birgir lauk keppni samtals á tveimur höggum yfir pari í 23. sæti af þeim
77 kylfingum sem komust í gegnum niðurskurðinn. Hann lék fyrri níu
holurnar á lokahringnum á einu höggi yfir pari og var á pari eftir að hafa
fengið fugl á 11. holu. Birgir fékk slæman tvöfaldan skolla á 13. holu og
lauk hringnum með að fá skolla á tvær af þremur síðustu holunum og
lék síðustu sex holurnar á 4 yfir pari. Slæmur endir hjá okkar manni.
Það er athyglisvert að Birgir fékk engan fugl á par-5 holunum
lokadaginn en alls eru fjórar par-5 holur á Diamond vellinum.
Óljóst er hvenær Birgir mun næst keppa en hann er ekki með
keppnisrétt á Evrópumótaröðinni og takmarkan keppnis-
rétt á Áskorendamótaröðinni. Þetta mót fer þó án efa í
reynslubankann og hjálpar honum að komast í gott keppnis-
form fyrir átökin í haust þegar hann mun taka þátt í úrtökumótum
fyrir Evrópumótaröðina. Sigurvegari í Austurríki var Englendingurinn
Kenneth Ferrie sem var í 355. sæti á heimslistanum fyrir mótið en stökk
upp um 150 sæti með sigrinum. Hann vann síðast á mótaröðinni árið
2005 og en síðan hefur ekkert gengið né rekið hjá kappanum, fyrr en nú.
Upp og niður hjá Birgi í Austurríki
Langþráður sigur Evrópu
í Solheim-bikarnum
10