Golf á Íslandi - 01.10.2011, Blaðsíða 102

„Afmælisárið hefur verið gott og Bakkakotsvöllur
hefur sjaldan verið betri,“ segir Gunnar Ingi Björns-
son, formaður Golfklúbbs Bakkakots í Mosfellsbæ.
Klúbburinn fagnar 20 ára starfsafmæli sínu í ár og
var líf og fjör hjá klúbbnum í allt sumar af þessu
tilefni. Klúbburinn hefur yfir að ráða níu holu velli
í Mosfellsbæ sem liggur í skemmtilegu landslagi.
Félagar í klúbbnum eru í dag u.þ.b. 220 og eru uppi
hugmyndir um endurbætur á vellinum.
„Það er verið að leggja lokahönd á teikningar um að
auka lengd vallarins. Við munum ekki fjölga holum
sem stendur og munum einbeita okkur að því að
gera núverandi níu holu völl ennþá betri. Völlurinn
mun lengjast töluvert og holuröð breytast. Það
er metnaður innan klúbbsins um að gera völlinn
erfiðari en halda ennþá í okkar séreinkenni sem eru
stuttar brautir og litlar flatir. Okkur tekst vonandi að
auka hætturnar á völdum stöðum þar sem kylfingar
taka að jafnaði áhættur,“ segir Gunnar sem bendir
á að Bakkakotsvöllur hafi notið mikilla vinsælda í
sumar.
„Bakkakotsvöllur hefur í gegnum tíðina verið mjög
vinsæll meðal hópa og fyrirtækja enda hentar
völlurinn vel byrjendum í íþróttinni. Við höfum
fengið óvenju margar heimsóknir í sumar.“
Erfitt að standa einir
Golfklúbbur Bakkakots er í þeirri erfiðu stöðu að
þurfa að standa einir undir öllum kostnaði sem hlýst
af því að halda úti Bakkakotsvelli. Klúbburinn hlýtur
ekki fjárhagsstuðning frá Mosfellsbæ og klúbburinn
þarf því sjálfur að standa undir öllum kostnaði.
„Klúbburinn stendur vel fjárhagslega og við höfum
farið í gegnum mikla endurskipulagningu á undan-
förnum árum. Klúbburinn var kominn út í óefni fyrir
nokkrum árum en við náðum að snúa stöðunni
við. Það gerir okkur erfiðara fyrir að við fáum ekki
stuðning frá Mosfellsbæ við endurbætur eða
framkvæmdir. Við þurfum að standa undir öllum
kostnaði sjálf og það er síður en svo auðvelt að
vera munaðarlaus ef svo má að orði komast,“ segir
Gunnar sem vonast til að fjölgun verði í klúbbnum
í kjölfar þess að klúbburinn bauð upp á fría golf-
kennslu í sumar.
„Klúbburinn bauð upp á fría golfkennslu í allt sumar
af tilefni afmælisins og það heppnaðist gríðarlega
vel. Við buðum upp á hópkennslu tvisvar í viku og
það var mjög vel sótt. Við bindum vonir við það að
þetta skili sér jafnvel í nýjum félögum í klúbbnum.“
Hugmyndir um lengingu
Bakkakotsvallar komnar vel á veg
Golfklúbbur Bakkakots fagnaði
20 ára afmæli sínu í ár
K L Ú B B A
fréttir
102