Morgunblaðið - 20.02.2006, Blaðsíða 4

4 MÁNUDAGUR 20. FEBRÚAR 2006 MORGUNBLAÐIÐ
FRÉTTIR
Nú bjóðum við síðustu sætin til Kanarí 7. mars í eina eða 2 vikur á frábær-
um kjörum. Bókaðu strax og tryggðu þér sæti og fjórum dögum fyrir brott-
för færðu að vita hvar þú gistir. Að sjálfsögðu nýtur þú þjónustu reyndra
fararstjóra okkar á Kanarí allan tímann.
Skógarhlíð 18 • sími 595 1000 • www.heimsferdir.is
Stökktu til
Kanarí
7. mars
frá kr. 44.990 m.v. 2
Munið Mastercard
ferðaávísunina
Síðustu sætin
kr.54.990 í 2 vikur
Netverð á mann, m.v. a.m.k. 2 í
herbergi/íbúð/stúdíó í 2 vikur, stökktu tilboð
7. mars. Innifalið flug, skattar, gisting og íslensk
fararstjórn.
kr.44.990 í viku
Netverð á mann, m.v. a.m.k. 2 í
herbergi/íbúð/stúdíó í viku, stökktu tilboð
7. mars. Innifalið flug, skattar, gisting og íslensk
fararstjórn.
ÞRJÁR blaðakonur hlutu verðlaun
fyrir blaðamennsku á árinu 2005, en
verðlaunin voru afhent á árlegu
pressuballi Blaðamannafélags Ís-
lands síðastliðið laugardagskvöld.
Gerður Kristný Guðjónsdóttir
blaðamaður fékk Blaðamannaverð-
laun Íslands 2005 fyrir „óhefðbundna
blaðamennsku og ítarlegar rann-
sóknir við skrif á sögu Thelmu Ásdís-
ardóttur Myndin af pabba.“ Í rök-
stuðningi dómnefndar segir að bókin
sé gott dæmi um þann háleita kjarna
blaðamennskunnar sem „snýst um að
leita sannleikans og segja frá honum
með það að markmiði að þjóna al-
mannaheill.“
Sunna Ósk Logadóttir, blaðamað-
ur á Morgunblaðinu, hlaut verðlaun
fyrir bestu umfjöllun ársins 2005. Það
var greinaflokkur um rekstur og
starfsemi Landspítala – háskóla-
sjúkrahúss í kjölfar sameiningar. Í
rökstuðningi dómnefndar kemur
fram Sunna Ósk hafi dregið fram
„með skýrum og skiljanlegum hætti
þann flókna veruleika sem rekstur
Landspítala – háskólasjúkrahúss er“.
Sigríður Dögg Auðunsdóttir,
blaðamaður á Fréttablaðinu, hlaut
verðlaun fyrir rannsóknarblaða-
mennsku ársins 2005. Það var úttekt
á einkavæðingu ríkisbankanna og
fréttaskrif um aðkomu áhrifamanna í
aðdraganda málaferla gegn forsvars-
mönnum Baugs. Í rökstuðningi dóm-
nefndar segir m.a. að eitt mikilvæg-
asta hlutverk blaðamanna sé að veita
stjórnvöldum gagnrýnið aðhald.
Birgir Guðmundsson, formaður
dómnefndar, sagði í ávarpi að tilnefn-
ingum til blaðamannaverðlauna hafi
fjölgað ár frá ári þau þrjú ár sem
verðlaunin hafa verið veitt. „Það er
vissulega freistandi að álíta að fagleg
viðmið og kröfur stéttarinnar til
sjálfrar sín séu að aukast og jafnvel
að tilkoma verðlaunanna hafi átt ein-
hvern þátt í að ýta undir það.“
Verðlaun Blaðamannafélags Íslands og Blaðaljósmyndarafélags Íslands fyrir 2005
Morgunblaðið/ÞÖK
Þau tóku við verðlaununum. F.v.: Sunna Ósk Logadóttir, blaðamaður á Morgunblaðinu, fékk verðlaun fyrir bestu
umfjöllun ársins 2005. Sigurjón M. Egilsson, fréttaritstjóri Fréttablaðsins, tók við verðlaunum fyrir hönd Sigríðar
Daggar Auðunsdóttur sem var fjarverandi, fyrir rannsóknarblaðamennsku ársins 2005, og Gerður Kristný Guð-
jónsdóttir blaðamaður sem hlaut Blaðamannaverðlaun Íslands 2005.
Þrjár blaðakonur
heiðraðar fyrir skrif sín
LJÓSMYNDARAR
og blaðamaður Morg-
unblaðsins sópuðu að
sér viðurkenningum
þegar veitt voru verð-
laun fyrir bestu blaða-
ljósmyndir og blaða-
mennsku ársins 2005
hjá Blaðaljósmynd-
arafélagi Íslands og
Blaðamannafélagi Ís-
lands.
Þorkell Þorkelsson
ljósmyndari tók Mynd
ársins 2005, „Ógn-
arölduna“, og fékk
einnig viðurkenningu
fyrir Myndröð ársins
2005 frá hamfarasvæðum í SA-Asíu
eftir flóðbylgjuna miklu á annan
dag jóla 2004. Þorkell hóf störf við
frétta- og blaðaljósmyndun á Morg-
unblaðinu 1985 en lét nýlega af
störfum og hvarf til náms erlendis.
Ragnar Axelsson tók fréttamynd
ársins 2005, „Í skugga Davíðs“,
sem sýnir þegar Davíð Oddsson
kvaddi á landsfundi sjálfstæð-
ismanna í Laugardalshöll. Ragnar
hefur verið ljósmyndari á Morg-
unblaðinu frá 1976 og fengið á
þriðja tug viðurkenninga á sýn-
ingum Blaðaljósmyndarafélags Ís-
lands, sem hófust 1991. Hann hefur
einnig hlotið margar viðurkenn-
ingar erlendis, t.d. Oskar Barnack
verðlaunin 2001 og aðalverðlaun
Festival Photo de Mare í Frakk-
landi 2003.
Árni Torfason tók íþróttamynd
ársins 2005 og sýnir hún skauta-
stúlkur á æfingu. Árni hóf störf á
Morgunblaðinu 2003 og hefur síðan
verið fastráðinn á sumrin og í
lausamennsku á veturna. Hann hef-
ur áður unnið til verðlauna á sýn-
ingu blaðaljósmyndara og verið
sýningarstjóri sýningarinnar und-
anfarin tvö ár.
Þorvaldur Örn Kristmundsson
tók þjóðlegustu mynd ársins 2005
og sýnir hún fólk á leið í sjósund.
Þorvaldur hóf störf á Dagblaðinu
1991 og starfaði þar í 12 ár. Hann
hefur unnið sem ljósmyndari hjá
Morgunblaðinu og sjálfstætt starf-
andi frétta- og heimildaljósmyndari
frá 2004. Þorvaldur er formaður
Blaðaljósmyndarafélags Íslands og
hefur áður fengið sjö viðurkenn-
ingar fyrir myndir á sýningum
blaðaljósmyndara.
Sunna Ósk Logadóttir blaðamað-
ur hóf störf á Morgunblaðinu 1999.
Hún var fyrst umsjónarmaður
Fólks í fréttum, en flutti til Noregs
í eitt ár og var þá fréttaritari
Morgunblaðsins. Frá 2001 hefur
hún starfað á innlendri fréttadeild
sem blaðamaður.
Morgunblaðið/Kristinn
Þorvaldur Örn Kristmundsson og Halldór Ásgrímsson forsætisráðherra skoða mynd Ragnars Axelssonar sem valin var Fréttamynd ársins 2005.
Sigursveit Morgunblaðsins
TENGLAR
..............................................
www.pressphoto.is
Ragnar AxelssonÞorkell Þorkelsson
ÞRÍR blaðamenn, þeir Björn Vignir
Sigurpálsson, Steinar J. Lúðvíksson
og Magnús Finnsson, voru sæmdir
heiðursmerki Blaðamannafélags Ís-
lands (BÍ) á Pressuballinu síðastliðið
laugardagskvöld. Að sögn Örnu
Schram, formanns BÍ, hefur heið-
ursmerki félagsins verið veitt frá því
um miðja síðustu öld. Merkið er nú
veitt þeim sem hafa starfað meira en
40 ár í blaðamannastétt. Arna sagði
að tiltölulega fáir blaðamenn hefðu
náð svo löngum starfsaldri því
lengstum hafi verið mikil hreyfing á
blaðamönnum og margir stoppað
stutt í starfi. Þeir sem fengið hafa
merkið í áranna rás eru um 20.
Arna sagðist eiga von á að þeim
fjölgaði á komandi árum sem næðu
svo löngum starfsaldri því stöðugt
fjölgaði fólki sem gerði blaða-
mennsku að ævistarfi og menntaði
sig sérstaklega til þess. Ört hefur
fjölgað í stéttinni að undanförnu og
félagsmenn í BÍ eru nú orðnir á sjö-
unda hundrað talsins.
Morgunblaðið/ÞÖK
Þrír blaðamenn fengu heiðursmerki Blaðamannafélags Íslands fyrir að
eiga að baki 40 ára starf við blaðamennsku. Það voru f.v.: Björn Vignir Sig-
urpálsson, fréttaritstjóri á Morgunblaðinu, Steinar J. Lúðvíksson, aðalrit-
stjóri hjá Fróða, og Magnús Finnsson, fulltrúi ritstjóra Morgunblaðsins.
Fengu heiðursmerki BÍ
 Blaðaljósmyndir | 34