Morgunblaðið - 20.02.2006, Blaðsíða 2
2 MÁNUDAGUR 20. FEBRÚAR 2006 MORGUNBLAÐIÐ
FRÉTTIR
ÓTTAST SÖLUTREGÐU
Stjórnvöld í París hétu því í gær
að gera allt sem í valdi þeirra stæði
til að hefta útbreiðslu fuglaflensu
eftir að skýrt var frá fyrsta fugla-
flensutilfellinu í Frakklandi. Frakk-
ar hafa vaxandi áhyggjur af efna-
hagslegum áhrifum þess að
neytendur í Frakklandi og víðar
hætti að kaupa alifuglakjöt vegna
ótta við fuglaflensuna. Sala á ali-
fuglakjöti hefur minnkað um 70% á
Ítalíu, 40–50% í Grikklandi og 15% í
Frakklandi.
Abbas varar við kreppu
Stjórn Ísraels samþykkti í gær
ýmsar refsiaðgerðir gegn Palest-
ínumönnum vegna væntanlegrar
heimastjórnar undir forystu Hamas-
hreyfingarinnar sem sigraði í þing-
kosningum 25. janúar. Mahmoud
Abbas, forseti Palestínumanna,
sagði að palestínska heimastjórnin
stæði frammi fyrir „alvarlegri fjár-
hagskreppu“.
David Irving fyrir rétt
Réttarhöld hefjast í máli breska
rithöfundarins Davids Irvings í
Austurríki í dag vegna ásakana um
að hann hafi brotið þarlend lög með
því að afneita helförinni, útrýming-
arherferð nasista gegn gyðingum.
Lóðaútboð endurskoðað
Steinunn Valdís Óskarsdóttir,
borgarstjóri Reykjavíkur, segir því
ekki verða unað að einn einstakl-
ingur, sem er verktaki, fái 39 af 40
einbýlishúsalóðum sem boðnar voru
út í landi Úlfarsárdals. Segir hún
niðurstöðuna ganga gegn mark-
miðum útboðsreglna sem séu að
gefa einstaklingum kost á því að
byggja yfir sig og sína fjölskyldu.
Loðnuvertíð að ljúka
Enn á eftir að vinna mikið magn
loðnu bæði fyrir Japani og Rússa, en
loðnuvertíðin er á síðasta snúningi.
Loðnugangan hefur gengið hratt
meðfram suðurströnd landsins og
hafa loðnuskipin unnið hart að því að
hámarka verðmæti síns kvóta.
Loðnusjómenn eru ekki ánægðir
með hvernig hefur verið staðið að
kvótasetningu og rannsóknum.
Verðlaun menntaráðs
Hólabrekkuskóli, Melaskóli og
Ölduselsskóli fengu í gær hvatning-
arverðlaun menntaráðs fyrir
kennsluverkefni sem verið hafa í
gangi í skólunum. Fimm aðrir
grunnskólar hlutu einnig viðurkenn-
ingu. Verðlaunin voru afhent í fjórða
sinn í gær.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
LÍTIÐ þokast í viðræðum slökkvi-
liðs- og sjúkraflutningamanna við
samninganefnd launanefndar sveit-
arfélaganna, en næsti fundur nefnd-
anna verður á fimmtudag. Segir
Vernharð Guðnason, formaður
Landssambands slökkviliðs- og
sjúkraflutningamanna, ljóst að víkka
þurfi þann ramma sem samninga-
nefnd launanefndar hefur til samn-
ingagerðar, því hún sé greinilega
komin að sínum mörkum.
Slökkviliðsmenn hafa nú byrjun-
arlaun upp á 105.000 krónur. Að
sögn Vernharðs hefur fullmenntaður
slökkviliðsmaður, sem lokið hefur
námi fyrir atvinnuslökkviliðsmenn
og framhaldsnámi í sjúkraflutning-
um, yfir þúsund klukkustundir í
námi, nú um 151.000 krónur í mán-
aðarlaun eftir þriggja ára starf.
„Inni í okkar grunnlaunum er fjöru-
tíu og tveggja tíma vinnuvika,
greiðsla vegna skerðingar matar- og
kaffitíma og skerðingar á samvist-
artíma við vaktaskipti. Ef þú ætlar
að bera okkur saman við einhverja
aðra erum við komin niður í 135.000
krónur í mánaðarlaun með þennan
mann,“ segir Vernharður. „Þetta er
bara hræðilegt og slökkviliðsmenn
segja hingað og ekki lengra með
þetta mál. Við ætlum ekki að vera á
þessum skítalaunum lengur. Við er-
um búnir að vera að leita leiða til að
nálgast okkar kröfur og lengra verð-
ur ekki komist nema samninga-
nefndin fái aukið umboð frá launa-
nefndinni. Ég geri ráð fyrir því að
þeir hafi einhvern ramma sem þeir
mega vinna með og hann er greini-
lega allt of þröngur gagnvart okkur.
Það þurfa að koma til einhverjar sér-
tækar aðgerðir til að leiðrétta laun
slökkviliðsmanna.“
Yfirvinna og áfallastreita
Vernharður segir slökkviliðsmenn
bæta upp lág laun sín með gríðar-
legri yfirvinnu og álagi. „Menn vinna
eins og skepnur til að hafa í sig og á,“
segir Vernharður. „Menn vinna
gegndarlausa yfirvinnu og það bitn-
ar á mönnum og fjölskyldum og öllu
saman. Þetta er bæði hættulegt og
streituvaldandi starf. Hjúkrunar-
fræðinemar við Háskólann á Akur-
eyri gerðu rannsókn á slökkviliðs-
mönnum sem leiddi í ljós að um 10%
slökkviliðsmanna eru haldin áfalla-
streitu og 50–60% slökkviliðsmanna
hafa einhver einkenni áfallastreitu.
Það gefur glögga mynd af hvers eðlis
starfið er. Það er erfitt, hættulegt og
heilsuspillandi.“
Vernharður segir fólki stundum
bregða við það að slökkviliðs- og
sjúkraflutningamenn hafi hafnað
25% launahækkun á þremur árum.
„Fólk er að kalla okkur freka, en það
verður að átta sig á á hvað þessi tutt-
ugu og fimm prósent eru að bætast,“
segir Vernharður að lokum.
Viðræður slökkviliðs- og sjúkraflutningamanna við launanefnd sveitarfélaganna
Mikilvægt starf alvarlega
vanmetið af samfélaginu
Eftir Svavar Knút Kristinsson
svavar@mbl.is
RÁÐIST var á 31 árs gamlan mann
fyrir utan kvikmyndahús Sambíóa í
Hafnargötu í Keflavík um sjöleytið
í gærmorgun. Að sögn lögregl-
unnar í Keflavík missti maðurinn
meðvitund og féll hann í götuna.
Ekki er vitað hverjir voru að verki
en vitni að árásinni gátu ekki greint
lögreglu frá málavöxtum að öðru
leyti en því að þrír menn hafi horfið
af vettvangi í bifreið.
Maðurinn var fluttur á Heilbrigð-
isstofnun Suðurnesja til skoðunar
en eftir það á slysadeild til Reykja-
víkur. Hann reyndist minna meidd-
ur en í fyrstu var talið og var hann
útskrifaður í gær, samkvæmt upp-
lýsingum frá Landspítala – há-
skólasjúkrahúsi.
Ráðist á mann
í Keflavík
ELDUR kom upp í Willys-jeppa á
bílastæði undir fjallinu Kaldbak í
Grenivík í Eyjafirði um hádegisbil í
gær og er hann talinn gjörónýtur.
Að sögn lögreglunnar á Akureyri
voru menn um tvítugt og þrítugt í
bílnum og ætluðu þeir að fara á
snjósleðum á fjallið.
Þegar þeir komu á bílastæðið í
Grenivík og stigu út úr bílnum
blossaði eldur upp í honum og varð
hann alelda á skömmum tíma. Talið
er að bensínleiðsla hafi farið í sund-
ur undir bílnum með þeim afleið-
ingum að allt sem í honum var varð
eldi að bráð.
Bíllinn var um átta til tíu ára
gamall og er ljóst að tjónið nemur
hundruðum þúsunda króna.
Jeppi brann
til kaldra kola
í Grenivík
NOKKRIR hreindýraveiðimenn
mættu í höfuðstöðvar Umhverfis-
stofnunar í Reykjavík í gærkvöldi.
Þar var hægt að fylgjast með því í
fjarfundabúnaði þegar dregið var úr
gildum umsóknum um hreindýra-
veiðileyfi á næsta veiðitímabili. Út-
drátturinn fór fram í húsnæði
Fræðslunets Austurlands á Egils-
stöðum.
Alls bárust 1922 gildar umsóknir
um 909 hreindýraveiðileyfi og því
ljóst að meirihlutinn fær ekki veiði-
leyfi. Ásókn hefur aukist mjög í leyfi
til hreindýraveiða hin síðari ár. Nið-
urstöður úr drættinum verða sendar
til umsækjenda á næstu dögum ým-
ist með tölvupósti eða í bréfapósti.
Morgunblaðið/ÞÖK
Dregið um veiðileyfi á hreindýrum
RAFMAGN fór af Ólafsfirði og
Siglufirði í um hálftíma í gærmorgun
þegar um 50 metra breitt snjóflóð
féll í Karlsárdal milli Dalvíkur og
Ólafsfjarðar.
Flóðið braut eina stæðu í 33 kV-
rafmagnslínu sem veitir rafmagni
frá Skeiðfossvirkjun frá Ólafsfirði
yfir til Dalvíkur með þeim afleiðing-
um að línan leysti út og slökkti á
Skeiðfossvirkjun.
Kveikja þurfti á dísilrafstöð á
Siglufirði til að koma Skeiðfossvirkj-
un aftur í gagnið, en hún sér nú
Siglufirði og Ólafsfirði fyrir raf-
magni. Dalvík fær nú hins vegar raf-
magn frá Akureyri. Starfsmenn
Rarik sáu annað flóð á þessum slóð-
um um 250 metra breitt.
Verið er að vinna að strengvæð-
ingu í gegnum Ólafsfjarðargöng til
að taka línuna sem skemmdist úr
rekstri í framtíðinni. Að sögn Péturs
Vopna Sigurðssonar, netstjóra hjá
Rarik á Norðurlandi, ætti sá streng-
ur að vera kominn í gagnið í sumar.
Snjóflóð sló
út rafmagni
á Ólafsfirði
og Siglufirði
HJÖRVAR Steinn Grétarsson bar
sigur úr býtum í sínum aldursflokki
í Norðurlandamótinu í skólaskák
sem fram fór um síðustu helgi í
Espo á Finnlandi. Tíu íslensk ung-
menni tóku þátt í mótinu en að
venju var keppt í fimm aldurs-
flokkum.
Hjörvar Steinn keppti í flokki
ungmenna tólf til þrettán ára en
hann hlaut fimm vinninga af sex
mögulegum og var einum vinningi
fyrir ofan næstu menn.
Hjörvar var að vonum ánægður
með sigurinn þegar Morgunblaðið
hafði samband við hann í gær en
hann varð Norðurlandameistari í
flokki tíu ára og yngri fyrir tveim-
ur árum.
„Þetta var öllu erfiðari keppni
þrátt fyrir að þetta hafi að mestu
leyti verið sömu strákarnir. Ég var
því ekki viss um að vinna en gerði
mitt besta og það dugði til.“
Hjörvar, sem er í Taflfélaginu
Helli, stefnir á að vinna titilinn að
ári en þá færist
hann upp í b-
flokk.
Svanberg Már
Pálsson hafnaði í
öðru til fjórða
sæti í sama flokki
en hann hlaut
fjóra vinninga.
Þá hafnaði Dag-
ur Andri Frið-
geirsson í öðru
til fimmta sæti í flokki ungmenna
ellefu ára og yngri en hann hlaut
fjóra vinninga.
Alls hlutu íslensku skákmenn-
irnir 29,5 vinninga af 60 mögu-
legum og urðu rétt undir meðaltal-
inu. Íslensku keppendunum gekk
áberandi best í tveimur yngstu
flokkunum en þar fengu allir kepp-
endur meira en 50% vinningshlut-
fall.
Danir hlutu tvo Norðurlanda-
meistaratitla en Íslendingar, Svíar
og Færeyingar einn.
Hjörvar Steinn
Norðurlandameistari
í skólaskák
Hjörvar Steinn
Grétarsson
HÉRAÐSDÓMUR Vestfjarða féllst
í gær á kröfu lögreglustjórans á
Ísafirði um að tveir piltar, 16 og 19
ára gamlir, sitji í gæsluvarðhaldi til
klukkan 16 í dag.
Piltarnir tveir voru handteknir
að morgni laugardags þar sem þeir
voru í bíl á leið frá Reykjavík til Ísa-
fjarðar og í fórum þeirra fannst
hass í sölueiningum. Í þágu rann-
sóknar málsins mun lögregla ekki
upplýsa hve mikið magn af hassi
fannst í bíl piltanna. Grunsemdir
eru um að efnið hafi átt að fara til
dreifingar á Vestfjörðum. Fleiri
hafa verið yfirheyrðir vegna máls-
ins, sem er í rannsókn.
Tveir í gæslu-
varðhaldi vegna
fíkniefnamáls
Í dag
Fréttaskýring 8 Minningar 26/27
Viðskipti 12 Dagbók 30/32
Vesturland 13 Myndasögur 30
Erlent 14/15 Staður og stund 31
Daglegt líf 15/17 Leikhús 33
Menning 18 Bíó 34/37
Umræðan 19/25 Ljósvakar 38
Bréf 23 Veður 39
Forystugrein 20 Staksteinar 39
* * *