Helgarpósturinn - 19.12.1985, Blaðsíða 3

FRÉTTAPÓSTUR
Þrotabú Hafskips
Eimskipafélag íslands hefur að ósk skipta-
ráðanda framlengt frest hans til þess að taka
afstöðu til tilboðs félagsins í eignir þrotabús
Hafskips hf. til klukkan 17, mánudaginn 6.
janúar nk. Fresturinn er veittur til að öðrum
aðilum gefist frekari kostur á að gera tilboð í
eigur Hafskips og tími gefist til nánari úr-
vinnslu ýmissa atriða varðandi tilboð Eim-
skips.
Þjóðskjalasafnið fær hús Mjólkursamsöl-
unnar
Menntamálaráðuneytið hefur keypt hús
Mjólkursamsölunnar á Laugavegi 162 fyrir
starfsemi Þjóðskjalasafns. Kaupverðið er HO
milljónir króna, vísitölutryggt og með 3,5%
vöxtum. 55 milljónir greiðast á 10 árum og 55
milljónir á næstu sjö árum. Greiðslur hefjast
árið 1987. Húseignir Mjólkursamsölunnar
eru 7400 fm að staerð.
Hagvangur kannar fylgi flokkanna
Ný skoðanakönnun Hagvangs sýnir að
Sjálfstæðisflokkurinn fengi 42,1% fylgi kjós-
enda. Alþýðuflokkurinn er næststærstur með
16,2%, Alþýðubandalagið 14,6%, Framsókn-
arfl. 13%, Samt. um kvennal. 8,9%, BJ 4,3%
og Fl.m. 1%. Skoðanakönnun Helgarpóstsins
þ. 21. nóvember um fylgi flokkanna leiddi í ljós
37,4% fylgi Sjálfstæðisflokks, 19,2% fylgi Al-
þýðubandalags og 18,6% fylgi Alþýðuflokks.
Framsóknarflokkurinn fékk 14,4%, Samt. um
kvennal. 6,9%, BJ 2,3% og Fl.m. 1,3%.
Bandaríkjastjórn borgar 1200 milljónir
króna
Bandaríkjastjórn mun greiða 1.200.000 kr.
á næsta ári til framkvæmda við nýju flugstöð-
ina á Keflavíkurflugvelli og til tengdra fram-
kvæmda. Hlutur íslendinga á næsta ári mun
hins vegar verða 300 milljónir króna sam-
kvæmt fjárlögum fyrir 1986.
Olís hluthafi í Granda
Olíuverslun íslands hefur gerst hluthafi í
fyrirtækinu Granda hf., sem er sameiningar-
fyrirtæki ísbjarnarins og BÚR. Hlutur Olís er
7,5% eða að nafnvirði 15 milljónir króna. Með
þessu minnkar hlutur ísbjarnarins að sama
skapi eða úr 25% niður í 17,5%.
Ríkissaksóknari neitar Albert
Þórður Björnsson rikissaksóknari hefur
hafnað beiðni Alberts Guðmundssonar ráð-
HELGARPÚSTURINN
Sverrir kominn
til skjalanna
Hafinn yfir allan grun,
enginn er hans jafni.
Varðveitast hans menning mun
á Mjólkurskjalasafni.
Niðri
herra um að láta fara fram opinbera rannsókn
á tengslum Alberts við Hafskipsmálið. Sak-
sóknari telur að ekki séu þau skilyrði fyrir
hendi sem réttlætt gætu slíka rannsókn og að
þáttur Alberts í málinu verði ekki aðgreindur
frá þætti samstjórnarmanna Alberts í Haf-
skipi eða Útvegsbankanum.
Kennarar segja sig úr BSRB
Atkvæðagreiðslu Kennarasambands ís-
lands um aðild að BSRB lyktaði á þann veg að
rúm 72% greiddu atkvæði með úrsögn úr
BSRB, eða 1919 atkvæði. Rúm 25%, eða 675,
vildu áframhaldandi aðild að BSRB. Valgeir
Gestsson formaður KÍ hefur sagt að næsta
skref kennara væri samningaviðræður við
ríkið um samningsrétt kennara. Einnig er
unnið að tillögum um ný heildarsamtök kenn-
ara. Kristján Thorlacius formaður BSRB þefur
túlkað niðurstöður atkvæðagreiðslu KÍ sem
áfall fyrir kennarastéttina.
Sameining NT, íjóðviija og Alþýðublaðs
reifuð
Vegna slæmrar fjárhagsstöðu NT hefur
blaðið haft forgöngu um viðræður við Þjóðvilj-
ann og Alþýðublaðið um sameiningu þessara
þriggja blaða í eitt árdegisblað. Hafa formenn
Framsóknarflokks, Alþýðubandalags og Al-
þýðuflokks fundað um málið og sömuleiðis
hafa ritstjórar blaðanna reifaö slíkan sam-
runa. Enn hafa engar niðurstöður fengist en
starfsfólk Þjóðviljans hefur samþykkt á fundi
að leggja ekki niður Þjóðviljann. Talið er ólík-
legt að af samrunahugmyndum verði.
Fréttapunktar
• Framkvæmdastjórn Alþýðubandalagsins
hefur samþykkt að þingmenn þess sitji ekki í
bankaráðum fyrir flokkinn. Svavar Gestsson
formaður varð undir í þeirri atkvæðagreiðslu.
• Guðrún Helgadóttir hefur borið ósannindi á
ráðherrana Jón Helgason og Þorstein Pálsson
á þingi varðandi upplýsingar um þyrlukaup
Landhelgisgæslunnar.
• Ríkisstjórnin hefur lagt fram á Alþingi
frumvarp um að æviráðning embættismanna
verði lögð niður.
• Fyrsti formlegi samningafundur VSÍ og ASÍ
um nýja kjarasamninginn hefur verið hald-
inn.
• Fjárveitinganefnd Alþingis hefur synjað
Giktarfélaginu um fjárstyrk til rekstrar Gikt-
lækningastöðvar í Reykjavík og getur það þýtt
stöðvun rekstrarins.
• Eimskip hefur gert það að skilyrði fyrir
kaupum sínum á þrotabúi Hafskips að félagið
fái i sínar hendur umráðarétt yfir athafna-
svæði Hafskips við austurbakka Reykjavíkur-
hafnar.
• Bóksalan hefur gengiö vel hjá bókaverslun-
um. Efstu bækur sölulistans virðast vera Guð-
mundur skipherra Kjærnested e. Svein Sæ-
mundsson, Stjórnmálasaga Vilmundar Gylfa-
sonar e. Jón Orm Halldórsson, Njósnir á haf-
inu e. Alistair MacLean, Strið fyrir ströndum
e. Þór Whitehead og Margsaga e. Þórarin Eld-
járn.
Andlát
Guðmundur Guðmundsson, sparisjóðs-
stjóri í Hafnarfirði, lést 13. des. 71 árs að aldri.
Óli Anton Bieltvedt, fyrrum yfirskólatann-
læknir, lést 13. des. á áttugasta aldursári.
SMARTSKOT
UÓSMYND JIM SMART
Er þetta ekki
bölv. . . þrjóska
í ykkur?
Mörður Árnason
,úú, vísast er það þrjóska, en sú þrjóska sem er eitt ánægju-
legasta þjóðareinkenni íslendinga — þrjóska sem byggir á heil-
brigðri skynsemi. Menn verða að átta sig á því að Þjóðviljinn
er ekki bara eitthvert dagblað sem hægt er að leggja niður og
stofna aftur einsog að drekka vatn."
— En eru þessi blöð ekki öll á hausnum hvort eð er?
„Þjóðviljinn er ekki á hausnum. Það eru erfiðir tímar á Þjóð-
viljanum einsog víða annars staðar, en alls ekki þannig að hér
sé von á einhverri kollsteypu, náttúruhamförum eða fjárhags-
legu eldgosi. Það sem er á hausnum er klárlega NT. Fljótt á litið
virðist það vera stjórnleysið og sukkið á NT í um það bil áratug
sem nú fyllir brjóst framsóknarmanna af þessum skyndilega
sameiningarvilja."
— En hafið þið ekki verið að leika sameiningarpost-
ula vinstri aflanna um langt skeið?
„Við teljum margir hér að klofningur vinstri manna sé ein
sorglegasta pólitíska staðreyndin á þessu landi, og hún kemur
meðal annars fram í fjölmiðlunum. Það eru náttúrlega hægri
öflin ein og fjölmiðlar þeirra sem hagnast á þessu. En til þess
að einhver von eigi að vera til þess að vinstri menn sameinist
um fjölmiðla sýnist mér að annað hvort þurfi að ríkja almennt
fjárhagslegt neyðarástand eða sameiginlegur pólitískur vilji.
Það ríkir ekki neyðarástand á Þjóðviljanum og þessir þrír hópar
svokallaðra vinstri manna hafa ekki sýnt neina þá verklega sam-
stöðu, hvorki í grasrót né á toppi, sem bendir til þess að hægt
væri að sameinast um eitt dagblað."
— Það eru pólitíkusarnir sem áttu frumkvæðið að
þessum sameiningarviðræðum. Ætla þeir að svíkja
ykkur í hendur fjandvinanna?
„Ég held að Svavar Gestsson, sem er formaður útgáfustjórn-
ar Þjóðviljans, sé ennþá nógu mikill blaðamaður til að taka tillit
til ritstjórnarlegrar sjónarmiða. Hins vegar líst mér fyrirfram illa
á blað, sem saga þess hefst á því að flokksformenn tala saman
í þingsölum. Hvernig litist þér á að vera fréttaritstjóri á slíku
blaði með þrjá rauða síma á skrifborðinu?"
— Þríhöfða þurs?
„Þessi orð hafa heyrst héðan af Þjóðviljanum um þessar
hugmyndir hér hinum megin við Síðumúlann. Þar virðast
menn halda að hægt sé að segja fréttir og stjórna blaði óháð
pólitísku samhengi. Við hér á Þjóðviljanum reynum að halda
uppi góðri og heiðarlegri blaðamennsku, en höfum í hálfa öld
gert okkur grein fyrir því að við erum þátttakendur í
samfélaginu og sitjum ekki úti í geimnum og segjum þaðan
fréttir."
— Er málið þá alfarið úr sögunni hvað ykkur varðar?
„Nei, það sem starfsmennirnir hér hafa reynt að gera sér og
öðrum Ijóst er að Þjóðviljinn verður ekki lagður niður. Otgáfu-
stjórnin er nýbúin að halda fund um þetta mál og tók þar mjög
hr’áustlega undir þessi sjónarmið starfsmannanna. Hins vegar
eru menn á blaðinu og í kringum blaðið reiðubúnir til viðræðna
um alls konar samvinnu, á milli blaða, um nýtt blað eða aðra
fjölmiðla."
— En ef sameiningunni yrði nú þröngvað upp á ykkur
— eruð þið Þjóðviljamenn reiðubúnir að fara I hart?
„Það er tilbúin áætlun hér í húsinu um að girða Þjóðviljann
af með sandpokavígjum, jarðsprengjum og vélbyssuhreiðrum
ef einhverjum kynni að koma til hugar að reyna að sameinast
okkur á öðrum forsendum en við viljum sjálf. Össur ætlar að
vera á þakinu með eldvörpu. .
Mörður Árnason er blaðamaður á Þjóðviljanum. Mikill hiti er nú f
mönnum þar á bæ vegna hugmynda um að sameina Þjóðviljann, NT
og Alþýðublaðið í einhverri mynd, kannski undir nafninu Nútíma-
alþýðuvilji. Þjóðviljamenn héldu með sér fund ( vikunni og voru lítt
hrifnir af hugmyndum um að leggja blaðið niður.
HELGARPÓSTURINN 3