Morgunblaðið - 20.02.2006, Blaðsíða 6

6 MÁNUDAGUR 20. FEBRÚAR 2006 MORGUNBLAÐIÐ
FRÉTTIR
VÍKKAÐU SJÓNDEILDARHRINGINN
26. FEBRÚAR
NÁMSKYNNING Í HÁSKÓLA ÍSLANDS
www.hi.is
LEGÓKUBBAR eru eflaust ekki
það fyrsta sem fólk tengir við
kennslu en í Melaskóla er tæknilegó
notað við kennslu í tæknimennt,
stærðfræði og eðlisfræði með þeim
árangri að nemendur eru áhugasam-
ari en nokkru sinni fyrr um lögmál
eðlisfræðinnar, forritun og ýmiskon-
ar tæknimál. Nemendur þar hafa
einnig fengið tækifæri til að hanna
og smíða vélmenni. Verkefnið Gam-
an að læra með LEGO var ásamt sjö
öðrum kennsluverkefnum í grunn-
skólum Reykjavíkur verðlaunað sér-
staklega í gær þegar menntaráð
Reykjavíkur afhenti hvatning-
arverðlaun grunnskólanna í fjórða
sinn.
Þrjú verkefnanna þóttu skara sér-
staklega fram úr, en auk verkefn-
isins í Melaskóla voru verkefni í
Ölduselsskóla og Hólabrekkuskóla
verðlaunuð. Ölduselsskóli hlaut
verðlaun fyrir verkefnið Sterkir
námsmenn, en þar er góðum náms-
mönnum veitt tækifæri til að þroska
hæfileika sína og glíma við verkefni
sem dýpka skilning þeirra. Í um-
sögn dómnefndar sagði að verkefnið
væri hluti af þróunarstarfi um
breytta kennsluhætti og ein-
staklingsmiðað nám. „Framtíðarsýn
Ölduselsskóla er að byrja strax að
vinna með sterka nemendur þannig
að þeir fái sífellt meira ögrandi
verkefni að glíma við. Þannig má
forðast skólaleiða sem getur fylgt
því þegar þessir nemendur vinna
verkefni undir getu. Frábært verk-
efni!,“ sagði í rökstuðningi dóm-
nefndar.
Samstarf um forvarnir
Þá fékk Hólabrekkuskóli verðlaun
fyrir verkefnið Samstarf til forvarna
en verkefnið byggist á samstarfi
skólans, ÍTR, félagsmiðstöðvarinnar
Miðbergs, Þjónustumiðstöðvar
Breiðholts og hverfislögreglunnar í
Breiðholti. Verkefnið felur í sér að
einn dag í viku er hefðbundið skóla-
starf brotið upp og unnið með nem-
endum á skólatíma með það að
markmiði að styrkja félags- og sam-
skiptafærni nemenda. Í umsögn
dómnefndar sagði að um væri að
ræða markvisst forvarnarverkefni
og nýbreytnin væri ekki síst fólgin í
því breiða samstarfi sem tekist hef-
ur í hverfinu þar sem aðilar utan
skólans taka höndum saman með
skólafólkinu til að ná árangri og
styðja við nemendur.
Þessi þrjú verkefni þóttu skara
fram úr og fengu skólarnir verð-
launagrip, leirlistaverk hannað af
Þóru Sigurþórsdóttur. Fimm verk-
efni til viðbótar fengu viðurkenn-
ingu; Félagsfærniþjálfun í skóla-
starfi í Breiðagerðisskóla,
Útikennsla í Fossvogsskóla, Vís-
indadagur í Rimaskóla, Myndlist er
málið og Lífsleikni í Safamýrarskóla
og Tónsköpun í Víkurskóla.
Skólar, kennarar, foreldraráð og
foreldrafélög geta tilnefnt verkefni
til hvatningarverðlauna og bárust í
ár alls 45 tilnefningar. Fimm manna
dómnefnd yfirfór tilnefningarnar og
valdi úr.
Ekki fast í ramma
Stefán Jón Hafstein, formaður
menntaráðs Reykjavíkurborgar,
segir að tilgangurinn með þessum
verðlaunum sé að vekja athygli á því
sem vel er gert. „Þetta er til þess að
hvetja fólk áfram, koma því inn að
það sé að gera góða hluti, þeir séu
eftirtektarverðir, að það sé hægt að
miðla milli skóla og að fólk geti lært
hvert af öðru og að koma því út í
samfélagið að það sé mikilvægt starf
í gangi í skólunum og það sé verið að
reyna að gera góða hluti. Skólastarf
er sköpunarferli og þetta fólk er
virkilega að skapa og svo sannarlega
ekki fast í neinum ramma,“ segir
Stefán og bætir við að í fyrstu hafi
verið ákveðin feimni við að veita
slíkar viðurkenningar, þar sem
hugsanlega væri verið að stuðla að
óheilbrigðri samkeppni. „Mér hefur
alls ekki sýnst það vera þannig,
skólastjórnir og starfsfólkið hefur
fyllst metnaði fyrir hönd síns skóla.
Síðan höfum við líka gert þetta 17.
júní ár hvert fyrir nemendur og
veitt þeim hvatningarverðlaun, sem
hafa virkilega slegið í gegn. Mér
finnst mikilvægt að koma því inn að
það sé verið að gera góða hluti og að
það sé í lagi að hrósa þeim,“ segir
Stefán.
Átta grunnskólar hlutu hvatningarverðlaun menntaráðs Reykjavíkur
Litlir eðlisfræðingar með legókubba
Morgunblaðið/ÞÖK
Alls hlutu átta grunnskólar viðurkenningu og má hér sjá hluta þeirra kennara og skólastjóra sem tóku við þeim.
Morgunblaðið/ÞÖK
Fjöldi foreldra og kennara fylgdist með athöfninni í Ráðhúsinu í gær en þetta var í fjórða sinn sem hvatningar-
verðlaun menntaráðs voru veitt en þau verðlauna framsækin kennsluverkefni í grunnskólum Reykjavíkur.
Eftir Árna Helgason
arnihelgason@mbl.is
Morgunblaðið/ÞÖK
Grunnskólar kynntu starfsemi sína
og verkefni í kynningarbásum í
Ráðhúsinu í gær.
DÖNSK-íslensk sveit sigraði í sveitakeppninni á
Bridshátíð sem lauk í gærkvöldi á Hótel Loftleiðum. Í
sigursveitinni spiluðu Ómar Olgeirsson, Ísak Örn Sig-
urðsson, Stefán Jónsson og Danirnir Sejr Andreas Jen-
sen og Kasper Konow. Þessir dönsku spilarar eru ekki
meðal þekktustu bridsspilara Dana en hafa báðir spilað í
unglingalandsliði þeirra.
Sveitin hlaut 204 stig eða þremur stigum meira en
sveit Vinabæjar sem skipuð var þrautreyndum spilurum
sem margir hafa spilað í íslenska landsliðinu. Í þriðja
sætinu varð einnig íslensk sveit, sveit Garða og véla ehf.,
en þeir unnu sveitakeppnina á Bridshátíð í fyrra.
Í fjórða og fimmta sæti urðu svo sveitir frá Póllandi og
Bandaríkjunum allt þrautreyndir landsliðs- og atvinnu-
menn.
Guðmundur Baldursson afhenti verðlaun í mótslok
ásamt Guðjóni Arngrímssyni, upplýsingafulltrúa Ice-
landair, og Katrínu Óskarsdóttur mótsstjóra.
Morgunblaðið/Arnór
Íslensk/dönsk sveit sigraði í sveitakeppninni á Bridshátíð sem lauk í gærkvöld. Frá vinstri: Stefán Jónsson,
Kasper Konow, Ísak Örn Sigurðsson, Ómar Olgeirsson og Sejr Andreas Jensen.
Íslendingar sigursælir á Bridshátíð
Í SUMAR verður minnst 950 ára
afmælis biskupsstóls í Skálholti
og verður hápunktur afmæl-
ishalds kringum Skálholtshátíð í
júlí. Á næstunni verður auglýst
eftir rektor Skálholtsskóla en sr.
Bernharður Guðmundsson lætur
af því starfi á árinu vegna aldurs.
Séra Sigurður Sigurðarson
vígslubiskup tjáði Morgunblaðinu
að jafnframt sé fyrirhugað að
ráða framkvæmdastjóra sem sæi
um daglegan rekstur staðarins og
létti verkefnum af rektor og
vígslubiskup.
Sú breyting hefur orðið á dag-
legri stjórn Skálholtsstaðar að
ein stjórn hefur tekið við bæði
stjórn Skálholtsskóla og kirkju-
legra mála. Sr. Sigurður Sigurð-
arson vígslubiskup er formaður
stjórnar og aðrir stjórnarmenn
eru kirkjuráðsmennirnir sr. Hall-
dór Gunnarsson og Jóhann E.
Björnsson. Sigurður segir helstu
verkefni stjórnarinnar að hafa
umsjón með starfsemi kirkjunnar
og skólans og framfylgja starfs-
og fjárhagsáætlunum. Þá á
stjórnin að ganga frá tillögum að
skipuriti fyrir staðinn og athugi
hvort rétt sé að fela staðnum að
staðnum að taka að sér rekstur
Skálholtsskóla.
Breytingar á yfir-
stjórn Skálholts
KONA missti stjórn á bíl sínum
við Votaberg til móts við Litla-
Sandfell á Þrengslavegi um mið-
nætti í fyrrinótt með þeim afleið-
ingum að bíllinn fór út af veginum
og valt. Konan var flutt með
sjúkrabíl á slysadeild Landspítala
– háskólasjúkrahús en var lítið
slösuð og útskrifuð síðar um nótt-
ina. Bíllinn skemmdist nokkuð en
hann var tekinn á brott með
kranabíl.
Bíll valt við
Þrengslaveg
NEMAR við Menntaskólann á Ak-
ureyri ætla að fella niður nám á
miðvikudag til að mótmæla
skerðingu náms til stúdentsprófs.
Eftir annan tíma á miðvikudag-
inn verður haldið á mótmælafund
á Ráðhústorgi og ekki verður
mætt aftur í skólann fyrr en eftir
annan tíma á fimmtudag. Þetta
er í samræmi við það að áætlað
er að skerða nám til stúdents-
prófs um u.þ.b. 20%, að þeirra
sögn.
Nemar í MA
mótmæla