Afmælismót Skáksambands Íslands - 01.02.1985, Blaðsíða 55

fSLENSKIR
SKÁKMEISTARAR
Það mun á flestra vitorði þeirra
sem um skák fjalla, að um nokkra
hríð hefur verið unnið að samantekt
mikils rits í mörgum bindum, sem
væntanlega mun hljóta nafnið ís-
lenskir skákmeistarar og eru ýmsir
þegar farnir að hlakka til að berja
fyrsta bindið augum.
Það er ritstjórinn Jóhann Þórir
Jónsson, sem er útgefandi verksins
og guðfaðir — hver annar —, þótt
hugmyndin sé e.t.v. eldri afskiptum
Jóhanns af skákmálum, en í bókinni
„Taflfélag Reykjavíkur 50 ára“
viðrar Áki Pétursson líkar hug-
myndir.
Þeir Jón Þ. Þór, Bragi Halldórs-
son og Bragi Kristjánsson munu í
upphafi hafa safnað efni í ritið, en á
lokasprettinum hefur Trausti
Björnsson lagt fram gífurlega vinnu
við öflun efnis og ritstjórn.
Um tildrögin að því, hvernig
Trausti ánetjaðist verkinu, segir
hann í formála I. bindis. „ Það var
sumarið 1982 að ég flutti aftur suður
eftir ellefu ára dvöl úti á landi. Ein-
hvern daginn um sumarið hitti ég
Jóhann Þóri Jónsson, ritstjóra og
útgefanda Skákar, á förnum vegi í
miðborg Reykjavíkur. Jóhann Þórir
var að venju uppfullur af stórkost-
legum hugmyndum og ég fékk ekki
betur skilið (og ekki einn um það) en
minna starfskrafta, væri helst þörf
til að aðstoða við að hrinda þeim í
framkvæmd. Meðal annars minntist
Jóhann á bókaflokk nokkurn um ís-
lenska skákmenn sem verið hafði í
smíðum um nokkurt skeið en væri
munðarlaus þessa stundina. Mér
hefur ætið verið meinilla við að of-
hlaða mig verkefnum og varðist því
fimlega en vegna þess að ég fann
mest til með munaðarleysingjanum
og taldi að helst gæti ég komið hon-
um til nokkurs þroska æxluðust
málin þannig að ég for af fundi
okkar Jóhanns Þóris með
ÍSLENSKA SKÁKMEISTARA í
minni umsjá“.
Þeir félagar Jóhann Þórir og
Trausti brugðust ljúflega við óskum
um að gefa lesendum þessa móts-
blaðs forskot á sæluna með því að
leyfa hér birtingu á völdum kafla úr
1. bindi verksins íslenskir skák-
meistarar og kunnum við skák-
sambandsmenn þeim bestu þakkir
fyrir.
Fyrir valinu varð fyrst hluti af
kaflanum um Arninbjörn Guð-
mundsson og fræg skák hans og
Fischers með skýringum Fichers.
Síðan er örstutt brot úr kaflanum
um Ásmund Ásgeirsson.
Þ.G.
Arinbjörn Guömundsson.
Fischer-mótið 1960
Skák þessi er ein hin frægasta sem ís-
lendingur hefur teflt. Birtist hún í
bók Fischers „60 minnisstæðar
skákir“ (My 60 Memorablc gamcs)
með skýringum meistarans og fylgja
þær með hér.
En fyrst kemur gamansöm lýsing
Arinbjarnar frá þessu Fischer-móti:
„Eins og þú eflaust veist var Fischer
boðið í Minningarmót Eggerts
Gilfers en kom of seint til landsins
vegna einhvers misskilnings. Þá var
ákveðið að halda annað mót
(Fischer-mót) strax á eftir. Fischer
vildi ráða hverjir tefldu í því móti,
vildi fá þrjá úr Gilfer-mótinu og
Freystein Þorbergsson sem þá var ís-
landsmeistari. Gísli ísleifsson var
einn fremsti maður þarna og skák-
stjóri. Ekki vantaði dugnaðinn hjá
honum að koma þessu í kring. Hann
fékk jákvæð svör hjá Friðriki, Inga
og Freysteini, en svar mitt var að ég
væri orðinn þreyttur eftir erfitt mót
og átta tima vinnudag með keppn-
inni og gæti ég ekki fengið frí frá
vinnu til að taka þátt í umræddu
móti. Af þessum sökum treysti ég
mér ekki til að vera með.
Daginn eftir hringdi Gísli í mig og
sagði að Fischer heimtaði að ég yrði
með (miklir menn erum við, Hrólfur
minn). Ég átti bágt með að trúa
þessu, hélt Gísla vera að spauga,
enda maðurinn afar léttlyndur og
alltaf kátur þótt við skákmenn væri
að eiga, en þeir eru oft manna erfið-
astir við að kljást, sérvitrir fram úr
hófi og duttlungafullir, en hafa þó
þann einstæða kost að sjá þetta ekki
sjálfir (verið getur að þú haldir mig
vera að Iýsa sjálfum mér!) Ég endur-
tók við Gísla að ég treysti mér ekki til
að keppa í mótinu og spurði hvort
Fischer gæti ekki fallist á að fá ein-
hvern annan í minn staö. Daginn
eftir hafði Gísli samband við mig og
sagði, að ef ég drægi mig í hlé neitaði
Fischer að tefla. Svo mér var engrar
55