Helgarpósturinn - 05.06.1986, Blaðsíða 3
FYRSI OG FREMST
SMARTSKOT
SIÐUSTU VIKUNA hefur fátt
borið oftar á gömlu gómana en
svokallaðan „umskiptingalistá'
fjórdálka auglýsingu sem birtist í
Mogganum síðastliðinn föstudag.
Þar lýstu níu listamenn — tónlist-
armenn, leikarar, rithöfundar og
kvikmyndagerðarmenn — yfir
stuðningi við Davíð borgarstjóra,
en áréttuðu um leið að þeir kysu
„menn en ekki flokká', sumsé
Davíð Oddsson en ekki endilega
Sjálfstœðisflokkinn. Nafnið
umskiptingalistinn hefur fest við
þetta tiltæki af þeirri einföldu
ástæðu að ýms nöfn sem á honum
eru hafa hingað til verið fremur
bendluð við vinstristefnu og
vinstriöfl en íhaldið. Enda stóð
það heima að Alþýðubandalagið
rauk upp til handa og fóta við
þessi tíðindi og safnaði óvígu liði
fjörutíu listamanna á annan lista, i
þetta sinn undir slagorðinu „við
kjósum menn og málefni". Segir
sagan að þótt tíminn hafi verið
naumur — aðeins einn dagur —
hafi Alþýðubandalaginu veist létt
að safna fjörutíumenningunum á
listann vegna þeirrar undrunar og
hneykslunar sem vera ýmissa lista-
manna á Davíðslistanum vakti —
nefnum Þórarin Eldjárn, Steinunni
Sigurðardóttur, Friðrik Þór
Friðriksson, Kjartan Ragnarsson,
Atla Heimi Sveinsson og Sigurð
Pálsson.
EITT NAFN þykir áberandi
fjarveru sinnar vegna á téðum
stuðningslista Davíðs — hvar,
heyrðist spurt, er Hrafn Gunn-
laugsson, kvikmyndaleikstjóri,
rithöfundur, formaður fram-
kvæmdastjórnar Listahátíðar,
dagskrárdeildarstjóri o.s.frv.? Það
þurfti ekki annað en að fletta fram
um eina síðu í Morgunblaðinu og
þar blasti svarið við — greinarstúf-
urinn „Davíð þarf á atkvæðum
okkar allra að halda", eftir Hrafn
Gunnlaugsson. Það er náttúrlega
alkunna að Davíð og Hrafn eru
nánir vinir og samstarfsmenn —
er ekki með réttu hægt að kalla
Hrafn skemmtanastjóra Davíðs? —
og það er heldur ekkert leyndar-
mál að flestir þeir sem rituðu nöfn
sín á umskiptingalistann eru líka
vinir og samstarfsmenn Hrafns.
Því lögðu menn saman tvo og tvo
og þótti enginn vafi leika á því að
listinn hefði verið saman settur og
birtur að undirlagi Hrafns
Gunnlaugssonar. Reyndar hefur
Helgarpósturinn heimildir fyrir því
að sú sé raunin.
Það er altént ljóst að stjórnmála-
flokkum þykir mikill akkur í
stuðningi listamanna þegar kosn-
ingar eru í uppsiglingu; það má
reyndar velta því fyrir sér í hálf-
kæringi hvort hér séu þær að
koma aftur uppá yfirborðið vær-
ingarnar eilífu sem hér áður fyrr
voru á milli vinstri- og hægrisinn-
aðra listamanna. Síðasta áratuginn
eða svo hefur verið friðlegt í þess-
um herbúðum, en nú — er þetta
upphafið að langvinnu og hat-
römmu stríði sem gæti, þegar
fram líða stundir, hlotið nafnið
„listastríðið?"
ÞAÐ GEKK á ýmsu í kosninga-
baráttunni eins og endra nær.
Nokkuð hefur verið rætt um rósir
og er Helgarpóstinum ljúft að
bæta við eftirfarandi sögu sem við
höfum heyrt:
Kvenfélag Breiðholtssóknar vildi
af eðlilegum hvötum nýta sér
fólksstrauminn sem ferðaðist um
með x-in sín og héldu konurnar
niður á sinn kjörstað til að freista
þess að safna nokkru fé með því
að bjóða fallega vöru til sölu. Ekki
skal fullyrt um pólitíska vitund
þessara vel meinandi kvenna, en
alténd þótti boðin vara ekki við
hæfi á staðnum svona á meðan
atkvæðin gengu inn og voru ef til
vill í þann mund að ákveða sig.
Hin boðna vara reyndist nefnilega
vera rauðar rósir — sem eins og
allir, ja, flestir, vita að er tákn
krata. — Nú, blómasalan var
stöðvuð hið snarasta. . .
MEIRA ÚR kosningabarátt-
unni. Alþýðuflokkurinn rak sem
kunnugt er útvarpsstöðina Rás-A
síðustu vikuna fyrir kosningar. Eitt
sinn þegar verið var að leika
diskólag af miklum móð var
hringt í stjórnendur rásarinnar og
reyndist það vera kvenkjósandi úr
hinum fjölmenna hópi óákveð-
inna. Tilkynnti hún að ef stjórn-
andinn myndi innan tveggja mín-
útna setja á fóninn lagið Kötu-
kvæði með Örvari Kristjánssyni
myndi hún umsvifalaust gera upp
hug sinn og kjósa A-listann.
Stjórnandinn fann lagið á minna
,en hálfri mínútu og varð diskó-
lagið miskunnarlaust að víkja,
enda atkvæði í húfi.
Kratar unnu svo kosningarnar
einsog menn muna!
DRAUGAGANGUR hefur
lengi fylgt íslendingum og virðist
meira að segja laumast í ritvél
blaðamanna. Þannig gengur
franska skáldkonan Simone de
Bouvoir aftur á síðum DV á mið-
vikudaginn þar sem blaðamaður
dáist að því að þessi tæplega átt-
ræða kona „er óvenjuung, svo
heilsugóð að aðeins einu sinni á
ævinni hefur hún farið á sjúkra-
hús. ..“ Pistillinn endar svo á að
segja að á kaffihúsarölti um París
geti ferðalangar enn átt von á að
sjá þessa þjóðsagnapersónu með
morgunkaffið.. . Það skyldi þó
aidrei hafa verið lygi sem sagt var
fyrir fáum vikum að konan væri
jú barasta dáin.
HÉR í ,,DEN“ var það ein
helsta skemmtun íslendinga að
segja fyndnar sögur af atkvæða-
veiðum Sjálfstæðisflokksins —
karlægu fólki sem íhaldið dró út af
sjúkrahúsum og flutti á kjörstað,
gömlum konum sem voru vélaðar
útí bílaflota flokksms og leiddar i
sannleik um dyggðum prýdda
flokksleiðtoga, Gunnar Thor, Geir
og Bjarna Ben. Minna hefur heyrst
um þessa gríðarlegu sjúkraflutn-
inga hin síðari ár, sumir hafa jafn-
vel haldið að þeir heyrðu sögunni
til, en samkvæmt góðum vini
Helgarpóstsins fer þvi fjarri að sú
sé raunin: Hann var nefnilega
staddur við sinn kjörstað í Mið-
bæjarskólanum þegar kom aðvíf-
andi fiennistór Volvó-bifreið og við
stýrið sat vel klæddur ungur
maður, áhrifamaður í ungliða-
hreyfingu Sjálfstæðisflokksins.
Útúr bílnum stigu svo fjórir eldri
menn af nokkuð ólíku kalíberi,
einsog sagt er. Þeir voru þeirrar
manntegundar sem í daglegu tali
heitir ,,rónar“, „utangarðsmenn"
eða „útigangsmenn". Á hæla þeim
kom ungliðinn snyrtilegi, vatt sér
djarfmannlega útúr bílnum,
deplaði auga til fjórmenninganna
og mælti þessi orð sem alltaf eiga
jafnvel við á kjördag: „Þið munið
að kjósa rétt, strákar..."
HELGARPÚSTURINN
Sigur
Víða rísa vonahallir
og viðbyggingar með.
í kosningunum unnu allir,
einhvernveginn séð.
Niðri.
Eruð þið
steinsofandi á
verðinum?
Árni Þorgrímsson, formaður Félags
íslenskra flugumferðarstjóra
„Nei, þvert á móti. Við höfum sýnt það í gegnum tíðina að
við erum það ekki."
— En hvernig gat það gerst að íslenskir flugumferð-
arstjórar voru næstum því búnir að valda mesta flug-
slysi sögunnar?
„Hér get ég nú ekki gefið neitt ákveðið svar. Maður veit þeg-
ar svona lagað kemur upp, hvort sem það eru slys í lofti eða á
jörðu niðri eða hvað sem er, að þá er það fyrir einhver mistök
einhvers."
— Er um að kenna agaleysi, ógætni eða ónákvæmni?
„Ég er ekki það kunnugur þessu atviki að ég geti sagt hvað
olli því, það liggur heldur ekki á lausu ennþá. Nefndin sem er
að vinna í málinu kemur til með að skila sínu áliti og þá kemur
það vonandi í Ijós hvað olli þessu."
— En af hverju hefur flugmálastjóri kvatt rannsóknar-
lögregluna til að fylgjast með rannsókn mála? Hefur
viðkomandi vakt í flugstjórnarmiðstöðinni brotið eitt-
hvað af sér?
„Að okkar áliti ekki. En hann verður náttúrulega að velja sínar
starfsaðferðir."
— Nú er ekki bara svo að allt of stutt hafi verið á milli
vélanna og þær hafðar í sömu hæð heldur er mikill mis-
munur á milli framburðar flugmanna sem flugu þess-
um þotum og flugumferðarstjóranna. Þeir fyrri segja
að það hafi verið 200 fet á milli en flugumferðarstjórarn-
ir 12 mílur.
„Mér er ekki kunnugt um að nokkur flugumferðarstjóri hafi
sagt eitthvað opinberlega um fjarlægðina þarna á milli. Hitt er
annað mál að flugmálastjóri telur það eftir fyrstu rannsókn á
einhverjum skeytasendingum þarna á milli. Það er nú svolítið
erfitt, þegar vélar mætast með 800 mílna hraða, að segja ná-
kvæmlega fyrir um það hvort það eru 100 fet, 200 eða 500 fet
þarna á milli, þannig að ég skal ekkert segja hvað rétt er í þessu
máli."
— Hafa langvarandi deilur ykkar og flugmáiastjóra
eitthvað að segja varðandi þetta atvik?
„Það er engin frumorsök. Hitt er annað mál að ég fer ekkert
í launkofa með það að á vinnustað er æskilegt að starfsandi sé
góður og það verður að segjast eins og er að I flugstjórnarmið-
stöðinni hefur hann ekki verið það undanfarna mánuði."
— Verða þeir flugumferðarstjórar sem þarna eiga
hlut að máli gerðir ábyrgðir og þeir reknir úr starfi?
„Nú skal ég ekki segja. Ég held að það gerist ekkert í þessu
máli fyrr en búið er að rannsaka. Ég heyrði í fréttum í dag (mið-
vikudag) að ekkert hefði komið fram sem segði að um sakhæft
atriði væri að ræða.
— Hver er réttarstaða flugumferðarstjóra þegar
svona lagað kemur upp?
„Það hefur ekki komið til dómstóla hér neitt svona mál. En
það hefur gerst erlendis að flugumferðarstjóri hefur verið gerð-
ur ábyrgur og fengið dóm. Síðar þegar málið var tekið upp aft-
ur kom í Ijós að fleira hafði spilað inn í og var maðurinn sýkn-
aður í kjölfar þeirra upplýsinga. Ég man hins vegar ekki í svip
að svona mál hafi komið upp í nágrannalöndum okkar.
— Nú hefur einn flugumferðarstjóranna verið tekinn
af vöktum vegna þessa máls!
Já, svo sagði Morgunblaðið, en ég grennslaðist fyrir um það
hjá yfirflugumferðarstjóra og hann sagði mér að svo væri ekki."
— Maðurinn situr þá ennþá vaktir?
„Já, eftir því sem ég best veit."
Það lá við stórslysi yfir Égilstöðum á mánudag þegar DC-8 þota frá SAS
með 186 farþega innanborðs og Júmbóþota frá British Airways með
375 farþega heilsuðust yfir Austfjörðum. Talið er að þarna hefði stærsta
flugslys sögunnar næstum því gerst. Farþegar og áhöfn í vélunum voru
aðeins nokkur hundruð fet frá tortímingu. Flugmálastjóri fékk ekki að
vita um málið fyrr en tveimur tlmum síðar, og íslenska þjóðin ekki fyrr
en á miðvikudag. Rannsóknarnefnd flugslysa og rannsóknarlögreglan
rannsaka nú málið.
HELGARPÓSTURINN 3