Morgunblaðið - 05.10.2012, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 5. OKTÓBER 2012
Kjartan Kjartansson
kjartan@mbl.is
„Ef þetta yrði tekið inn myndi það
slá aðeins á það óréttlæti að veikasta
fólkið borgi hátt í þrjá milljarða á ári
í skatt á sjúklega neyslu sína og að
hluti af þeim fjármunum verði varið
til að hjálpa því fólki til betra lífs,“
segir Gunnar Smári Egilsson, for-
maður SÁÁ, en samtökin safna nú
undirskriftum til að hvetja til frum-
varps um að 10% áfengisgjalds renni
til þolenda áfengis- og vímuefna-
vandans. Söfnunin hófst í gær.
Sveitarfélög fjárvana
Tillaga SÁÁ felur enn fremur í sér
að féð renni í sérstakan samning á
milli ríkisins og sveitarfélaga til að
byggja upp félagslega þjónustu.
Gunnar Smári bendir á að úrræði
fyrir veikustu sjúklingana eins og
búsetuúrræði og úrræði fyrir börn á
heimilum þar sem er mikið álag af
völdum ofneyslu sé á forræði sveitar-
félaganna. Þau séu mjög mörg, mörg
þeirra fámenn og flest fjárvana.
Vandinn hafi vaxið að undanförnu
og samfélagið orðið harðara. Þeim
sem séu veikir fyrir sé ýtt meira út á
jaðar samfélagsins.
„Sjúklingarnir sem koma til okkar
eru verr settir félagslega en þeir
voru fyrir 10-15 árum. Þessi óleysti
vandi hefur vaxið og við teljum
ómögulegt að sveitarfélög hafi bol-
magn til að mæta þessu nema eitt-
hvað komi til. Við bjóðum þjóðinni að
styðja frumvarp til að auka mannúð
og réttlæti í samfélaginu. Við teljum
það tímabært,“ segir hann.
Hluti áfengisgjalds fari
í að hjálpa fólki til betra lífs
 SÁÁ safnar undirskriftum til að hvetja til lagafrumvarps
Morgunblaðið/Ómar
SÁÁ Gunnar Smári hóf undir-
skriftasöfnunina í gærdag.
Splunkunýr Stúdentakjallari
Guðrún Sóley Gestsdóttir
gudrunsoley@mbl.is
„Við stefnum ótrauð á að fá nýjan
Stúdentakjallara afhentan 1. desem-
ber,“ segir Guðrún Björnsdóttir,
framkvæmdastjóri Félagsstofnunar
stúdenta (FS). Um þessar mundir er
unnið hörðum höndum að byggingu
nýs Stúdentakjallara sem mun rísa í
viðbyggingu við Háskólatorg Há-
skóla Íslands. Að sögn Guðrúnar
miðar framkvæmdum vel þó örlítil
seinkun hafi orðið. „Staðan á verk-
inu er þannig í augnablikinu að búið
er að loka kjallaranum og steypa
plötuna ofan á hann. Sífellt skýrari
mynd kemst á þetta á hverjum
degi,“ segir Guðrún. „Þegar við
fáum bygginguna afhenta munum
við opna dyrnar og gera eitthvað
skemmtilegt fyrir stúdenta.“
Uppákomur af öllu tagi
Verkið er tvískipt og fyrsti áfang-
inn er sem fyrr segir Stúdentakjall-
arinn. Í febrúar á næsta ári verður
svo seinni áfanginn tekinn í notkun
en það er viðbygging við torgið
sjálft.
Innt eftir lýsingu á væntanlegri
starfsemi stúdentakjallarans segir
Guðrún hana verða fjölbreytta.
„Stúdentakjallarinn á að verða
skemmtilegur staður fyrir stúdenta
sem opinn er alla daga og öll kvöld.
Við stefnum á að vera með matsölu,
kaffihús og smáréttaseðil frá hádegi
og fram á kvöld alla daga. Á kvöldin
stefnum við svo á að hafa þéttskip-
aða dagskrá með uppákomum af öllu
tagi sem við munum vinna með stúd-
entum,“ segir Guðrún. Margir hugsa
með söknuði til gamla Stúdentakjall-
arans. Hann var rekinn í rúm 30 ár
og eiga margir þaðan sínar lífleg-
ustu minningar tengdar háskóla-
árunum. Aðspurð hvort hinn nýi
kjallari verði rekinn með svipuðu
sniði segir hún að vonir séu bundnar
við að hann muni skipa jafn stóran
sess í háskólalífinu og sá gamli gerði.
„Við vonumst meðal annars til þess
að Stúdentakjallarinn öðlist aftur
það hlutverk að vera staður þar sem
ungir tónlistarmenn fá tækifæri til
að koma sér á framfæri. Margar af
stórstjörnum íslensks tónlistarlífs
hófu ferilinn á sviði Stúdentakjall-
arans og við munum reyna að endur-
gera þann vettvang,“ segir Guðrún
Björnsdóttir.
 Stefna á opnun 1. desember  Verður opinn alla daga og öll kvöld  Verði
staður þar sem ungir tónlistarmenn fái tækifæri til að koma sér á framfæri
Morgunblaðið/Kristinn
Glæsileg viðbót „Við stefnum á að vera með matsölu, kaffihús og smáréttaseðil frá hádegi og fram á kvöld alla
daga. Á kvöldin stefnum við svo á að hafa þéttskipaða dagskrá með uppákomum af öllu tagi,“ segir Guðrún.
Baldur Arnarson
baldura@mbl.is
Miklir annmarkar eru taldir vera á því að hefja
hljóðritanir af ríkisstjórnarfundum, líkt og
kveðið er á um í nýjum lögum um Stjórnarráðið.
Umrætt lagaákvæði átti að taka gildi 1. janúar
sl. en gildistökunni var frestað til 1. nóvember,
m.a. með þeim rökum að skoða þyrfti lagaleg
álitaefni vegna hljóðritana og kanna áhrif þeirra
á starfshætti ríkisstjórna.
Samkvæmt lagaákvæðinu skulu fundirnir
teknir upp og upptökurnar opinberaðar 30 árum
síðar. Ákvæðið var ekki í nýjum lögum um
Stjórnarráðið en kom inn fyrir 3. umræðu máls-
ins eftir breytingartillögu allsherjarnefndar.
síðar breytt lögum um aðgang að upptökunum.
Er þessi leið talin þurfa að bíða niðurstöðu um
stjórnarskrárbreytingar eftir næstu kosningar.
Breyta þyrfti mörgum lögum
Samkvæmt heimildum Morgunblaðsins er
það mat Róberts að ekki séu fyrir hendi sann-
færandi rök fyrir því að hefja hljóðritun, enda
tryggi þau ekki gagnsæi og kunni jafnframt að
breyta eðli ríkisstjórnarfunda. Til dæmis geti
lög um ráðherraábyrgð, sem landsdómsmálið
snerist að hluta um, leitt til þess að ráðherrar
hiki við að lýsa yfir stuðningi við mál.
Þá þurfi að breyta upplýsingalögum til að
koma í veg fyrir að almenningur og fjölmiðlar
geti krafist aðgangs að upptökunum.
stjórnarfundir skuli hljóðritaðir. Í öðru lagi að
slá gildistökunni aftur á frest til að kanna málið
betur. Í þriðja lagi að gera þær lagabreytingar
sem taldar eru nauðsynlegar svo ákvæðið geti
tekið gildi, en talið er að breyta þurfi ellefu lög-
um, þ.m.t. lögum um ráðherraábyrgð og um
Ríkisendurskoðun. Líklegt er talið að þessi
kostur leiði til þess að gildistaka ákvæðisins
frestist, enda taki tíma að breyta lögum.
Girt sé fyrir aðgang eftirlitsaðila
Fjórði og síðasti kosturinn sé að girða alfarið
fyrir aðgang að upptökunum og eru sérstakir
eftirlitsaðilar þá ekki undanskildir. Í þessu efni
er horft til þess möguleika að gera breytingar á
stjórnarskránni þannig að Alþingi geti ekki
Tveir sérfræðingar, þeir
Róbert Spanó lagaprófessor
og Gunnar Helgi Kristins-
son, prófessor í stjórnmála-
fræði, báðir við Háskóla Ís-
lands, voru fengnir til að
vinna álitsgerðir um lögin.
Róbert fann lagalega ann-
marka á lögunum en Gunn-
ar Helgi fann hvergi for-
dæmi fyrir svona
hljóðritunum.
Samkvæmt heimildum Morgunblaðsins er
það niðurstaða Jóhönnu Sigurðardóttur for-
sætisráðherra að fjórir kostir séu í stöðunni. Í
fyrsta lagi að fella niður lagaákvæði um að ríkis-
Annmarkar taldir á upptökum
 Lagaákvæði um að ríkisstjórnarfundir skuli teknir upp í óvissu  Átti að taka gildi 1. nóvember nk.
 Forsætisráðherra telur fjóra möguleika í stöðunni  Til greina kemur að fella lagaákvæðið úr gildi
Jóhanna
Sigurðardóttir
Hugsanleg brot frambjóðenda sem
tóku þátt í prófkjöri vegna sveitar-
stjórnarkosninganna 2010 á lög-
bundinni upplýsingaskyldu eru að
öllum líkindum fyrnd. Þetta má lesa
út úr bréfi ríkissaksóknara til ríkis-
endurskoðanda.
Samkvæmt lögum um fjármál
stjórnmálasamtaka og um upplýs-
ingaskyldu ber frambjóðendum að
skila Ríkisendurskoðun árituðum
reikningum eigi síðar en þremur
mánuðum frá því að kosning fór
fram. Ríkisendurskoðandi átti ný-
verið fund með ríkissaksóknara og
lögreglustjóra um túlkun refsi-
ákvæða laganna. 442 frambjóð-
endur tóku þátt í prófkjöri eða for-
vali flokkanna vorið 2010. Hátt í
200 þeirra eiga enn eftir að skila
uppgjöri til Ríkisendurskoðunar.
Brot frambjóðenda í
prófkjöri árið 2010
eru líklega fyrnd
Sérstakt neyðarskýli Rauða kross-
ins verður sett upp gegnt Stjórnar-
ráði Íslands í dag í tilefni af lands-
söfnuninni Göngum til góðs.
Klukkan tíu árdegis munu Anna
Stefánsdóttir, formaður Rauða
krossins, og Ómar Ragnarsson fjöl-
miðlamaður ganga úr neyðarskýl-
inu og banka upp á dyr Stjórnar-
ráðsins þar sem ríkisstjórn Íslands
fundar og bjóða henni að styrkja
söfnunina.
Söfnunarféð rennur til að styðja
bágstadda víða um heim en fyrri
safnanir eru sagðar hafa bjargað
mannslífum og rétt hlut þeirra sem
eiga undir högg að sækja.
Munu banka á dyr
Stjórnarráðsins