Golf á Íslandi - 01.10.2011, Blaðsíða 32

Aðstæður á lokakeppnisdegi voru vægast sagt erf-
iðar og var keppni frestað til hádegis þar sem vind-
hraði var mikill og talsverð rigning. Upp úr hádegi
var orðið leikfært en ljóst var að áhorfendur fengju
líklega ekki að sjá mörg tilþrif við þessar erfiðu
aðstæður. Axel, Alfreð Brynjar og Guðjón Henning
léku saman í lokaráshópnum. Axel fór illa af stað
og tapaði fjórum höggum á fyrstu fimm holunum.
Þrátt fyrir það hélt hann nokkurra högga forystu því
helstu keppinautar hans misstigu sig einnig á fyrstu
holunum. Góður fugl á 6. holu kom Axel aftur undir
par og eftir níu holur þá hafði hann þriggja högga
forystu á Kristján Þór Einarsson úr Golfklúbbnum
Kili sem lék frábærlega á lokahringnum. Hann lék
fyrri níu holurnar einu höggi undir pari og var óvænt
kominn í baráttuna um sigurinn eftir að hafa verið í
10. sæti fyrir lokahringinn.
Axel Bóasson úr Golfklúbbnum Keili varð Íslandsmeistari í höggleik eftir spennandi Íslandsmót
sem fram fór á Hólmsvelli í Leiru. Axel lék samtals á 286 höggum eða tveimur höggum undir pari
og varð þremur höggum á undan Kristjáni Þór Einarssyni úr Golfklúbbnum Kili í Mosfellsbæ. Axel
leiddi mótið frá upphafi til enda og stóðst þá pressu sem Kristján Þór setti á hann á lokaholunum.
Axel jafnaði vallarmetið á Hólmsvelli á fyrsta hring þegar hann lék á 65 höggum eða sjö höggum
undir pari og náði þar með forystu í mótinu. Hann var jafn Alfreð Brynjari Kristinssyni úr GKG í
efsta sæti eftir annan hring en hafði svo þriggja högga forystu í mótinu fyrir lokahringinn á Guðjón
Henning Hilmarsson úr GKG.
Kristján Þór í stuði á lokahringnum
Nokkur pressa var komin á Axel þegar hann hafði
lokið fjórtán holum. Á þeim tímapunkti var Kristján
nýbúinn að fá fugl á 15. holu og var samtals á tveimur
höggum yfir pari en Axel á einu höggi yfir pari.
Kristján lék nokkrum ráshópum á undan Axel og því
vissu kylfingar í lokaráshópnum hvað Kristján væri að
gera nokkrum holum á undan. Kristján fékk frábæran
fugl á 17. holu og var þá þremur höggum undir pari á
hringnum og samtals á einu höggi yfir pari í mótinu.
Margir töldu að Kristján væri jafnvel á góðri leið
með að stela sigrinum og fékk hann svo sannarlega
frábæran möguleika til að setja gríðarlega pressu
á Axel þegar hann var kominn inn á flöt á 18. holu í
tveimur höggum. Kristján átti eftir um tíu metra pútt
fyrir erni sem myndi setja gríðarlega pressu á Axel
færi það niður. Kristján lagði allt undir og passaði að
pútta nógu fast til að boltinn færi hið minnsta yfir
holuna. Púttið var ekki langt frá því að fara niður en
var aðeins of fast og átti Kristján líklega um pútt af
einum metra fyrir fugli. Kristján klikkaði hins vegar
einnig á því pútti og fór því illa með möguleika sinn
á 18. holunni. Hann lék hins vegar gríðarlega vel við
erfiðar aðstæður og sannaði enn einu sinni styrk sinn
á lokadegi í Íslandsmóti. Árinu á undan varð hann
í öðru sæti á Íslandsmótinu á Kiðjabergsvelli eftir
frábæran lokahring.
Á meðan Kristján gerði sitt besta til að fá örn á
18. holu fékk Axel mikilvægan fugl á 15. holu sem
létti aðeins af pressunni sem Kristján hafði sett á
hann. Axel fékk par á 16. og 17. holu og þegar kom
að lokaholunni var Axel með eins höggs forystu á
Kristján sem hafði lokið leik á samtals einu höggi yfir
pari. Axel átti gott teighögg og átti um 190 metra
eftir inn á flöt. Hann dró upp 8-járnið og sló frábæru
golfhöggi vel inn á flöt og átti hann um sjö metra
pútt eftir fyrir titlinum. Axel vissi að hann mætti leyfa
sér að þrípútta og standa samt uppi sem sigurvegari.
Fjölmargir áhorfendur höfðu raðað sér upp við klúbb-
húsið á Hólmsvelli og fylgdust spenntir með hvernig
Axel myndi reiða af í púttinu mikilvæga. Áhorfendur
fengu að upplifa stórkostleg tilþrif þegar Axel setti
púttið fyrir erni beint í miðja holu og tryggði sér
Mikil spenna í karlaflokki á Íslandsmótinu í höggleik í Leirunni. Axel Bóas-
son fékk örn á lokaholunni og stóðst áhlaup Kristjáns Þórs á lokahringnum
Axel tryggði sér Íslands-
meistaratitilinn með stæl
EIMSKIPS
mótaröðin
32