Morgunblaðið - 20.02.2006, Blaðsíða 15

Daglegtlíf
Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska
Það hefur veriðmjög skemmti-legt að vinnameð öllum þess-
um börnum og nú ætlum
við að fara að sýna af-
raksturinn. Þetta hefur
verið gott tækifæri fyrir
krakkana að fá innsýn
inn í heim hver annars,
gefa af sér og fá að upp-
lifa sameiginleg gildi
okkar allra,“ segir Jo-
anna Dominiczak, sem
stýrt hefur fjölmenning-
arlegu verkefni með um
120 krökkum af erlend-
um og íslenskum upp-
runa, frá samtals tólf
þjóðlöndum. Afrakstur
verkefnisins verður til
sýnis á fjölmenning-
arlegri sýningu, sem
opnuð verður föstudag-
inn 24. febrúar í þjón-
ustumiðstöð Miðborgar
og Hlíða við Skúlagötu 21.
Sjálfboðaliði hjá Veraldarvinum
Joanna, sem er tvítugur Pólverji,
átti sjálf frumkvæði að verkefninu
og sótti um styrk til þess að hrinda
því í framkvæmd til Evrópusam-
bandsins, en ungt fólk og þeir sem
vinna með ungu fólki geta sótt um
styrki til UFE til að skipuleggja og
framkvæma ýmisleg verkefni. UFE
eða Ungt fólk í Evrópu er ætlað að
veita ungu fólki á aldrinum 15–25
ára tækifæri til að auka þroska
sinn og menntun með þátttöku í
sam-evrópskum verkefnum.
Verkefnið er því hluti af frum-
kvæðisverkefni Evrópusambands-
ins og unnið í samstarfi við fé-
lagsmiðstöðina Frostaskjól.
Markmiðið var að koma á framfæri
hugmyndum um fjölmenningu með-
al barna á aldrinum 6 til 12 ára í
gegnum list og leiki.
Verkefnið leiddi meðal annars af
sér skemmtilega og fallega mynd-
skreytta fjölmenningarlega smá-
orðabók um vináttuna á arabísku,
íslensku, kínversku, lithásku,
pólsku, spænsku, filippínsku, taí-
lensku og víetnömsku. Auk þess
máluðu krakkarnir á boli, gróð-
ursettu tré í Nauthólsvík og
skreyttu fána síns upprunalands.
Joanna, sem er fædd og uppalin í
Wroclaw, þar sem íbúar eru 650
þúsund talsins, kom fyrst hingað til
lands á vegum Veraldarvina og
vann sem sjálfboðaliði í sum-
arbúðum á Hvanneyri í hálft ár.
Síðan í maí hefur hún starfað sem
frístundafulltrúi í Frostaskjóli og
unnið með börnum að verkefninu
sínu. Hún hefur í vetur einnig
stundað nám í íslensku fyrir út-
lendinga við Háskóla Íslands. Jo-
anna segir að nú sé komið að lok-
um Íslandsdvalar í bili því hún
áformi nú háskólanám í fjölmiðla-
fræðum í Skotlandi.
Sýningin er sett upp sem liður í
Vetrarhátíðinni í Reykjavík og
kemur til með að standa í mánuð,
til 24. mars. Þjónustumiðstöðin er
opin alla virka daga frá kl. 8.20 til
kl. 16.15.
 FJÖLMENNING | Börn af íslenskum og erlendum uppruna unnu saman að fjölmenningarlegu verkefni
Máluðu á boli
og skreyttu fána
Krakkarnir gróðursettu m.a. tré í Nauthólsvík.
Verkefnisstjórinn Joanna Dom-
iniczak með litlu smáorðabókina,
sem er á níu tungumálum.
Morgunblaðið/Árni Sæberg
TENGLAR
........................................................
www.ufe.is
Sagt er að ein hreyfing hjáhesti framkalli þrjátíuhreyfingar hjá manni, semá honum situr. Það sam-
svarar tvö hundruð hreyfingum á
mínútu sem verða þrjú þúsund
hreyfingar á hálftíma þegar teymt
er undir einstakling, sem situr á
hestbaki. Í þessu felst mikil og góð
þjálfun fyrir fólk, sem bundið er
hjólastólum,“ segir Kristján Jóns-
son, 73 ára gamall ellilífeyrisþegi,
sem ákvað að taka að sér göfugt
sjálfboðaliðastarf.
Hann mætir reglulega í Hesta-
miðstöð Reykjavíkur í Víðidal þar
sem fram fer þjálfun fatlaðra ein-
staklinga á hestum og teymir undir.
„Ég byrjaði í þessu rétt fyrir jól-
in og það má því segja að ég sé orð-
inn hálfgerður kúskur,“ segir Krist-
ján og vísar í gamalt orð, sem notað
var um þann, sem teymir undir.
Aðdraganda þessa má rekja til
þess að Sigurður Már Helgason,
verkefnisstjóri hjá Íþrótta- og tóm-
stundaráði Reykjavíkur, kom í
heimsókn í félagsmiðstöð eldri
borgara í Gerðubergi og bað um
leyfi til að kynna málið fyrir eldri
borgurum, sem þarna sátu við
tréútskurð, saumaskap og spila-
mennsku. „Hann var að falast eftir
aðstoð eldri borgara við að þjálfa
fatlaða á hestum, en vegna mann-
eklu á sambýlum fatlaðra og ann-
arra stofnana, sem þjóna fötluðum,
hafa fatlaðir í mjög takmörkuðum
mæli getað nýtt sér þessa þjálf-
unaraðferð. Mér fannst ég ekki
geta hafnað þessu úr því ég hafði
tíma.“
Ýtir við öllum vöðvum
Starf þetta er alfarið unnið í
sjálfboðavinnu, en áhugasömum
sjálfboðaliðum býðst sem umbun
fyrir þakklátt starf að fara sjálfir á
hestbak í boði Hestamiðstöðvar
Reykjavíkur sem rekur starfsem-
ina. Að sögn Sigurðar Más er enn
brýn þörf fyrir nokkra fleiri sjálf-
boðaliða. „Þetta fyrirkomulag hefur
reynst vel enda búa eldri borgarar
yfir mikilli reynslu og þekkingu,
sem má ekki glatast.“
„Ég fæ sjálfur mikið út úr þessu
sjálfboðaliðastarfi. Þetta er mjög
gott og gefandi hlutverk. Fólkið,
sem er í þjálfuninni, er bæði and-
lega og líkamlega fatlað. Ágæti
þjálfunarinnar felst aðallega í gangi
hestsins því hreyfing hestsins ýtir
við öllum vöðvum líkamans, stórum
sem smáum,“ segir Kristján. Ylur
frá hestinum virkar auk þess mjög
vel á spastíska einstaklinga. Þeir ná
góðri slökun með því að liggja á
maganum á baki hestsins og fá
hreyfinguna frá hestinum sam-
tímis.
Fjölbreytt áhugamál
Fimm ár eru liðin síðan Krist-
ján yfirgaf vinnumarkaðinn. Það
er hins vegar nóg við að vera því
hann er í bókbandsnámi á fimmtu-
dögum og í tréútskurði í Gerðu-
bergi á mánudögum og mið-
vikudögum. Og nú hefur
sjálfboðaliðastarf við hestaþjálfun
fatlaðra bæst við.
Auk þess að hafa um ævina unnið
við almenn verkamannastörf og
verið sundlaugarvörður í turni
Laugardalslaugar í tíu ár, útskrif-
aðist hann frá Leiklistarskóla Þjóð-
leikhússins árið 1960 og starfaði
sem leikstjóri á vegum Bandalags
íslenskra leikfélaga í rúm tuttugu
ár vítt og breitt um landið. Hann
leikstýrði líka útvarpsleikritum og
skrifaði sextán ævintýrabækur fyrir
unglinga undir eigin nafni og dul-
nefninu Örn Klói.
 AÐSTOÐ | Óskað eftir öldruðum til að teyma hesta undir fötluðum
Gott og gef-
andi hlutverk
Morgunblaðið/Árni Sæberg
Hreyfingar
hesta eru
taldar gera
fötluðum
mjög gott.
Kristján Jónsson
fer reglulega í
Hestamiðstöð
Reykjavíkur í Víði-
dal og teymir hesta
undir fötluðum.febrúar