Helgarpósturinn - 05.06.1986, Blaðsíða 16

össur Skarphéðinsson.
Bryndís Schram.
Ásgeir Arngrímsson.
Júlíus Sólnes.
Valdimar Þorsteinsson.
Áshildur Jónsdóttir.
Bœjar- og sveitarstjórnarkosningarnar fóru fram um síðustu helgi meö þátttöku töluvert fœrri kjósenda en oftast áður. Helstu árslit kosninganna eru á þá leið að A-flokkarn-
ir unnu á, ogþó einkum Alþýðuflokkurinn, á meðan ríkisstjórnarflokkarnir töpuðu, þar af Sjálfstæðisflokkurinn tveimur sterkum meirihlutavígum, Vestmannaeyjakaupstað
og Njarðvíkurbœ. Á meðan náði Alþýðuflokkurinn hreinum meirihluta í Keflavík og vann stórsigur í Hafnarfirði þar sem flokkurinn stóð uppi með fimm fulltráa í stað
tveggja áður og þurrkaði þar með framboð Oháðra út, en þeir höfðu þar tvo fyrir. Samanlagt fjölgaði krötum um átján í bœjarstjórnum víösvegar um land, en allaböllum
um sex, mest á Hásavík, þar sem þeir höfðu einn en fengu þrjá. Hér á eftir fylgja viðtöl sem Helgarpósturinn átti við nokkra þá frambjóðendur sem fyrir helgi þóttust vera
íöruggum sœtum eða var spáð að nœðu inn með herkjum, en stóðu svo frammi fyrir öðrum staðreyndum að morgni sunnudagsins. Þetta eru nokkrir ósigurvegarar kosning-
anna.. .
OSIGURVEGARAR
KOSNINGANNA
ÖSSUR SKARPHÉÐINSSON,
4. MAÐUR ÁG-LISTA í
REYKJAVÍK:
„TAPAÐI LÍKA
RODDINNI"
„Ég vœri hressari hefði ég komist
inn," sagði Össur Skarphéðinsson,
fjórði maður Alþýðubandalagsins í
Reykjavík. „Það var annars búið að
vera Ijóst nokkuð lengi að litlar lík-
ur vœru á því að ég kœmist inn. Eg
hefði viljað sjá okkur með 1—2%
meira fylgi en við fengum.
Þetta var erfið kosningabarátta og
mikil vinna. Ég hafði þó það útúr
henni að ég tapaði fimm kílóum. Ég
tapaði líka röddinni á stöðugum
vinnustaðafundum og erli en hún er
að koma aftur. En einsog ég sagði þá
bjóst ég við 21—22% fylgi. Hinsveg-
ar er ég ánægður með að við bætt-
um við okkur í Reykjavík og erum
með næsthæsta hlutfall sem Al-
þýðubandalagið hefur fengið. Við
virðumst vera í sókn alls staðar á
landinu. Það sem ég er aftur á móti
enn ánægðari með er að það virðist
vera lokið ákveðnu tímabili, frjáls-
hyggjan er ekki lengur í sókn. Nú
held ég að við taki ákveðið pólitískt
tómarúm. í kjölfar slíks átands er
möguleiki á nýjum hlutum. Félags-
hyggjuflokkarnir geta notað sér
þetta tómarúm, sem mun vara í
nokkra mánuði, til að móta nýjan
valkost. Ef félagshyggjuöflin ná að
setja fram mótaðan valkost, sem
þau geta átt samleið um, getum við
átt von á breytingum í hinu pólitíska
landslagi á næstu tveimur árum,“
sagði Össur að lokum.
BRYNDÍS SCHRAM, 2. MAÐUR Á
A-LISTA I REYKJAVÍK:
„EKKI HÆTT í
POLITIK"
,,Eg bjóst nú aldrei við því að fara
inn," sagði Bryndís Schram, önnur á
lista Alþýðuflokksins í Reykjavík.
,,Eg hugsaði það aldrei til enda
hvað ég hefði gert hefði ég farið inn.
Það var fœkkað fulltrúum í borgar-
stjórn úr 21 í 15 og þó að v'ð fklivx
fylgi okkar um 20% þá var ailrjf
mjög ólíklegt að við nœðum tveim-
ur inn. Hefðum við ekki aukið fylgið
um 20% frá síðustu kosningum
hefðum við misst þennan eina
mann út.
Framsóknarmenn tala um varnar-
sigur í Reykjavík en um mig er sagt
að ég hafi fallið. En ég var aldrei í
neinni stöðu til að falla úr. Ég fór í
þetta með því hugarfari að halda í
það sama og við höfðum. Síðan
bættum við fylgið um 20% og ég er
ánægð með þá útkomu. Hvers-
vegna í ósköpunum áttum við að
gera ráð fyrir því að fá tvo menn inn
þegar allir töpuðu mönnum af því
að borgarfulltrúum var fækkað um
sex? Ég var aldrei trúuð á það að ég
færi inn, ég sagði alltaf að mér
nægði að koma Bjarna P. Magnús-
syni inn og bæta við fylgið. Enda sá
ég fram á það að sitja í borgarstjórn
í algjörum minnihluta. Það á ekki
við mína skapgerð. Ég vil frekar fara
út í eitthvað annað. Vinna á öðrum
grundvelli. Ég var í kosningabarátt-
unni með tvö mál á oddinum sem ég
mun vinna að áfram en þau voru
húsnæðislausn bæði fyrir unga og
aldraða. Ég sé það núna á stefnu-
skránni sem búið er að birta fyrir
næstu fjögur ár að ekki er minnst á
þessi mál. Þannig að ég held að það
verði að berjast fyrir þessu á öðrum
vettvangi og ég er alveg til í slaginn
með það. Mig langar til þess.“
— Ætlarðu þá að halda áfram í
pólitík?
,,Ég hugsa það. Mér fannst mjög
gaman að vera í svona miklu návígi
við fólk. Ég fór á marga vinnustaða-
fundi. Mér finnst dálítið endasleppt
að vera allt í einu hætt að tala við
fólkið og vera bara komin heim í
eldhús," sagði Bryndís að lokum.
ÁSGEIR ARNGRÍMSSON,
3. MAÐUR Á B-LISTA Á
AKUREYRI:
„FALL ER FARAR-
HEILL"
,,Ég verð að viðurkenna það að ég
er vonsvikinn," sagði Ásgeir Arn-
grímsson, þriðji maður á lista Fram-
sóknarflokksins á Akureyri. ,,En
það þýðir ekkert annað en að taka
sig á og berjast. Þetta er nú í fyrsta
skipti sem ég tek þátt í svona slag en
mér fannst frekar dauft yfir kosn-
ingabaráttunni hjá okkur fram-
sóknarmönnum. Eg hefgrun um að
menn hafi talið sig örugga með þrjá
menn; ég var þó alls ekki öruggur.
Ef til vill var ekki unnið nógu vel
í kosningabaráttunni vegna þess að
menn töldu þriðja sætið öruggt. Það
kom inn núna gífurlegur fjöldi nýrra
kjósenda og mig grunar að Fram-
sóknarflokkurinn eigi ekki mjög
stóran hJuta þar. En á hitt ber líka að
líta að Sjálfstæðismenn töldu sig
eiga 80% af þessu nýja fylgi en þeir
virðast ekki hafa náð verulegum
árangri þar.
Það styður þetta líka að við höf-
um fengið hringingar frá fólki sem
studdi aðra en okkur af þeirri
ástæðu einni að viðkomandi töldu
okkur örugga með þrjá inn. Það
finnst mér dálítið fáránlegt. En þetta
þýðir náttúrulega að við verðum að
endurskoða okkar mál. Við verðum
að átta okkur á hlutunum, því það
er ljóst að margir samverkandi
þættir eru ástæðan fyrir fylgistapi
okkar. Það er engin ein ástæða sem
hægt er að hengja hatt sinn á. Hins-
vegar er sveiflan yfir til Alþýðu-
flokksins ekki bara bundin við
Akureyri, hún virðist vera víðar um
landið. Ég tel að við verðum að gera
einhverjar breytingar til þess að ná
til fólks, og þá sérstaklega ungs
fólks. Fylgjendur Framsóknar-
flokksins virðast samkvæmt skoð-
anakönnunum vera frekar eldra
fólk, — hvort það er vegna þess að
fólkþroskastmeð aldrinum eða cif öðr-
um ástæðum skal ég ekki segja um.
Niðurstaðan er sú að þetta er veru-
legt áfall fyrir okkur en við verðu'm
bara að segja að fall sé fararheill,"
sagði Ásgeir.
VALDIMAR ÞORSTEINSSON,
4. MAÐUR Á D-LISTA Á SELFOSSI:
„MJÖG MIKILL
ÓSIGUR"
„Þetta er mjög mikill ósigur fyrir
Sjálfstœðisflokkinn," sagði Vald-
imar Þorsteinsson, fjóröi maður á
lista Sjálfstœðisflokksins á Selfossi.
„Ósigurinn stafar eftil vill af því að
það er allt nýtt fólk sem fer á lista
hjá okkur. Við vorum einnig í meiri-
hluta áður og það er alltaf við
ramman reip að draga þegar þann-
ig stendur á. Samt sem áður erum
við ekkert ósáttir við úrslitin, þannig
séð. Þetta var svona víða um land."
— Telurðu að ósigurinn hafi
nokkuð með Þorstein Pálsson að
gera?
,,Nei, alls ekki. Við rekum í sveit-
arstjórnarkosningum allt aðra póli-
tík en landsmálapólitík. Annars er-
um við hvergi bangnir. Alls ekki.
Við teljum okkur hafa ótal mögu-
leika ennþá.
Úrslitin sýna að Sjálfstæðisflokk-
urinn vinnur á þar sem hann var í
minnihluta en tapar líkt og hér á
Selfossi þar sem hann var í meiri-
hluta eða meirihlutasamstarfi.
Meirihlutarnir falla. Og einhver
áhrif hefur landsmálapólitíkin einn-
ig haft,“ sagði Valdimar.
JÚLÍUS SÓLNES, 5. MAÐUR Á
D-LISTA Á SELTJARNARNESI:
„OKKUR SJÁLFUM AÐ
KENNA"
„Það að við höfum tapað manni
er bara okkur sjálfum að kenna,"
sagði Júlíus Sólnes, fimmti maður á
lista Sjálfstceðisflokksins á Seltjarn-
arnesi. „Við vorum alltof öruggir
með okkur og alls ekki nógu dugleg-
ir. Það munaöi tveimur atkvœðum,
einsog frcegt er orðið, og reyndar lá
það mér nœst að finna þessi tvö at-
kvœði því ég vissi um fleiri en einn
og fleiri en tvo, sem síðan kusu ekki.
Eg haföi bara ekki dugnað í mér til
að gera neitt í því.
Við höfum nú ekki miklar
áhyggjur af þessu. Það sem stendur
eftir er að við erum eftir sem áður
með langhæsta hlutfall greiddra
atkvæða af öllum stöðum á landinu
hvað Sjálfstæðisflokkinn varðar. Við
höldum þar með mjög öruggum og
traustum meirihluta hér eftir sem
áður. Og það er í sjálfu sér aðalatrið-
ið finnst mér.“
— En er ekki alltaf slœmt að tapa
manni?
„Jú, það má segja það. En við er-
um eftir sem áður með fjóra menn
af sjö í bæjarstjórninni og höfum þar
með öruggan meirihluta. Ég held
áfram störfum í nefndum fyrir bæ-
inn þannig að ég er nú ekki alveg
glataður í þessu starfi. Annars held
ég að allir séu nú tiltölulega sáttir
við þetta eftir atvikum. Menn líta
frekar á þetta sem hvatningu um að
láta ekki deigan síga fyrir næstu
kosningar.
Við förum annars ekki að leita
mikilla skýringa á þessu, til þess eru
þær alltof augljósar," sagði Júlíus að
lokum.
ÁSHILDUR JÓNSDÓTTIR,
1. MAÐUR Á M-LISTA í
REYKJAVÍK:
„VIÐ GRÁTUM
EKKERT"
Nú, ég er bara tiltölulega ánœgð,"
sagði Ashildur Jónsdóttir, efsti mað-
ur á lista Flokks mannsins í Reykja-
vík. „Éger ánœgð vegna þess að þó
við höfðum ekki náð inn manni þá
náðum við því takmarki að verða til
sem flokkur. Það er ákveðið skreftil
þess að geta haldið áfram.
Við getum líka verið ánægð
vegna þess að við höfum komið það
mikilli umræðu af stað í sambandi
við ýmis mál. Ég hef líka heyrt utan
að frá, að við höfum kannski fengið
hina flokkana til þess að tala meira
um aðalatriðin í stað þessa venju-
lega karps.
En við erum frekar ánægð með
þetta en hitt. Við grátum ekkert. Við
erum að sjálfsögðu öll mjög óvön að
standa í kosningabaráttu en nú
stöndum við betur að vígi fyrir
næstu kosningar. Þannig að á heild-
ina litið þá höfum við náð okkar tak-
marki,“ sagði Áshildur.
eftir G. Pétur Matthíasson myndir Jim Smart o.fl.i
16 HELGARPÓSTURINN