Golf á Íslandi - 01.10.2011, Blaðsíða 26

Tölfræði Hringur 1 Hringur 2 Samtals
Fuglar 4 1 5
Pör 13 16 29
Skollar 1 1
Tvö. skolli 1 1
Hittar brautir 71% 50% 60,7%
Högglengd af teig 273,5 y 275,5 y 274,5y
Pútt á hring 31 33 32
Pútt á hittri flöt 1,857 1,933 1,897
Hittar flatir 78% 83% 80,6 %
Tölfræðin hjá Ólafi á Wyndham
Það voru svolítið öðruvísi aðstæður sem blöstu
við Ólafi Birni þegar hann mætti á keppnisstað í
Wyndham-mótinu. Í stað sjávarloftsins á Nesvell-
inum þá sló hann á æfingasvæðinu við hliðina á ekki
ómerkari kylfingum en Vijay Singh og Ian Poulter.
Blaðamaður Golfs á Íslandi var ekki frá því að það
væri örlítill stjörnuglampi í augum Ólafs áður en
hann hélt áfram að slá á æfingasvæðinu með
stjörnur golfsins sér við hlið.
Ólafur fékk að kynnast þeim aðstæðum sem
bestu kylfingar heims upplifa í hverri viku á PGA-
mótaröðinni. Vel er komið fram við leikmenn á
mótaröðinni og gat Ólafur notið þess að snæða
með bestu kylfingum heims þar sem boðið var upp
lúxusmáltíðir. Að auki fékk Ólafur ný fleygjárn frá
TaylorMade fyrir mótið þar sem u-laga rákir í kylfum
hans voru ekki löglegar í mótinu. Enn ein fríðindin
sem fylgja því að leika á bestu mótaröð í heimi.
Kemur Furyk ekki á óvart að Ís-
lendingar eigi kylfing í fremstu röð
Bandaríski kylfingurinn Jim Furyk lék á Wyndham
Championship mótinu og ræddi við blaðamann Golfs
á Íslandi að loknum öðrum hring. Furyk hafði heyrt af
því að kylfingur frá Íslandi væri með í mótinu.
„Ég hef millilent á Íslandi og veit hvar landið er á
korti en veit að öðru leyti nánast ekkert um Ísland.
Það kemur mér ekki á óvart að íslenskur kylfingur sé
kominn á PGA-mótaröðina, leikurinn er að vaxa um
allan heim. Það gleður mig að heyra að golf sé svona
stór íþrótt á Íslandi,“ sagði Furyk en hefur hann eitt-
hvað kynnt sér Ólaf Björn Loftsson?
„Ég veit að hann er í háskólagolfinu en núna þegar ég
er orðinn 41 árs gamall þá á ég erfitt með að fylgjast
með öllu sem er í gangi. Núna veit ég hvað hann
heitir og mun fylgjast með honum.“
Á æfingasvæðinu með
Singh og Poulter
Fyrir Ólaf var það mjög góð reynsla að fá að spreyta sig meðal bestu kylfinga í heimi, ekki síst til að átta sig
á því hvað hann þarf að bæta til að festa sig í sessi á PGA-mótaröðinni. Það sem Ólafur þarf helst að bæta
er högglengd. Þegar högglengd Ólafs í Wyndham mótinu er skoðuð og borin saman við kylfinga á PGA-
mótaröðinni kemur í ljós að Ólafur er á meðal höggstystu kylfinga á mótaröðinni. Í mótinu sló hann að jafn-
aði um 250 metra teighögg. Ólafur slær styttra en nær allir þeir kylfingar sem leika reglulega á mótaröðinni
og gerir sér grein fyrir því að hann verði að lengja sig.
„Það kom væntanlega ekki mörgum á óvart að ég var ekki á meðal högglengstu kylfinganna í mótinu. Ég
þarf að vinna jafnt og þétt að því að styrkja sveifluna og auka högglengdina. Það er aldrei auðvelt að standa
í sveiflubreytingum en ég geri mér grein fyrir því að það er stundum nauðsynlegt að taka eitt skref aftur á
bak til að taka tvö skref áfram. Ég mun halda áfram að vinna að þessu í vetur, styrkja mig, auka liðleikann
og vinna í sveiflunni. Ég sýndi að þótt maður slái ekki 300 metra í upphafshöggunum þá er alveg hægt að
spila golf og það vel. Styrkleiki minn er stutta spilið og ég mun halda áfram að leggja aðaláherslu á það.
Að mínu mati er stutta spilið mikilvægasti hluti golfsins,“ segir Ólafur sem er spenntur fyrir því að gerast
atvinnumaður að háskólanámi loknu.
„Það styttist í atvinnumennskuna og ég er gríðarlega spenntur. Undirbúningurinn fyrir stóra drauminn er
löngu hafinn og ég mun halda áfram að leggja mjög hart að mér því ég geri mér fullkomlega grein fyrir því að
æfingin skapar meistarann.“
Ólafur veit að hann
verður að lengja sig
Friðrik Þór Halldórsson,
myndatökumaður var með
Gunnari Hanssyni fyrir Golf
á Íslandi á RÚV.
Ernie Els gaf
eiginhandaráritanir.
Englendingurinn Ian Poulter var
á meðal keppenda á Wyndham.
Okkar maður á blaðamannafundi fyrir mótið.
Ísland í sviðsljósinu á PGA mótaröðinni.
Jón Júlíus Karlsson,
blaðamaður Golfs á Íslandi
ræddi við Furyk og var okkar
maður á Wyndham mótinu.
26