Morgunblaðið - 08.09.1991, Blaðsíða 7

MQRUUNJiIAÐIi) SUNNUUAUUR;:8. SUITCMBER 1.91)1
öðru eyra og var aðeins með hluta-
heyrn á hinu. Fyrir söngkonu er slíkt
auðvitað hið alvarlegasta mál og á
tímabili hélt Anna að hún myndi
aldrei syngja framar. En henni hefur
tekist að yfirvinna það vandamál,
eins og flest önnur. Það sem hún
hefur átt erfiðast meða að sætta sig
við eru gróusögurnar.
„Gróa á Leiti hefur fylgt mér frá
því ég fór að syngja, og kannski er
hún óaðskiljanlegur fylgifiskur fólks
sem er í sviðsljósinu. Að minnsta
kosti hefur hljómlistarfólk fengið að
heyra það og ég hef fengið minn
skerf. Eg er hætt að kippa mér upp
við þetta núna, en oft hefur mér
sárnað, sérstaklega þegar þessar
sögur hafa haft bein áhrif á líf mitt,
eins og þegar ég skildi við fyrsta
eiginmanninn.
Langlífasta gróusagan er þó um
það hvað ég á að drekka óskaplega
mikið. Þessar sögur hafa gengið allt
frá því er ég var ung söngkona og
bragðaði varla vín og fram á þennan
dag. En vinur minn einn, sem blö-
skraði þetta tal eitt sinn, spurði við-
mælandann hvernig það mætti vera
að ég drykki svona mikið, en stund-
aði þó alltaf fulla vinnu. Því stað-
reyndin er sú að ég hef alla tíð unn-
ið með söngnum, og unnið mjög
mikið. En líklega hef ég ofgert mér,
því það er of mikið að vinna fullan
vinnudag og syngja svo á kvöldin,
kannski fjögur kvöld í viku. Ég gat
þetta þegar ég var yngri, en þetta
verður sífellt erfiðara með árunum.
Læknirinn minn hefur nú skipað
mér að draga saman seglin heilsunn-
ar vegna. „En sönginn máttu hafa,“
segir hann. Hann veit að ég lifi fyr-
ir sönginn gæti ekki án hans verið.
Og það eru alveg hreinar línur að
sönginn verð ég að hafa til að halda
mér uppi.“
Eins og að fletta úrklippubók
Og hvað sönginn varðar virðist
engan bilbug að fínna á Önnu. Hún
hefur nú, í tilefni starfsafmælisins,
gefið út sína fyrstu sólóplötu og efnt
til söngskemmtunar, sem spannar
feril hennar í þijátíu ár:
„Platan heitir Frá mér til þín -
Anna. Vilhjálms í 30 ár og hefur að
geyma bæði ný og gömul lög. Það
er þarna syrpa af faliegum perlum
sem ég hef verið þekktust fyrir að
syngja, alveg frá rokktímabilinu og
yfir í sveitatónlist og ég enda syrp-
una á uppáhaldslaginu mínu, „My
Way“. Síðan er þarna lagið „If You
Don’t Know Me By Now“, með ís-
lenskum texta eftii'Val Gunnarsson,
en önnur lög á plötunni eru frums-
amin af Kolbrúnu Hjartardóttur og
textarnir eru eftir hana og systur
hennar, Lindu Björk.
í sýningunni koma fram, auk
mín, Lúdó sextett og söngvararnir
Stefán Jónsson, Einar Júlíusson,
Berti Möller og Bjarni Arason. Svo
eru fjórir dansarar með íslands-
meistarann í rokkdansi, Jóa
Bachman, í broddi fylkingar. Ég
syng fjórtán lög í þessari sýningu
og sagan bytjar í rokkinu, hjá Connie
Francis og Brendu Lee. Síðan er
farið yfir í tímabilið hjá Svavari og
Magga Ingimars og svo yfir í kántrí-
ið og Janis Joplin og sýningin endar
á nýju plötunni, það er að segja
Önnu Vilhjálms í dag. Inn á milli
syngja svo strákarnir, ýmist einir
eða með mér og við Einar tökum
auðvitað dúettana okkar.
Það hefur verið gaman að vinna
við undirbúninginn að þessari sýn-
ingu og ég vona að fólk eigi eftir
að taka henni vel. Þótt ég hafi tekið
þátt í mörgum svona sýningum er
þessi alveg sérstök fyrir mig. Þarna
er ég miðdepillinn og minn ferill er
rakinn frá upphafi fram á okkar
dag. Þetta er svona eins og að fletta
í gegnum myndaalbúm eða úrklippu-
bók og hvert lag hefur sínar minn-
ingar. Ég vona að áheyrendur eigi
einnig eftir að skemmta sér við að
riija þær upp.“
í upphafi ferilsins; með hljómsveit Svavars Gests á Hótel Sögu, frá vinstri: Berti Möller, Garðar Karls-
son, Gunnar Pálsson, Anna Vilhjálms, Gunnar Ormslev, Magnús Ingimarsson og Svavar Gests.
Ég var orðin þrælvinsæl í Maine
þótt ég segi sjálf frá, og á þessu
tímabili söng ég „Stand By Your
Man“ inn á plötu, sem var talsvert
mikið spiluð. Það atvikaðist þannig
að það var gefin út safnplata með
upprennandi sveitasöngvurum í Ma-
ine-ríki og mér var boðið að syngja
eitt lag. Þetta gekk sem sagt mjög
vel, en svo fluttum við til Minnia-
polis og þaðan til Indiana og þá
datt ég aftur út úr söngnum, nema
að ég kom alltaf hingað heim einu
sinni á ári og söng þá eitthvað.
Ég skildi svo við manninn minn
1979 og fór ekkert aftur út eftir
það. Sigurður Þórarinsson var þá
með hljómsveit í Þjóðleikhúskjallar-
anum og þegar hann frétti að ég
væri komin heim hringdi hann og
bað mig um að vera með. Sá sem
rak staðinn hafði hins vegar ákveðn-
ar efasemdir um þessa söngkonu,
og heimtaði að fá að hlusta á mig
áður en ég var ráðin.
Eftir að ég hætti í Þjóðleikhús-
kjallaranum söng ég ekkert í nokkuð
langan tíma, þar til ég fór að halda
upp á afmæiið mitt í Þórskaffi.
Dansbandið var þá að spila þar og
þegar strákarnir í hljómsveitinni sáu
mig í salnum kölluðu þeir mig upp
og báðu mig að syngja nokkur lög.
Þetta var náttúrulega alveg óæft
enda þekkti ég strákana lítið sem
ekkert þá, en þessi nokkur lög urðu
að rúmum klukkutíma. Þetta tókst
sem sagt svo vel að helgina á eftir
var ég fastráðin með Dansbandinu
og með þeirri hljómsveit söng ég í
Þórskaffi og víðar í nokkur ár á
eftir. A þessum árum var Óli Laufd-
al að byrja með stórsýningar á Bro-
adway og ég var meðal annars með
í fyrstu rokksýningunni sem þar var
sett á svið. Það má segja að ég
hafi ekki stoppað síðan og nú síðast
hef ég verið að syngja í sýningunni
„í hjartastað“ á Hótel íslandi. Auk
þess hef ég komið fram með kántrí-
hljómsveit í Borgarvirkinu og sungið
með eigin hljómsveit, Flækingunum,
bæði á Hótel íslandi og víðar.“
Skin og skúrir baksviðs
Lífið er margbrotið og sú hlið sem
snýr fram þarf ekki endilega að vera
eins og sú sem snýr aftur. I sviðsljós-
inu hefur Önnu Vilhjálms liðið vel
og þar hefur henni yfirleitt gengið
allt í haginn, þótt á ýmsu hafí geng-
ið hjá henni baksviðs. Eitt alvarleg-
asta áfallið var þegar hún uppgöt-
vaði að hún hafði misst heyrnina á
VERÐ KR. 590,
^^rnabtadið |
0-1 ARS.

n'" •' ; - .

./

GARNBUÐIN
Reykjavikurvegi 68.
220 Hafnarfirði
Simi 54610
Prjónablaðið Bambi er nýkomið út með fallegum
prjónauppskriftum á yngstu börnin.
Blaðið fæst í bóka- og hannyrðaverslunum um land allt.
GARNBÚÐIN TINNA - SÍMI91 -54610.