Afmælismót Skáksambands Íslands - 01.02.1985, Blaðsíða 8

slavíu 1959 og hafnaði þar í 7. sæti. Friðrik hefur
tekið þátt í öllum Reykjavíkurskákmótunum nema
einu (1980) ogsigrað þrívegis. Árið 1958 varFriðrik
útnefndur stórmeistari. Hann hefur dregið mjög úr
þáttöku í skákmótum hin síðustu ár, enda átti hann
mjög annríkt, er hann gegndi embætti forseta
FIDE1978—1982. Óhætt er að fullyrða, að Friðrik
Ólafsson hefur mjög aukið veg og virðingu skák-
listarinnar á Islandi og víðar. Hann varð áskömm-
um tíma þjóðhetja og er það enn.
Fleiri íslendingar hafa gert garðinn frægan á
sviði skáklistarinnar. Guðmundur Sigurjónsson
varð stórmeistari árið 1975 og hefur unnið góða
sigra á mörgum mótum. Á Reykjavíkurskákmótinu
1970 vakti hann fyrst verulega athygli með glæsileg-
um sigri. Sex alþjóðlega skákmeistara hafa íslend-
ingar eignast, þá Inga R. Jóhannsson, Hauk Ang-
antýsson, Helga Ólafsson, Jón L. Árnason, Mar-
geir Pétursson ogJóhann Hjartarson. Hinir síðast-
töldu hafa mjög látið að sér kveða nú hin síðustu ár
og hafa margsinnis sýnt og sannað, að þeir geta
sigrað hvern sem er við skákborðið. Jón L. Árnason
náði þeim glæsilega árangri að verða heimsmeistari
sveina árið 1977.
Skáksamband Islands hefur undanfarin ár haft
mörgjárn í eldinum. Árið 1972 var haldið í Reykja-
vík einvígi aldarinnar á milli B. Spasskv og R.
Fischer. Island var þá mjög í sviðsljósinu þann
tíma, er einvígið stóð yfir. Þá var haldið áskorenda-
einvígi í Reykjavík árið 1977 á milli B. Spassky og
V. Hort. Alþjóðlegu Reykjavíkurskákmótin hafa
verið haldin annað hvort ár, og eruþau nú orðin ell-
efu talsins.
Skáksamband íslands mun minnast 60 ára af-
mœlis síns á margvíslegan hátt. Byrjunin er 60 ára
alþjóðlegt afmælismót, er haldið verður á Loft-
leiðahótelinu 12—24.febrúar. Eftil vill mœtti kalla
mót þetta „demantsmótið“. Tilhlýðilegt þótti að
kalla til þá skákmenn erlenda, er hvað þekktastir
hafa orðið hér á landi, s.s. B. Spassky, fyrrverandi
heimsmeistara, Bent Larsen, sem tefldi hér frægt
einvígi við Friðrik fyrir u.þ.b. 30 árum og V. Hort,
sem lék það afrek hér árið 1977 að tefla maraþon-
fjöltefli og setja þar með heimsmet.
Það er einlæg von mín, að afmælisárið verði
Skáksambandi íslands gott og vonandi förum við
vel af stað með alþjóðlega „demantsmótið“.
í nafni Skáksambands íslands flyt ég öllum vel-
unnurum skáklistarinnar bestu þakkir fyrir veittan
stuðning undanfarin ár við íslenska skákhreyfingu.
Megi 60 ára afmælismót SÍfara velfram og verða
öllum til ánægju ídrengilegri og spennandi keppni.
Þorsteinn Þorsteinsson
BATA- OG BILASIMINN
FRÁ ERICSSON
GEORG ÁMUNDASON&CO
SUÐURLANDSBRAUT 6 - SÍMAR: 81180-35277
e