Helgarpósturinn - 17.03.1988, Side 24
UM HELGINA
BÍÓ
Stjörnugjöf:
O farðu ekki ★ sæmileg ★★ góð ★★★ ágæt ★★★★!
Regnboginn Síðasti keisarinn (The Last Emperor) ★★★★ Morð í myrkri (Mord i mprke) ★★★ Örlagadans (Slam Dance) ★★ Vítiskvalir (Hellraiser) ★★
Háskólabíó Hættuleg kynni (Fatal Attraction) ★★★
Bíóhöllin Spaceball ★★★
Bíóborgin Nuts ★★ Wall Street ★★
Stjörnubíó Roxanne ★★★
Laugarásbíó Dragnet ★★
Viö skulum byrja á sjónvarpinu og
þá Stöð tvö. í kvöld sýna þeir Bjarg-
vættinn sem stendur í því aö bjarga
sem flestum úr vandræöum. Eftir
það fáum viö svo aö sjá þáttinn Bítla
03 blómabörn og er hann kl. 21.20.
Þetta er lokaþáttur. Á föstudaginn
byrjar svo nýr breskur þáttur um
ekkju og leigjendur hennar, nefnist
hann All at No 20. Á laugardaginn
byrjar barnaefniö eldsnemma aö
venju meö Afa og fleiri góðum
barnamyndum. í níubíói á Stöð tvö
er svo myndin Nílargimsteinninn
og með aðalhlutverkiö fer enginn
annar en Michael Douglas. Hinir
vammlausu veröa á sínum stað kl.
23.00 á sunnudagskvöldiö og eftir
þann spennandi leynilögregluþátt er
sorgleg bíómynd svo aö maöur geti
nú örugglega sofnaö þaö kvöldiö.
Og þá er þaö gamla góöa gufu-
stöðin. Eftir fréttir og veður í kvöld
sýnir hún East-Enders sem er um
létta breska fjölskyldu og fáum við
að sjá allra handa raunir þeirra. Kast-
Ijós er svo á sínum staö kl. 20.50 og
strax á eftir er finnsk heimildamynd
sem greinir frá tilraunum banda-
rískra vísindamanna með geimvopn.
Mjög áhrifamikiö. Á föstudaginn er
svo gamli góði Derrick, sú þýska
leynilögga. Og á eftir er stórbrotin
spennumynd sem var gerö eftir
samnefndri sígildri kvikmynd frá
1925 og nefnist Phantom of the
Opera. Sjónvarpiö byrjar bara
snemma, aldrei þessu vant, á laugar-
dag, með ávarpi menntamalaráð-
herra og útvarpsstjóra. Þá er þar
eitthvaö fyrir feita fólkið því kl. 18.15
byrjar þátturinn í fínu formi og er
þetta lokaþáttur. Lottóið og Fyrir-
myndarfaðir eru á sínum staö, en á
eftir koma öll þessi stórskemmtilegu
söngvakeppnilög, en aö þessu sinni
eru þau öll sýnd í einu. Bíómyndin er
svo heimsfræg, en hún heitir Arabíu-
Lawrence. Á sunnudaginn er vert að
minnast þess að það er byrjaö að
sýna Crazy Like a Fox eöa Fífldjarfa
feðga aftur, svo er þessi venjulegi
spurningaþáttur og að þessu sinni
keppa Arnesingar og (sfirðingar.
Dagskránni lýkur með hinum stór-
skemmtilegu útvarpsfréttum í dag-
skrártok.
Nú ef menn vilja frekar sleppa því
að horfa á sjónvarpiö og setjast niö-
ur og hlusta á útvarp þá er alveg til-
valið að hlusta á rás eitt því á laug-
ardaginn er þátturinn Stúdíó 11.
Hann er um nýlegar hljóðritanir hjá
útvarpinu og verður svo spjallað við
þá listamenn sem eiga hlut að máli.
Þá verður spilaö á fiölu og píanó, en
þaö gera David Trutt og Hlíf Sigur-
jónsdóttir. Annað sem nefna má af
helgardagskrá útvarpsins er þáttur-
inn Aðföng þar sem kynnt verður
nýtt efni í hljómplötu- og hljóm-
diskasafni útvarpsins. Umsjónar-
maður þáttarins er Mette Fane.
Seinna um kvöldið er svo útvarps-
sagan Þrítugasta kynslóðin eftir
Guömund Kamban. Nú og þeir sem
hafa ekki áhuga á þessu menningar-
tali geta svo alltaf stillt yfir á hinar
rásinar sem eru meö popptónlist all-
an sólarhringinn, unglingunum til
mikillar ánægju. En samt ber að
nefna útvarp Rót sem er ekki ein-
göngu meö tónlist heldur viðtals-
þætti, barnaþætti, sögulestur o.fl.
Og þeir sem vilja hvorki hlusta á
útvarp né horfa á sjónvarp geta alltaf
fariö á menningarlega tónleika. T.d.
eru tvennir tónleikar með Karlakór
Reykjavíkur þann 1B og 19. í Lang-
holtskirkju. (slenska óperan sýnirsvo
Litla sótarann og Don Giovanni eft-
ir Mozart, þann 19. og 20. í kvöld
veröur Sinfóníuhljómsveit fslands
meö tónleika í Háskólabíói kl. 20.30.
Þar leikur Sigrún Eðvaldsdóttir ein-
leik á fiðlu, en hún er reyndar í stuttu
viðtali hér í Listapóstinum. Tvennir
nemendatónleikar verða um helg-
ina, aðrir verða í Háskólabíói og eru-
það strengjasveit og lúðrasveit Tón-
menntaskólans í Reykjavík og byrja
þeir kl. 2 e.h. á laugardaginn. Hinir
eru svo aftur á móti í Menningar-
miöstöðinni við Geröuberg en þar
spilar fólk úr Tónskóla Sigursveins á
gítar. Og því miður eru þessir tón-
leikar á sama tíma og hinir. En Tón-
skóli Sigursveins er með fleiri tón-
leika því strax á eftir eru tónleikar
framhaldsnemenda gítardeilda. Á
sunnudaginn 20. verða svo aðrir
nemendatónleikar, að þessu sinni í
Neskirkju kl 16.00.
Og þá er það myndlistin. Guð-
bergur Auðunsson heldur sína 10.
einkasýningu í Gallerí Grjóti þann
11.—27. mars. Á sýningunni er hægt
að sjá ný og eldri verk og verða þau
öil til sölu. Sýningin verður opin frá
kl. 12—18 virka daga en 14—18 um
helgar. Á morgun opnar Halldóra
Thoroddsen myndlistarsýningu í
FÍM-salnum. Á sýningunni eru text-
ílverk unnin með blandaöri tækni.
Sýningin er opin daglega frá kl.
14—18 og stendur í hálfan mánuð.
Helgi Sigurðsson sýnir blýantsteikn-
ingar á þeim gróna stað Mokka-
kaffi. Sýningin stendur fram að
páskum og er opin á kaffihúsatíma.
Leiklistin fær sitt pláss líka og við
skulum bara vinda okkur í hana.
Þjóðleikhúsið er ennþá með Vesal-
ingana og haldast þær sýningar
óbreyttar fram í maí. En í kvöld verð-
ur frumsýnt nýtt leikrit sem ber
nafnið Hugarburður eöa A Lie of the
Mind eftir Sam Shepard og hlaut
það verðlaun gagnrýnenda New
York-borgar sem besta leikrit ársins
1986. Ofsafengið og gáskafullt lýsir
verkiö ást og hatri foreldra og barna,
eiginmanna og eiginkvenna. Örlaga-
saga tveggja fjölskyldna tvinnast
saman viö hamslausa ástarsögu.
Gisli Alfreðsson leikstýrir Hugar-
burði. Verkinu eru gerð töluverð skil
í HP þessa vikuna.
Á Litla sviðinu er verið að sýna
Bílaverkstæði Badda og veröur 80.
sýning á því verki á sunnudaginn.
Snúum okkur þá að litlu leikhús-
unum sem sýna mörg og góð verk
ekki síður en hin stærri. Fyrst er það
Ás-leikhúsið sem sýnir leikritið
Farðu ekki og verða sýningar á því
sunnudaginn og mánudaginn kl.
20.30. Rétt er að geta þess að þetta
eru tvær síðustu sýningar. Og eins er
það hjá Alþýðuleikhúsinu, síöustu
sýningar á verkunum Eins konar
Alaska og Kveðjuskál. Sýningar á
þeim byrja kl. 20.30 á morgun og svo
önnur sýning kl. 16.00 á sunnudag.
Frú Emilía sýnir Kontrabassann í
kvöld kl. 21.00 og á morgun á sama
tíma á Laugavegi 55b, en á laugar-
daginn ersíödegissýning kl. 16.00 og
á sunnudaginn kl. 21.00.
Á sunnudaginn klukkan 16.00
frumsýnir Gránufjelagið leikrit írska
nóbelsverðlaunaskáldsins Samuels
Beckett, Endatafl. Þar er á ferð mikill
fengur fyrir leikhúsunnendur. Leik-
stjóri er Kári Halldór og fer hann
þess utan með eitt stærsta hlutverk
leiksins. „Fullkomnað, það er full-
komnað, næstum fullkomnað, hlýtur
að vera næstum fullkomnað," eru
upphafsorð Endatafls. Næstu sýn-
ingar þess verða á mánudagskvöld
og miðvikudagskvöld klukkan 21.00.
Sýningar verða í bakhúsi á Lauga-
vegi 32.
Leikklúbburinn Saga, sem er elsti
starfandi unglingaleikhópur á land-
inu, frumsýnir í kvöld klukkan 20.30
leikritið Grænjaxla eftir Pétur Gunn-
arsson og fleiri í Dynheimum, æsku-
lýðsmiðstöð unglinga á Akureyri.
Leikstjóri er Arnheiður Ingimundar-
dóttir.
Leikfólag Akureyrar sýnir stór-
virki Arthurs Miller Horft af brúnni á
föstudags-, laugardags- og sunnu-
dagskvöld klukkan 20.30.
Bítlavinafélagið heldur stórtón-
leika, eins og þeir sjálfir vilja kalla þá,
í Lækjartungli í kvöld klukkan 22.00.
Þetta er fyrsta samkoma félagsins á
árinu '88. Segjum þetta gott.
Kenny Drew, snjall píanisti, spilar á ársafmæli Heita pottsins í Duus-húsi.
Veisla fyrir djassara.
Kenny Drew
til Islands
— spilar á ársafmœli Heita pottsins
Helgina 19.-20. mars spilar
bandaríski píanóleikarinn Kenny
Drew í djassklúbbi Reykjavíkur,
Heita pottinum í Duus-húsi. Þetta er
í fyrsta sinn sem þessi heimskunni
djasspíanisti spilar hérlendis, en
hingaö kemur hann í tilefni afársaf-
mœli Heita pottsins.
Kenny Drew hóf klassískt píanó-
nám fimm ára gamail. Síðar komst
hann í kynni við djassinn og um
1950 bjó hann í New York þar sem
hann spilaði og hljóðritaði með m.a.
þeim Lester Young, Coleman
Hawkins, Sonny Rollins, Miles Davis
og Charlie Parker. Nokkru síðar
fluttist hann til vesturstrandar
Bandaríkjanna þar sem hann lék
aðallega með eigin tríói. Árið 1956
flutti hann til New York að nýju og
spilaði þá með John Coltrane,
Johnny Griffin, Art Blakey og
Charles Mingus auk annarra. Árið
1961 kom Kenny Drew til Evrópu,
bjó í París til 1964, en þá fluttist
hann til Kaupmannahafnar þar sem
hann hefur haft aðsetur síðan. Þar
hefur hann spilað og hljóðritað með
aragrúa manna í fremstu djassröð,
ekki síst með þeim Ben heitnum
Webster og Dexter Gordon sem
báðir bjuggu í Kaupmannahöfn í
lengri tíma. Þá hafa þeir Kenny
Drew og Niels-Henning 0rsted
Pedersen spilað mikið saman tveir
(sbr. vinsælar dúöplötur þeirra) og
einnig í tríói með belgtska gítarleik-
aranum Philip Catherine. Auk þess
að spila í ýmsum Evrópulöndum
ferðast Drew reglulega til Japans
þar sem hann nýtur mikillar hylli.
Á tónleikunum í Heitta pottinum
leika með Kenny Drew tveir íslensk-
ir hljóðfæraleikarar, Tómas R.
Einarsson kontrabassaleikari, sem
leikið hefur með ótalmörgum djass-
sveitum íslenskum og erlendum
gestum, og trommuleikarinn Birgir
Baldursson, sem trúlega er þekkt-
astur úr Svarthvítum draumi, en
hefur spilað lengi með Stórsveit
Kópavogs og ýmsum djasshljóm-
sveitum.
Heiti potturinn hóf starfsemi sína
22. mars á síðastliðnu ári. Þá hafði
djass lítið verið spilaður í Reykjavík
um nokkurt skeið og ekki fyrirsjá-
anlegt að breyting yrði þar á. En
hljóðfæraleikarar og áheyrendur
tóku framtakinu vel og í klúbbnum
hefur verið spilaður djass alla
sunnudaga og stundum hafa verið
tónleikar önnur kvöld vikunnar.
Samtals hafa verið haldnir meira en
60 tónleikar.á þessu fyrsta starfsári
Heita pottsins. Núverandi formaður
klúbbsins er Egill B. Hreinsson.
Tónleikarnir 19. og 20. mars hefj-
ast hvorir tveggja kl. 21.30 og er
vert að vekja athygli á forsölu miða
í Karnabæ, Austurstræti, því miða-
fjöldi er takmarkaður vegna hús-
rýmis.
24 HELGARPÓSTURINN