Golf á Íslandi - 01.10.2011, Blaðsíða 90

Golfklúbbur Selfoss var stofnaður 24. janúar 1971.
Fyrsti formaður klúbbsins var Marteinn Björnsson.
Fyrsti völlur klúbbsins var við Engjaveg á Selfossi, sex
holur. Þar er núna tjaldsvæði og gistiaðstaða fyrir
gesti Selfyssinga.
Ekki var hljómgrunnur hjá yfirvöldum Selfosshrepps
að setja meira land undir golfvöll og sáu klúbbsmeð-
limir að framtíð klúbbsins væri annars staðar.
Sigurfinnur Sigurðsson varð formaður 1973 og sat
í 8 ár, eða þar til að klúbburinn flutti í Alviðru undir
Ingólfsfjalli, ekki langt frá Sogsbrú. Ingólfur Bárðarson
varð formaður 1981 og gegndi því starfi í þrjú ár. Sama
ár byrjuðu klúbbmeðlimir að spila golf á 9 holu velli
í Alviðru, sem þeir mótuðu þar. Dvölin varð ekki löng
í Alviðru, þar sem Alviðrunefnd, eigandi að jörðinni
á móti Selfosskaupstað, sagði upp samningi við golf-
klúbbinn 1. maí 1985. Þá hafði tekið við forystuhlut-
verkinu Samúel Smári Hreggviðsson og var hann
formaður í 6 ár. Árið 1985 var klúbburinn landlaus og
samdi við Golfklúbb Hellu um að nota þeirra völl sem
heimavöll.
Veturinn 1985 til 1986 náðist samningur við eigendur
Laugardæla, Kaupfélag Árnesinga, um afnot af landi
undir golfvöll í landi þeirra að Svarfhóli, austan
Selfoss og meðfram Ölfusá. Samningurinn var til 30
ára, sem mönnum þótti á þeim tíma mjög langur
leigutími. Það var því á vormánuðum 1986 sem
félagar í golfklúbbnum hófu að gera sinn þriðja
golfvöll og hófust klúbbfélagar handa við að útbúa
teiga, brautir og flatir. Einnig var byggður golfskáli,
sem lokið var við að innrétta á næstu árum. Mikið
sjálfboðaliðastarf var lagt fram af félgsmönnum og
gekk vel að byggja upp völl, hús og aðra aðstöðu á
staðnum.
1984 er kosinn í stjórn Gunnar Kjartansson, sem átti
eftir að vera sá einstaklingur, sem mest vann í að
byggja upp golfvöllinn eins og hann er í dag. Gunnar
sem lengst af starfaði sem formaður Vallarnefndar
lagði oft nótt við dag í sjálboðaliðavinnu og voru
jóladagar ekki undanskildir. Aðrir klúbbmeðlimir voru
einnig mjög duglegir við að leggja hönd á plóg svo
verkið mætti takast vel og vinnast á sem skemmstum
tíma. 1987 eru kosnar í stjórn þær Valey Guðmunds-
dóttir og Kristín Pétursdóttir fyrstar kvenna.
Golf á Selfossi í fjörutíu ár
1990 tók við formennsku í klúbbnum Guðmundur H.
Eiríksson og ríkti í þrjú ár. Af honum tók við keflinu
Jón Ágúst Jónsson árið 1993 og sat í formannsstóli
í sex ár. Á því tímabili fór fram mikil uppbygging á
vellinum. 1997 var vökvunarkerfi lagt í völlinn, sem
skipt hefur sköpum á þurrum sumrum. Sumarið 1999
voru teknar í notkun 5 nýjar flatir, teigar voru lagaðir,
brautum breytt og þær lengdar. Völlurinn var þá for-
maður í það mót, sem við þekkjum í dag. Guðmundur
Búason varð formaður þetta árið og það næsta.
2001 var Grímur Arnarson kosinn formaður klúbbsins
og stjórnaði hann í fimm ár.
Guðjón Öfjörð Einarsson var ráðinn framkvæmda-
stjóri í fullt starf og var það í fyrsta skipti í sögu
klúbbsins. Klúbbfélögum fjölgaði töluvert í tíð Guð-
jóns.
Bárður Guðmundarson tók við formennsku 2006 og
er í því embætti í dag.
2008 fóru fram breytingar á annarri og þriðju
brautum vallarins. Klúbburinn missti hluta af leigu-
landi sínu undir gatna- og lóðaframkvæmdir. Byggð
var upp ný flöt á annarri braut og þriðja braut var
stytt úr par 4 í par 3. Björn Ólason var ráðinn sem
vallarstjóri í fullt starf, en það hafði ekki verið gert
áður.
Félagar í Golfklúbbi Selfoss hafa tekið þátt í starfi á
vegum Golfsambands Íslands eftir því sem tilefni
hefur gefist og var Samúel Smári Hreggviðsson í
stjórn sambandsins í 10 ár.
Tveir félagar í Golfklúbbi Selfoss hafa verið sæmdir
gullmerki Golfsambands Íslands, þeir Ingólfur
Bárðarson og Samúel Smári Hreggviðsson.
Heiðursfélagar Golfklúbbs Selfoss hafa verið út-
nefnd eftirtalin: Kolbeinn I. Kristinsson, Þorbjörg
Sigurðardóttir, Ingólfur Bárðarson, Sveinn J. Sveins-
son, Sigurfinnur Sigurðsson og Árni Guðmundsson.
Hlynur Geir Hjartarson var ráðinn framkvæmdarstjóri
klúbbsins í ársbyrjun 2011, en klúbburinn hefur verið
án framkvæmdarstjóra í nokkur ár.
Helstu breytingar í starfi klúbbsins á síðustu árum
er fjölgun barna og unglinga. Gylfi Sigurjónsson og
Hlynur Geir Hjartarson eiga heiðurinn af því ásamt
Barna- & unglinganefnd GOS undir forystu Öldu
Sigurðardóttur.
Klúbbmeistarar hafa verið krýndir frá 1973, en þá
vann Ingólfur Bárðarson eins og oft síðar. Oft sjást á
klúbbmeistaralistum nöfn Gríms Arnarsonar, Kjartans
Gunnarssonar, Hjartar L. Péturssonar og Hlyns G.
Hjartarsonar. Fyrsti skráði klúbbmeistari kvenna er
Valgerður Jóhannsdóttir 1976, en nöfn Ástu Jósefs-
dóttur, Kristínar Stefánsdóttur og Öldu Sigurðardóttur
koma oft fyrir á klúbbmeistaralista kvenna.
K L Ú B B A
fréttir
Fyrsta stjórn GOS: Guðjón Sigur-
karlsson, Marteinn Björnsson og
Helgi Björgvinsson
90