Tímarit lögfræðinga - 01.06.1982, Blaðsíða 25
ur ríki eða af öðrum ástæðum, sbr. 2. mgr. 64. gr. Það hjóna, sem
skattskylt er að fullu hér á landi, skal þá skattlagt sem einstaklingur.
Nánari ákvæði um ákvörðun teknanna eru í 2. mgr. 64. gr.
Ekkert sambærilegt ákvæði er um takmarkaða eignarskattskyldu
hjóna, enda skal miða eignarskatt við eignarskattsstofn í árslok, sbr.
79. gr. laganna.
5) Framtalsskylda einstaklinga helzt að mestu í hendur við skatt-
skylduna, sbr. 91. gr. 1. nr. 75/1981. Ekki er sérstaklega vikið að hjón-
um í ákvæðinu. Hjón eru bæði framtalsskyld og skulu undirrita skatt-
framtal. 1 framkvæmd er hjónum sent sameiginlegt framtalseyðublað,
þar sem framtalsreitum er skipað í samræmi við reglur laganna um
skattstofna í 68. og 81. gr. Hvorugt hjóna getur að fullu annazt fram-
tal hins í umboði þess eða tekið ábyrgð á því, sbr. þó 4. mgr. 91. gr.
Hjón eru hvort um sig ábyrg fyrir framtali launatekna sinna, en sam-
eiginléga eru þau ábyrg fyrir framtali annarra tekna svo og eigna.
Undirritun annars hjóna er hvorki fullnægjandi né bindandi fyrir hitt.
1 framkvæmd er framtal raunar lagt til grundvallar, þótt það sé að-
eins undirritað af öðru hjóna. Við kærumeðferð er reglunni um undir-
skrift beggja hjóna hins vegar fylgt eftir. Vanti þá undirskrift ann-
ars, er t.d. allur eignarskattsstofn hjónanna áætlaður. Hafi hjón ekki
skilað framtali sínu, verður að áætla tekjur og eignir þeirra beggja.
Það stoðar ekki annað hjóna að bera fyrir sig vanrækslu hins. Makan-
um bar að útvega sér framtalseyðublað og telja fram sérstaklega, ef
hann vildi firra sig viðurlögum.
6) Tekjuskattsstofn hjóna er ákvarðaður með þrennu móti í 63. gr.
1. nr. 75/1981, eftir því hvort um er að ræða: (1) launatekjur og aðr-
ar tekjur skv. A-lið 7. gr. (hrein sérsköttun), (2) eignatekjur (sam-
sköttun hjá því hjóna, sem hærri hefur hreinar tekjur skv. A-lið 7.
gr.), sbr. og 1. mgr. 65. gr. um tekjur barna, eða (3) atvinnurekstrar-
tekjur (samsköttun hjá því hjóna, er stendur fyrir rekstrinum).
a) Launatekjur og aðrar tekjur skv. A-lið 7. gr. ber hvoru hjóna um
sig að telja fram, og eru hjónin skattlögð sitt í hvoru lagi. Frá þess-
um tekjum skal draga tilteknar tekjur, hlunnindi og kostnað sam-
kvæmt A- og C-liðum 1. mgr. 30. gr., áður en álagning fer fram, en
það eru frádráttarliðir tengdir launatekjum og öðrum tekjum skv. A-
lið 7. gr., þ.e. skyldusparnaður manns á aldrinum 16-25 ára, ferða-
kostnaður, útgjöld vegna móttekins risnufjár og ökutækjastyrkja, til-
tekin hlunnindi, þegar sérstaklega stendur á (fæði, fatnaður, húsnæði
o.fl.), kostnaður vegna handverkfæra, skattfrjálsar tekjur, sbr. 5. og
7. tl. A-liðs 1. mgr. 30. gr., helmingur greiddra barnsmeðlaga, sjó-
19