Tímarit lögfræðinga - 01.06.1982, Blaðsíða 12
stofni eftir mati skattstjóra eða ríkisskattstjóra, sjá 1. og 7. tl. 1.
mgr., sbr. 2. mgr. 66. gr., sjá einnig 4. og 5. mgr. 23. gr. og 1. mgr. 27.
gr. 1. nr. 73/1980. Með 20. gr. 1. nr. 25/1981 var upphafi 66. gr. breytt
þannig, að skattstjóri skal nú taka til greina umsóknir um lækkun.
Lækkunarástæður þær, sem taldar eru upp í ákvæðinu, eru hins vegar
háðar mati skattstjóra hverju sinni. 1 breytingunni felst því einkum
áherzlumunur af hálfu löggjafans. 1 2. mgr. 80. gr., sem lögfest var
með 23. gr. 1. nr. 25/1981, er hins vegar notazt við heimildarformið.
Skattskyldu lýkur við lát skattþegns. Ef hinn látni hefur verið í
hjúskap, á eftirlifandi maki þess kost að velja um, hvort hann telur
fram allar tekjur sínar og hins látna á andlátsári hans í samræmi við
ákvæði 63. gr. eða lætur skattleggja sig sem einstakling frá dánar-
degi makans að telja, sbr. 1. mgr. 64. gr. 1. nr. 75/1981, sbr. 6. mgr.
23. gr. 1. nr. 73/1980. Dánarbú, sem eru undir skiptum, eru skattlögð sem
lögaðilar. Gildir það jafnt hvort sem dánarbúi er skipt einkaskiptum
eða opinberum skiptum, sjá 5. tl. 1. mgr. 2. gr., sbr. 2. mgr. 91. gr. 1.
nr. 75/1981.
III. Aðalreglan um skattskyldu einstaklinga.
Skylda til að greiða tekjuskatt af öllum tekjum, hvar sem þeirra
er aflað, og eignarskatt af öllum eignum, hvar sem þær eru, hvílir
á einstaklingum, sem eru í tengslum við íslenzka ríkið með ferns
konar móti, sbr. 1. gr. 1. nr. 75/1981:
1) Þeim, sem heimilisfastir eru hér á landi.
2) Þeim, sem heimilisfastir hafa verið hér á landi, en flutt úr landi
og fellt hafa niður heimilisfesti hér, nema þeir sanni, að þeir séu
skattskyldir í öðru ríki á sama hátt og menn heimilisfastir þar
og hafi fullnægt þeim skattskyldum sínum. Skattskylda þessi
gildir þó aðeins í 3 ár frá næstu áramótum eftir brottflutnings-
dag.
3) Þeim, sem dvelja hér á landi lengur en samtals 183 daga á sama
almanaksári, þar með talin eðlileg fjarvera héðan af landi vegna
orlofs eða þess háttar.
4) Þeim, sem eigi falla undir ákvæði 1.-3. tl. 1. mgr., en starfa sam-
tals lengur en 183 daga á sama almanaksári, þar með talin eðli-
leg fjarvera frá starfi vegna orlofs og þess háttar, um borð í loft-
fari eða skipi, sem skráð er hér á landi, sbr. 4. tl. ákvæðisins.
Af ofangreindu er Ijóst, að ákvæðin um tengsl skattaðila við ríkið
eru mjög rúm. Þar er ekki látið nægja t.d. ríkisfang. Fyrst og fremst
6