Morgunblaðið - 08.09.1991, Blaðsíða 5

M,QHGUym4»U): SUNNUDAGL-R-SKliTEMBKK M
C 5
í Árneshreppi kynda flestir upp með rekavið. Jón Jens Guðmunds-
son í Munaðarnesi er vanur að bjarga sér og sínum, enda bærinn
einangraður á vetrum.
Sigrún og Rakel, heimasætur í Árnesi II, fóstra hvíta æðarungá sem
þær segja sjaldgæfa fugla í æðarvai-pin'u. Afj þeirra, Benedikt Valgeirs-
son, segir börnin fara í burtu um fermingu í skóla og atvinnuleit.
Vonandi segja þessar stúlkur ekki skilið við Árneshreppinn þegar þær
eldast.
K0BEN
Drangabændur til Græn*
lands á þúsund ára fresti
Á DRÖNGUM hefur ekki verið
búið allt árið um kring frá því
á sjöunda áratugnum en síðustu
ábúendurnir hafa í raun aldrei
farið, hjarta þeirra slær á
Dröngum. Kristinn Jónsson og
Anna Jakobína Guðjónsdóttir
eru komin fast að áttræðu en á
hverju vori taka þau sig upp frá
heimili sínu i Bolungarvík og
setja sig niður í gamla húsinu á
Dröngum og dvelja þar
sumarlangt.
Þau hjónin halda reyndar heim-
ili á þremur stöðum; á
Dröngum, í Bolungarvík og
. á Seljanesi sem stendur á
samnefndu nesi milli Ófeigsflarðar
og Ingólfsfjarðar. Þangað flutti
fjölskyldan þegar hún brá búi á
Dröngum og enn eiga þau hjón þar
lögheimili þótt tveir áratugir séu
síðan þau höfðu þar vetursetu. Á
Dröngum var tíðum fjölmennt því
fjölskyldan var stór. Anna var
ekkja með fimm dætur þegar þau
Kristinn rugluðu saman reytum en
þau eignuðust níu börn; átta drengi
og eina dóttur. Það var því marga
munna að metta „en Drangar hafa
alltaf verið matarkista,“ segir
Kristinn og er þar að vísa til hlunn-
inda sem fylgja jörðinni, svo sem
æðarvarp, selveiði, rekaviður og
hrognkelsaveiði.
Jákvæðir átthagafjötrar
„Maður skiptir um ham hér á
hverju vori og lifir eins og indíáni
allt sumarið og fer svo í bað áður
en kennsla hefst á haustin,“ segir
Sveinn, sonur Kristins og Önnu,
þegar við hittum hann í Seljanesi.
„Það má kalla þetta
jákvæða átthaga-
íjötra sem draga
mann hingað," segir
Sveinn • en yfir
vetrartímann sinnir
hann kennslu á
Akranesi. Óskar
bróðir hans er þarna
líka að stússast en
þeir bræður eru að
búa sig undir það
að sækja foreldra
sína þar sem sumar-
vistinni á Dröngum
er lokið í þetta sinn.
Bræðurnir og fjöl-
skyldur þeirra eru á
Dröngum allt suma-
rið enda þarf að
sinna æðarvarpinu
vel til þess að það
dafni. Nú bíður
Drangabænda og
annarra æðarbænda
á Ströndum mikið
Anna Jakobína
uppbyggingarstarf því ungastofn-
inn í ár hvarf nánast með grútnum.
Hve mikið drapst af fullorðnum
fugli er hins vegar óljóst og ský-
rist ekki fyrr en næsta sumar.
Við siglum norður í Dranga í
ágætu veðri og þegar komið er
framhjá Drangaskörðunum blasir
tignarlegt Hombjargið við í norðri
og ekki er Geirólfsgnúpur síður til-
komumjkill en um hann liggja sýsl-
umörk ísafjarðar- og Strandasýslu.
Okkar bíður heitur kaffisopinn
þegar komið er í land og þeir eru
víst fáir sem fara hjá garði án
þess að vera drifnir í kaffi. Gesta-
bókin ber gestrisni þeirra hjóna
gott vitni. Þar gefur á að líta á
ýmsum tungumálum þakkir fyrir
góðan viðurgjörning ferðalúinna
og oft blautra göngugarpa.
Þeir Óskar og Sveinn fara strax
í það að ganga frá fyrir veturinn
og Kristinn hverfur með beijatínu
og tvær stórar fötur. Ég sit sem
fastast við eldhúsborðið hjá Önnu.
Það snarkar í gömlu eldavélinni og
Anna stingur við og við inn einum
viðarkubb til þess að halda á okkur
hita. „Hún er nú orðin léleg þessi
og ekki lengur hægt að baka í
henni brauð,“ segir Anna sem hef-
ur eytt ófáum stundunum við
bakstur og matarstúss við þessa
gömlu Vossherd sem einu sinni var
hvít og glæsileg með snúnar og
fagurlega gylltar fætur. Anna er
ekkert að draga dul á að lífið hafi
oft verið mikið basl og fátæktin í
næsta horni. Það er ekkert sæld-
arlíf að sjá um heimili fyrir sextán
og oft tuttugu manns fyrir daga
þvottavéla og annarra tækja sem
nú prýða hvert heimili. Ekki er þó
hægt að sjá nein veikieikamerki á
Önnu þegar hún klýfur kubbana í
eidinn með því að reka litla öxi á
kaf í viðinn og lemja kubbnum
hraustlega í gólfið. Mörgum jafn-
öldrum hennar myndi líka óa við
því að fara í tveggja tíma sjóferð
á trillu og sjólagið ekkert til að
hrópa húrra fyrir eins og þegar við
fórum frá Dröngum að Seljanesi.
Það er þeldur ekki að finna mik-
il ellimörk á Kristni hvorki í fasi
né hugsun þrátt fyrir að hann hafi
Kristinn á Dröngum.
lifað þúsund ára atvinnusögu á
einni mannsævi eins og hann komst
að orði. Sextán ára gamall réð
hann sig á útilegumannabát, eins
og þeir voru kallaðir bátarnir sem
lágu úti nánast alla vertíðina og
beitt var um borð og saltað. Mikið
strit og lítið frí.
„... fékk aldrei leið á lestri.“
Gæsirnar fljúga í oddaflugi og
það er farið að kula af hafi en það
er sem stóísk ró hvíli yfir staðnum
og íbúum hans. Það er ekki verið
að býsnast mikið yfir hiutunum en
þó fer ekki á milli mála að Dranga-
bóndinn hefur ákveðnar skoðanir
og er vel heima á flestum sviðum
þjóðlífsins. Bókin hefur líka alltaf
heillað hann „ég hef alltaf verið
haldinn helvítis forvitni og hnýsni,
sennilega vegna þess að ég fór
aldrei í skóla og fékk aldrei leið á
lestri. Ég hef tekið eftir því að
margt skólafólk er lítið forvitið um
hvers konar fróðleik.“ Fornritin eru
honum kær og erfitt að setja hann
á gat í íslendingasögunum.
Á Dröngum er talið að Eiríkur
rauði hafi fæðst og þótt Kristinn
sé ekki mikið gefinn fyrir ferðalög
drifu þau hjónin sig til Grænlands
á þúsund ára afmæli þess. Það
þótti við hæfi að Drangabændur
færu til Grænlands á þúsund ára
fresti.
Greinilegt er að gömlu hjónunum
finnst alltaf jafn erfitt að fara frá
Dröngum og það er ekki laust við
að kenna megi einhvern hausttrega
’ í loftinu. „Maður flosnar upp á
hverju hausti," segir Kristinn og
bætir því við að hann sé sennilega
mest uppflosnaðasti maður á Is-
landi. Leiðin liggur fyrst að Selja-
nesi þar sem þau dvelja fram eftir
september áður en haldið er til
Bolungarvíkur. Þar er ekki verið
að slappa af því Kristinn vinnur
ennþá hvern vetur við flökun og
beitingu og ekki eru nema tvö ár
síðan Anna hætti vinnu við rækj-
una en prjónarnir hafa ekki enn
verið lagðir á hilluna. í raun er
veturinn aðeins bið eftir sumri á
Dröngum.
LONDON
alla miðvikudaga
alla miðvikudaga
19.750 18.900
Fast verð án flugvallarskatta og forfallatryggingar
Til samanburðar:
Ódýrasta superpex kr. 33.750 Pú sparar kr. 14.000
Fast verð án flugvallarskatta og forfallatryggingar
Til samanburðar:
Ódýrasta superpex kr. 31.940 Pú sparar kr.. 13.040

FLUGFERÐIR
SOLRRFLUG
Vesturgata 12, Símar 620066, 22100 og 15331
NG SELJGM VIÐ
SÍDaSTU SÆTIN í
SIÐUSTq ÓDÝRU
LEIGUFLqG
SUMARSINS
11. SEPT. ,
18. SEPT. OG
25. SEPT.
Frjálst val um hótel og bílaleigur á
20 - 40% afsláttarverði.
Fjölbreytt ferðaþjónusta í London
og Kaupmannahöfn.
Framhaídsferðir með dönskum og
enskum ferðaskrifstofum,
sumarhús og flugferðir hvert sem
er um heimsbyggðina.
ALLT VERÐ ER STAÐGREIÐSLOVERÐ