Helgarpósturinn - 05.06.1986, Blaðsíða 35

'ii'Wi
Nokkur húsa BSFK við Álfatún: Glæsileg og vönduð hús, en í upphaflegri áætlun um
byggingarkostnað var miðað við ódýrar framkvæmdanefndaríbúðir í Breiðholti. Enda
fóru allar áætlanir úr skorðum og bakreikningar bárust. Húsbyggjendur hættu að borga
og upp hafa hlaðist 2,6 milljóna króna vanskil.
Eftir lartguarandi deilur innan
Byggingarsamvinnufélags Kópa-
vogs var á félagsfundi síðast lidið
mánudagskvöld samþykkt van-
traust á stjórn félagsins og ný stjórn
kjörin. Skrifstofu félagsins hefur
verið lokað á meðan gagnger end-
urskoðun fer fram á bókhaldi og
fjárhagsstöðu félagsins. Fjölrnargir
húsbyggjendur innan félagsins
höfðu hœtt greiðslum í allt að ár og
skuldir og vanskil hlaðist upp svo
milljónum króna nemur.
Deilurnar innan BSF Kópavogs
hafa staðið yfir um nœr tveggja ára
skeið. Einkum ríkir megn óánœgja
meðal húsbyggjenda við Alfatún og.
f Sœbólsbraut í Kópavogi. Hart hefur
verið deilt á stjórnendur félagsins
vegna brostinna fjárhagsáœtlana
og óeðlilegs hlutfalls stjórnunar-
kostnaðar.
í Morgunblaðinu 17. mars á síð-
asta ári var rætt við ónafngreindan
húsbyggjanda við Álfatún og sagðist
honum svo frá:
„í tvö ár höfum við greitt mánað-
arlega 20 til 30 þúsund krónur og
átti þeim greiðslum að Ijúka um síð-
ustu áramót. Við höfðum því lengi
beðið eftir þessum tímamótum að
vera laus við þessar greiðslur. Þá
gerist það, að okkur er tilkynnt áð
náestu 22 mánuði verðum við að
greiða áfram 30 þúsund krónur á
mánuði. Skýringarnar sem við feng-
um voru þær, að fyrrverandi fram-
kvæmdastjóri félagsins, sem hætti á
síðasta ári, hafi ekki haft nægilega
yfirsýn yfir bókhaldið og greiðslur
okkar áður hefðu verið of lágar.
Verðið á íbúðinni er auðvitað orðið
langt umfram það sem upphaflega
var talað um og raunar höfum við
aldrei fengið skýr svör um hvert
endanlegt verð yrði.“
Skekkja í kostnaðar-
áætlun
Þessi tilgreindi, fyrrverandi fram-
Húsbyggjendur f BSFK við Sæbólsbraut hættu að greiða sína „bakreikninga" og þar
hafa hlaðist upp 5 milljóna króna vanskil.
Skrifstofur BSFK við Hamraborg (Kópavogi eru nú lokaðar „vegna skipulagsbreytinga"
eins og símsvarinn orðar það. Skrifstofunni var lokað til að minnsta kosti 9. júní á meðan
ný stjórn áttar sig á hlutunum...
kvæmdastjóri BSF Kópavogs var
Ragnar Snorri Magnússon, sem nú
rekur bókhaldsstofu í Kópavogi. Að
minnsta kosti tók hann þetta til sín
og ritaði fáeinum dögum síðar at-
hugasemdir í sama blað og greindi
frá því að hann hefði verið varaður
við af byggjendum við Álfatún að í
gangi væri rógsherferð gegn hon-
um af hendi formanns félagsins og
jafnvel hluta starfsmanna þess. Seg-
ir Ragnar Snorri að hann haf i sem
framkvæmdastjóri lagt fram sumar-
ið 1984 nýja greiðsluáætlun, sem
hafi byggst á þrennu: bókhaldi fé-
lagsins, sem löggiltur endurskoð-
andi hefði þá þegar farið yfir, áætl-
unum fastráðinna meistara félags-
ins og á upplýsingum starfandi
tæknifræðings félagsins, sem hafði
á sinni hendi öll viðskipti við verk-
taka og efnissala. „Þessar upplýs-
ingar tel ég þær veikustu í áætlun-
inni, af ástæðum sem ég tel ekki
þjóna neinum tilgangi að greina frá
hér.“
Fram hafði komið skekkja í kostn-
aðaráætlun félagsins upp á 12—14
milljónir króna, sem samsvarar
18—20 milljónum á núvirði.
Starfandi tæknifræðingur félags-
ins var Porgrímur Stefánsson, en
Kristján Kristjánsson tæknifræðing-
ur hefur verið formaður félagsins —
þar til á mánudagskvöldið að sam-
þykkt var vantraust á stjórnina.
Kristján starfar að öðru leyti við ráð-
gjafarfyrirtækið Ráðgarð við Nóa-
tún.
„Fjármálin í óefni"
En hvers vegna var þetta van-
traust samþykkt? Talsmaður þeirrar
stjórnar sem tók við í vikunni er
Magnús M. Norðdahl lögmaður.
„Það er búið að standa yfir mikið
rifrildi síðustu mánuðina og fjármál
félagsins komin í óefni. Stór hópur
húsbyggjenda hefur haldið eftir
greiðslum og safnast hafa upp mikl-
ar skuldir og vanskil af þeim sökum.
Hallarbylting í
Byggingarsamvinnufélagi
Kópavogs:
SnÓRNINM
VIKIÐ FRÁ
Milljóna króna bakreikningar vegna mistaka við
áætlanagerð. Stjórnunarkostnaður tvöfalt til
þrefalt hærri en eðlilegt er talið. Stjórnarformað-
urinn var með 100 þúsund króna stjórnunarlaun
á mánuði en er í fullu starfi annars staðar.
Mér reiknast lauslega til að hús-
byggjendur við Sæbólsbraut hafi
haldið eftir um 5 milljónum króna
og húsbyggjendur við Álfatún um
2,6 milljónum. Það hefur komið
fram mikil gagnrýni á áætlanagerð
og stjórnunarkostnað félagsins. Sér-
stakur endurskoðandi á vegum Hús-
næðisstofnunar var fenginn í bók-
haldið og hann fann ekki neitt sem
benti til óeðlilegra færslna, enda
erum við ekki á höttunum eftir
neinum glæp. En það eru skiptar
skoðanir um ákveðnar skattalegar
verðbreytingafærslur, sem óvíst er
hvaða fjárhagslega þýðingu hafa.“
Magnús sagði að það lægi á borð-
inu að stjórnunarkostnaður væri
hár, og þá einkum launakostnaður.
Nefndi hann að húsbyggjendur
hefðu t.d. verið óánægðir með
þóknun stjórnarformannsins, Krist-
jáns Kristjánssonar, sem hefði feng-
ið yfir 1100 þúsund krónur á síðasta
ári, að vísu að hluta til sem launaður
starfsmaður félagsins, enda virðist
löglega kjörin stjórn hafa lagt bless-
un sína yfir þá reikninga.
Vitlaust mat
En hvers vegna kom fram þessi
mikla skekkja í kostnaðaráætlun-
inni? Hvernig stóð á þessum óvæntu
bakreikningum?
„Það er rétt að það áttu sér stað
áveðin mistök, þannig að áætlunin
frá 1982 riðlaðist. Mistökin snerust
um það að frá upphafi var miðað við
byggingarkostnað út frá ódýrum
framkvæmdanefndaríbúðum í
Breiðholti, en nær hefði verið að
miða við raðhúsaíbúðir, enda um
vandaðar og stórar íbúðir að ræða.
Þessu fylgdi síðan sá vandi að bygg-
ingarkostnaður var verulega van-
áætlaður og vanskilin tóku að hlað-
ast upp. Húsnæðisstofnun hefur
kveðið upp þann úrskurð að bygg-
ingarkostnaðurinn sé ekki óeðliíega
hár, en eftir stendur að hann er tals-
vert hærri en upphaflega var geng-
ið út frá. Nú stöndum við í hinni nýju
stjórn frammi fyrir því verkefni að
greiða úr stórum hlaða af skuldum
og við ætlum okkur að endurvinna
traust byggjendanna, því svo var
komið að húsbyggjendur og stjórn
gátu ekki talast við lengur,“ sagði
Magnús.
„Þetta eru glæframenn"
Magnús ítrekaði að ekki stæði yfir
nein glæpaleit í þessu máli og sagði
aðspurður að síður en svo stæði fyr-
ir dyrum málshöfðun. Húsbyggj-
andi einn við Álfatún, sem Helgar-
pósturinn ræddi við, var þó öllu
ómyrkari í máli í garð fráfarandi
stjórnar:
„Við tókum af þessum mönnum
öll völd, enda eru þetta glæfra-
menn. Það ber allur ferillinn ljósan
vott um, framkvæmdirnar og með-
ferðin á fólkinu. Ég lít svo á að ólög-
legar upphæðir hafi runnið í vasa
þessara manna með alls konar spill-
ingu, það hafa verið greiddar upp-
hæðir langt umfram allt velsæmi.
Ég vil sérstaklega nefna í þessu sam-
bandi stjórnarformanninn, sem tók
til sín 1100 þúsund krónur í stjórn-
unarlaun. Að auki hefur allt brugð-
ist sem áætlað var og greiðslur langt
frá því sem ráð var fyrir gert,“ sagði
viðmælandinn, sem ekki vildi láta
nafns síns getið.
Samkvæmt heimildum Helgar-
póstsins hefur stjórnunarkostnaður-
inn margnefndi verið sem nemur
7—10% af byggingarkostnaði en
eðlilegt hlutfall stjórnunarkostnað-
ar er talið vera 3—4%.
Helgarpósturinn reyndi í gær að ná
tali af Kristjáni Kristjánssyni,
tæknifræðingi og fráfarandi stjórn-
arformanni BSF Kópavogs, en ár-
angurslaust, þrátt fyrir að hann
hafi ítrekað fengið skilaboð.
eftir Friðrik Þór Guðmundsson mynd Jim Smartl
HELGARPÓSTURINN 35