Golf á Íslandi - 01.10.2011, Blaðsíða 24

G O L F
Óli Lofts á PGA
Það voru mikil gleðitíðindi fyrir íslenskt golf þegar
Ólafur Björn sigraði með glæsibrag í Cardinal
áhugamannamótinu sem gaf honum keppnis-
rétt í Wyndham mótið. Ólafur lék samtals á ellefu
höggum undir pari eftir að hafa leikið lokahring-
inn á 65 höggum. Í kjölfarið upphófst heilmikið
öskubuskuævintýri hjá Ólafi. Framundan var keppni
við þá allra bestu í íþróttinni. Þátttaka Ólafs í mótinu
vakti mikla athygli fjölmiðla. Slíkur var áhuginn að
Ólafur var fenginn til að halda blaðamannafund
af PGA-mótaröðinni sem var sjónvarpað beint á
heimasíðu mótaraðarinnar. Að auki fylgdu fjöl-
miðlamenn frá RÚV og Golf á Íslandi Ólafi eftir til
Bandaríkjanna.
Frábær endurkoma eftir slæma byrjun
Ólafur lék með Ástralanum Cameron Percy og
bandaríska kylfingnum Billy Horschel í mótinu. Þeir
hófu leik snemma morguns á 10. holu á fimmtudegi
og verður seint sagt að Ólafur hafi fengið
draumabyrjun. Hann lenti í talsverðum vandræðum
á fyrstu holu og fékk tvöfaldan skolla sem vafalaust
hefur verið honum nokkuð reiðarslag. Greinilegt var
að Ólafur var taugastrekktur á fyrstu holu og skyldi
engan undra, hann var jú að hefja leik á sterkustu
mótaröð í heimi. Ólafur fékk gott par á næstu
tveimur holum áður en hann datt í gírinn og fékk tvo
fugla í röð á 13. og 14. holu. Ólafur var sjóðandi heitur
á þessum kafla og fékk einnig fugl á 16. holu. Hann
hefði getað fengið fjóra fugla í röð ef ekki hefði verið
fyrir þrípútt á 15. holu þar sem hann fékk par eftir að
hafa slegið öðru höggi sínu á þessari par-5 holu inn
á flöt.
Ólafur sló gríðarlega vel á fyrsta hring og hitti 71%
brauta úr teighöggum sínum. Hann hitti einnig
78% flata á hringnum. Ólafur lék sínar fyrri níu
holur á einu höggi undir pari og bætti svo öðrum
auðveldum fugli á 5. holu sem er par-5 hola. Ólafur
sýndi frábæran eldmóð eftir að hafa byrjað hringinn
illa og lék fyrsta hringinn á 68 höggum eða tveimur
höggum undir pari. Fyrir vikið var Ólafur í 40. sæti
eftir fyrsta hring og í frábærri stöðu til að komast í
gegnum niðurskurðinn.
Endalaus fuglafæri á öðrum hring
Ólafur hóf annan hring líkt og hann lauk þeim síðari.
Hann lék af miklu öryggi og hélt sér frá vandræðum.
Að þessu sinni hóf hann leik á 1. teig en fyrri níu
holurnar eru taldar vera auðveldari en þær síðari
níu. Ólafur fékk par á fyrstu fjórar brautirnar þrátt
fyrir að hafa verið í góðum fuglafærum á öllum
brautunum. Líkt og á fyrsta hring fékk hann fugl á
5. braut eftir gott pútt. Í kjölfarið var Ólafur kominn
þremur höggum undir par og var réttu megin við
niðurskurðarlínuna. Greinilegt var að slátturinn hjá
Ólafi á öðrum hring var mjög góður því hann kom
sér sífellt í fuglafæri. Íslenski fjölmiðlahópurinn var
þess fullviss að fuglastíflan væri loksins að bresta á
ný þegar Ólafur átti frábært högg á 12. holu sem er
erfið par-3 braut. Ólafur sló bolta sínum af um 200
metra færi innan við 1,5 metra frá holunni. Ólafur
Ólafur horfir á eftir
einu af mörgum
púttum fara framhjá á
öðrum keppnisdegi.
Ólafur með dræverinn á teig. Fjöldi áhorfenda mætti á mótið.
24