Fróðskaparrit - 01.01.1966, Page 93

Inversio uteri — viðvend lívmóðir
101
2. Frá egnum yrki sum bygdaltekni.
34 ára gomul, fjórða barnsferðin. Átti á tíð heima í skallalegu,
livandi drong, ið vá 3700 g.
10 minuttir aftan á, hon hevði átt, varð roynt at trýsta eftirburðin
ógvuliga hart út, og nú kom ein fullfíggjað viðvending av lívmóður-
ini við prolapsi uttan fyri vulva við eftirburðinum sitandi føstum á
móðurvegginum. Hon bløddi ikki, men varð beinanvegin illa skelkað,
gav seg illa, og støðan varð skjótt ógvuliga hættislig. Eftirburðurin
varð loystur av, móðirin varð trýst innaftur og kom beinleiðis at
vera rættvend. Nú kenst ein vøkstur (fibrom) í vinstra horni á móð-
urini. Givin verða uterotonica, og knýtir móðirin seg væl saman.
Framvegis er at kalla eingin bløðing, men sjúklingurin er støðugt
illa skelkaður. Hon varð flutt til sjúkrahús, men 2 tímar eru at sigla,
og á ferðini varð ikki gjørligt at viðgera skelkin á rættan hátt, tí
einki tilfar var til tess.
Ein hálvan tíma, áðrenn komið varð á sjúkrahúsið, doyði konan
í harðasta skelki uttan at nøkur bløðing hevði verið at sæð.
Orsøkin til, at henda lívmóðurin varð vend við, er ivaleyst tað
harða trýstið, sum útint varð á eina ikki samanknýtta lívmóður við
einum ikki heilt losnaðum eftirburði, ið situr í fundus, og møguliga
hevur eisini tann ávísti vøksturin verið ein hjálpandi orsøk.
Ikki var gjørligt at viSgera henda seinra tilburðin til fulnar,
tí hvørki er gjørligt at geva blóð úti á bygd ella á báti í so-
vorðnum skundi uttan at hava fingið gjørt gjølligar fyrireik-
ingar viðvíkjandi blóðfløkkaavgerð, og heldur ikki má í hesum
føri verða givin plasmalíki (t. d. Dextran ella Macrodex)
orsakað av møguligum broytingum í blóðstorkingini. Heldur
eigur at verða gingið ta leið, at flest allar konur eiga á sjúkra-
húsi ella nærhendis, so líkindi verða til at koma undir kønar
hendur beinan vegin, um okkurt skuldi borist á.
SUMMARY
Two cases of puerperal inversio uteri are reported. The literature has
been briefly reviewed and the aetiology as well as the frequency of
inversio uteri has been discussed. In most cases the inversion is spon-
taneous, but a usual cause of inversio uteri is supposed to be too heavy
expression of the afterbirth at the third stage of the delivery when the
placenta is not loosened and the uterus is not contracted. The parity is
of no importance. The first symptom usually is shock which not always