Tímarit lögfræðinga - 01.06.1982, Blaðsíða 8
Jónatan Þórmundsson prófessor:
SKATTSKYLDA EINSTAKLINGA
EFNISYFIRLIT
I. Hugtakið skattskylda ................................ 2
II. Upphaf og lok skattskyldu............................ 5
III. Aðalreglan um skattskyldu einstaklinga .............. 6
IV. Takmörkuð skattskylda einstaklinga .................. 9
V. Skattlagning á eignum og tekjum bama................ 13
VI. Skattlagning hjóna og sambúðarfólks ................ 16
VII. Skattfrelsi einstaklinga............................ 24
I. Hugtakið skattskylda.
1 I. kafla 1. nr. 75/1981 er fjallað um skattskylda aðila (skattað-
ila). Aðalreglan um skattskyldu einstaklinga (manna) er í 1. gr., en
um skattskyldu lögaðila í 2. gr. 1 3. gr. eru ákvæði um takmarkaða
skattskyldu og í 4. gr. um undanþágur frá skattskyldu (skattfrelsi),
og taka þessar greinar bæði til einstaklinga og lögaðila. Lögin hafa
að geyma sérstakar re'glur um skattskyldu hjóna, sambúðarfólks og
barna. Sú meginregla er lögfest í 5. gr., að hjón séu sjálfstæðir skatt-
aðilar hvort um sig. Frá þessari reglu eru þó mikilvæg frávik í mis-
munandi samsköttunarformi, sjá nánar 63. og 81. gr. um skattlagn-
ingu hjóna og sambúðarfólks. í 6. gr. er aðalreglan um börn. Sé barn
innan 16 ára aldurs á tekjuárinu og á framfæri foreldra sinna, telst
það ekki sjálfstæður skattaðili og er því samskattað með foreldrun-
um, nema það hafi tekjur, er um ræðir í 1. tl. A-liðs 7. gr. (launa-
tekjur og hliðstæðar tekjur). Umfjöllun um þessar reglur á heima í
þættinum um skattskyldu einstaklinga. Fjallað verður heildstætt í
sérstökum köflum um skattlagningu hjóna og sambúðarfólks og um
skattlágningu á eignum og tekjum barna.
Skattskylduhugtakið í rýmri merkingu tekur bæði til skattstofna
(skattskyldra verðmæta) og þeirra aðila, sem skyldir eru að lögum
að svara skatti (persónuleg skattskylda).1) Reglur um persónulega
1) f norrænum rétti er stundum talað um objektíva og subjektíva skattskyldu (den
objektive og subjektive skattepligt).
2