Tímarit lögfræðinga - 01.06.1982, Blaðsíða 14

um erlendis án þess að áhrif hafi á lögheimili þeirra hér á landi, sbr.
10. gr. 1. nr. 35/1960. Einnig hefur heimilisfesti sönnunargildi, sbr.
2. tl. 1. mgr. 1. gr. 1. nr. 75/1981, og treystir þannig aðstöðu skattyf-
irvalda til álagningar og innheimtu skatta.3)
Þar er lögheimili manns, sem hann á heimili. Heimili manns er sá
staður, þar sem hann hefur bækistöð og dvelst að jafnaði í tómstund-
um sínum og hefur þá hluti, sem eru honum persónulega tengdir, svo
sem fatnað, húsgögn og bækur, sjá 1. og 2. mgr. 2. gr. 1. nr. 35/1960.
Það telst ekki heimili, þótt maður dveljist í skóla, vinnuhæli eða fang-
elsi, sjúkrahúsi, heilsuhæli, elliheimili, dvalarheimilum fyrir aldraða
og öryrkja eða sérhönnuðum heimilum og íbúðum aldraðra og öryrkja,
ef dvölin er eingöngu eða aðallega til lækninga eða heilsubótar. Hið
sama gildir um dvalarstað vegna árstíðabundinnar atvinnu, svo sem
vertíðarvinnu, kaupamennsku og vetrarvistar eða annarrar vetrar-
dvalar vegna atvinnu, enda hverfi maðurinn til lögheimilis síns að
slíkri dvöl lokinni, sbr. 3. mgr. 2. gr. 1. nr. 35/1960 og 1. gr. 1. nr.
33/1981. Maður, sem stundar farmennsku, fiskveiðar eða flutninga-
starfsemi og hefur hvergi heimili, á lögheimili þar sem skip það eða
annað farartæki, sem hann starfar á, hefur aðalbækistöð sína, sjá 5.
gr. 1. nr. 35/1960, sbr. 4. tl. 1. mgr. 1. gr. 1. nr. 75/1981. Ákvæði 2,-
5. gr., sbr. 2. mgr. 1. gr. 1. nr. 35/1960 fjalla um ákvörðun lögheimilis
innan íslenzka ríkisins, sbr. 6. gr. um vafatilvik. Um lögheimili hjóna,
sambúðarfólks og barna eru ákvæði í 7. og 8. gr. 1. nr. 35/1960, sbr.
og 9. gi’. 1 samræmi við skilgreiningu 2. gr. 1. nr. 35/1960 á hugtakinu
heimili kemur fram hliðstæð regla í 10. gr. láganna um þá, sem
dveljast erlendis við nám, vegna veikinda eða heimsókna hjá venzla-
fólki um lengri eða skemmri tíma. Þeir skulu telja lögheimili sitt í
sveitarfélagi, þar sem þeir áttu lögheimili, er þeir fóru af landi brott.
Sama máli gegnir vafalaust um þá, sem afplána fangavist eða aðra
nauðungarvist erlendis. Islenzkir ríkisborgarar, sem gegna störfum
erlendis á végum ríkisins við sendiráð og ræðismannsskrifstofur Is-
lands og taka laun úr ríkissjóði, og þeir íslenzkir ríkisborgarar, sem
eru starfsmenn alþjóðastofnana, sem ísland er aðili að, skulu einnig
eiga lögheimili á Islandi, þar sem lögheimilið var, er þeir fóru af
landi brott, sjá 2. mgr. 10. gr. 1. nr. 35/1960, sbr. 1. gr. 1. nr. 42/1966,
og athugasemd við 1. gr. 1. nr. 40/1978, sbr. nú 1. gr. 1. 75/1981. Dvelj-
3) Framtals- og skattlagningarstaður einstaklinga, skattskyldra á íslandi, er nánar
ákvarðaður í 1. mgr. 90. gr. 1. nr. 75/1981 eftir því, hvaða tengsl við ríkið skatt-
skyldan miðast við á tilteknu tímamarki. Hið sama á við um ákvörðun þess,
hvaða sveitarfélag telst útsvarskrefjandi skv. 2. mgr. 22. gr. 1. nr. 73/1980.
8