Dúgvan - 01.12.1941, Blaðsíða 43
DÚGVAN
139
í varðveitslu. „Dúgvan“ kemur eftir skipanini 4 ferðir um
árið, sum tíðarrit fyri fráhald og mentan. Hin fíggjarliga
støðan kundi væl verið betri, men tað er enn eingin grund
at klaga. Meira arbeiði krevur meira pening, men eiga vit
at kunna greiða tað eisini, eins og vit hava greitt alt annað
til dags.
So varð samtykt at næsta Ungmannastevna skuldi hald-
ast í Vágum.
Tá ið tað kom til val av felagsnevnd bað formaðurin
um at verða loystur frá starvi sínum, tí hann nú hevði sitið
so leingi, og harumframt hevði nógv at takast við sum
stjórnarlimur í „Mál og Mentan“.
Til formann í felagsnevndini varð so valdur Joli. Dani-
elsen, Tórshavn. Til aðrar nevndarlimir valdi aðalfundurin:
Karl Petersen,..................... Sandavági.
Oliver Eystberg,................... Skopum.
Elmar Gudmundsson,................. Tvøroyri.
Óli Egilstrøð,..................... Eiði.
Mikael Davidsen,................... Skála.
Hjørdis Thomsen,................... Norðagøtu.
Dany Hausen,....................... Lorvík.
So varð hesin ársaðalfundur lokin.
Sama dag kl. 4 var fundur í ITeiðursregluni, og kl. 5
Stórlosjufundur. Til steðar á Stórlosjufundinum var Føroya
Stórtemplari, P. Jensen, stjóri. Tað vóru nógv ið vígd vórðu
inn í Stórlosjuna, eins og fleiri fingu Heiðursregluna.
Sama kvøld kl. 8 var hilđin skilnaðarsamkoma og árs-
veitsla hjá Ungmannadeildini í Havn. Umframt at hetta var
ein álvarssom samkoma, so var hetta eisini ein livandi og
hugnalig samkoma.
M. S. Viðstein helt eina røðu og beyð øllum at vera
vælkomin. Síðani gav hann eitt yvirlit yvir arbeiði í hesum
døgum og hvat, ið ætlanin var við tí og við Ungmannastarv-
inum — at búgva okkum tii arbeiðið fyri fólk og fosturland.