Afmælismót Skáksambands Íslands - 01.02.1985, Blaðsíða 16

um skákunnendum og ferill hans og
örlög svo tengd íslandi.
Hann fæddist í Leningrad 1937,
læröi mannganginn 5 ára gamall og
hefur síðan ekki losnað úr faðmi
skákgyðjimnar. Frami hans varð ör
og var hann því snemma talinn
undrabarn í skákinni og þótt vegur
hans á tindinn hafi verið grýttur, er
skrá um sigra hans á sovéskum og al-
þjóðlegum vettvangi lengri en svo að
hér sé rúm fyrir þau býsn.
Helstu kennileiti á ferli hans má
þó nefna. Eftir ágæta frammistcðu á
alþjóðlegu móti í Búkarest 1953 varð
hann alþjóðlegur meistari og heims-
meistari unglinga varð hann tveim
árum síðar, eða 1955. Það ár varð
hann ofarlega á meistaramóti Sovét-
ríkjanna en síðar átti hann oft eftir
að sigra í því móti og verða skák-
meistari Sovétríkjanna. Árangur
hans á Sovétmeistaramóti 1955 veitti
honum rétt til þátttöku í millisvæða-
mótinu í Gautaborg og hófst þar at-
laga hans að heimsmeistaratitlinum
en það tók hann 14 erfið ár að kom-
ast á tindinn, því að heimsmeistari
varð hann 1969 eftir einvígi við Tigr-
an Petrosjan.
Spassky hlaut stórmeistaratitil
sinn 1956 eftir frammistöðu sína í
Gautaborg, þá aðeins 18 ára.
Heimsmeistaratitlinum hélt Spas-
sky í 3 ár eða þar til Fischer hrifsaði
kórónuna í Reykjavík 1972 í Einvígi
aldarinnar, en sú saga er íslending-
um kunn.
Eftir 1972 tefldi Spassky lítið um
hríð af ýmsum ástæðum, en leið
hans lá aftur til íslands árið 1977,
þar sem hann háði annað einvígi við
V. Hort. Sigur Spasskys i einvíginu
var áfangi á leið hans að heimsmeist-
aratitlinum á ný en þrátt fyrir tvær
atrennur hefur hann ekki endur-
heimt kórónuna og e.t.v. er þrá hans
eftir æðstu metorðum farin að
dofna.
Á Olympíumótinu í Þessaloniku í
Grikklandi tefldi Spassky fyrir
Frakkland á 1. borði og átti stærstan
þátt í velgengni Frakka á mótinu.
Vlastimil Hort
Fæddur 12.01144
Alþjóðleg ELO-stig: 2560
Eins og flestir framúrskarandi skák-
meistarar, lærði Hort mannganginn
barnungur. Hann var aðeins 6 ára
gamall þegar foreldrar hans komu
honum á sporið, og árangurinn lét
ekki á sér standa. Sextán ára gamall
var hann orðinn unglingameistari
Tékkóslóvakíu, og tefldi með Ólym-
píuliði lands síns i Leipzig 1960. Ári
siðar var Hort útnefndur alþjóðleg-
ur skákmeistari og 1965 var hann
orðinn stórmeistari. Framfarirnar
voru örar, og 1967 tók hann í fyrsta
skipti þátt í millisvæðamóti. Þar
náði hann prýðilegum árangri, varð
í 6—8. sæti. Síðan hefur Hort alltaf
verið í hópi allra fremstu skákmanna
heims og unnið marga sigra og
mikla. í skákstíl Horts er varla veik-
an blett að finna. Hann býr yfir
mikilli byrjanaþekkingu, og enda-
taflstækni hans er frábær.Hið eina
sem aftrað hefur Hort frá atlögum
að sjálfum heimsmeistaratitlinum er
skapgerðin. Hann hefur aldrei viljað
gefa sig skákinni fullkomlega á vald,
heldur njóta þess sem lífið hefur upp
á að bjóða. Hann er mikill áhuga-
maður um leiklist, málamaður góð-
ur og hrókur alls fagnaðar á manna-
mótum. Oft hefur Hort talað af
vandlætingu um þá skákmenn sem
hann nefnir „skákmunka“, menn
sem fórna öllu fyrir frama á skák-
sviðinu. Hort er hagfræðingur að
mennt en hefur aðallega unnið við
blaðamennsku þegar hann hefur
ekki verið önnum kafinn við skák-
ina.
Hort kom fyrst hingað til lands
árið 1972 og tefldi á Reykjavíkur-
skákmótinu, sem haldið var í Glæsi-
bæ. Þar varð hann í 1.—3. sæti
ásamt Friðriki Ólafssyni og rúm-
enska stormeistaranum Gheorgiu.
Næst lá leið hans hinað til lands árið
1977, er hann tefldi einvígi við Spas-
sky á Hótel Loftleiðum. Þar tapaði
Hort með eins vinnings mun, vann
eina skák og tapaði tveim. I úrslita-
skákinni féll Hort á tíma með gjör-
unnið tafl, og hefði margur meistar-
inn brugðist ókvæða við slíku slysi.
En Hort tók þessu eins og sannur
heiðursmaður, og kvað betri mann-
inn hafa farið með sigur af hólmi.
í sárabætur náði Hort sér í heims-
met, er hann tefldi maraþonfjöl-
tefli við 550 manns. Eftir óslitna
göngu sem stóð í 24 klukkutíma og
20 mínútur var Hort búinn að vinna
477 skákir, gera 63 jafntefli og tapa
10 skákum. Hann hlaut því 508/2
vinning af 550 mögulegum eða 92%.
Enn kom Hort til íslands 1978 til
þátttöku í 8. Reykjavíkurskákmót-
inu. Þar varð hann í 3—6. sæti ásamt
Friðriki Ólafssyni, Larsen og Lom-
bardy.
Það fer ekki á milli mála að sein-
asta áratuginn hefur Hort verið í hópi
allra sterkustu stórmeistara og teflt
sem slíkur í ótal afar sterkum mótum
vítt og breitt um heimabyggðina,
oftast með ágætum árangri.
Margeir Pétursson
Fæddur 15.02!60
Alþjóðleg ELO-stig: 2540
16