Morgunblaðið - 05.10.2012, Blaðsíða 10
10 DAGLEGT LÍF
MORGUNBLAÐIÐ FÖSTUDAGUR 5. OKTÓBER 2012
Kristín Heiða Kristinsdóttir
khk@mbl.is
Við reynum alltaf að hafasem mest af ungu fólki ogkrökkum í sýningunumokkar. Fullt af krökkum
bæði úr tónlistarskólanum hér og
menntaskólanum ætlar að sjá um
að flytja þá lifandi tónlist sem er í
þessari sýningu, og svo eru tvær
ungar leikkonur í leikarahópnum.
Sigríður Salvar sem leikur köttinn
er á fyrsta ári í menntaskólanum og
Kristín Harpa Jónsdóttir sem leik-
ur barnið er grunnskólanemi,“ segir
Sveinbjörn Hjálmarsson, eða Simbi,
en hann er meðlimur í Litla leik-
klúbbnum á Ísafirði sem á morgun,
laugardag, frumsýnir leikritið Kött-
urinn sem fer sínar eigin leiðir, eft-
ir Ólaf Hauk Símonarson.
Óvenjulegur getnaður
„Þetta er sannkölluð
fjölskyldusýning og mikið ævintýr,
þar sem meðal annars er lagt út frá
sköpunarsögunni. Ég leik eina karl-
manninn í leikritinu en eina konan í
sýningunni er búin til úr rifbeini
mínu, sem reyndar var stolið úr
mér. Við konan búum saman í helli
og eignumst barn en sá getnaður er
frekar óvenjulegur, ég leggst hjá
konunni og uppfylli heiminn af
sjálfum mér og í framhaldinu
galdrar hún á einhvern hátt í sig
krakkann. Hún er svolítið göldrótt
þessi rifbeinskona. Tilvist barnsins
veldur heilmiklum usla hjá dýr-
unum í skóginum sem öll vilja kom-
ast inn í hellinn og njóta hlýjunnar
þar. Þau vilja líka fá að éta villimat-
inn sem konan eldar einmitt í þeim
tilgangi að tæla til sín hundinn,
kúna, hestinn og köttinn. Reyndar
vill enginn hafa köttinn í hellinum
en hann er svolítið slóttugur og
finnur sér leiðir. Hann er til dæmis
sá eini sem getur kætt barnið þegar
það öskrar. Þetta er skemmtileg
sýning með söng og hamagangi,“
segir Simbi sem játar að í honum sé
þó nokkur frumsýningarskjálfti
eins og vera beri. Og hann gerir allt
fyrir leiklistina, meðal annars að
koma fram í hlébarðaskýlu einni
fata, eins og raunin er í leikritinu
um köttinn.
Óvart í Skugga-Sveini
Simbi flutti til Ísafjarðar árið
Rifbeini stolið og úr
því sköpuð kona
Litli leikklúbburinn á Ísafirði er metnaðarfullt leikfélag sem setur mikinn svip á
bæjarlífið. Á morgun frumsýnir það Köttinn sem fór sínar eigin leiðir og meðal
leikara er Simbi, en hann leikur eina karlinn í sýningunni.
Eyrnatog Maggi tekur sig vel út í
hlutverki hundsins eyrnastóra.
Klókur Kötturinn einn getur kætt
barnið þegar það orgar og hrín.
Á vefsíðunni hipyoungthing.com er
hægt að fylgjast með ungum hönn-
uðum og því sem þeir eru helst að
fást við hverju sinni. En einnig er á
síðunni að finna efnisflokkana tísku,
kvikmyndir, tónlist og ljósmyndun. Á
vefsíðunni má t.d. sjá fallega lykla-
hönnun frá Good Worth Keys og fara í
sýndarferð um New York. Sér maður
þar borgina úr lofti sem er nokkuð
magnað. Einnig er hægt að nálgast
ótal rafræn tímarit af vefsíðunni og
almennt fríska huga sinn og hug-
myndir við með frumlegu efni sem
þarna er að finna. Hipyoung-
thing.com er skemmtileg síða fyrir
listræna lífskúnstera sem langar til
að skoða hvað þeirra líkar um víðan
heim eru að aðhafast.
Vefsíðan www.hipyoungthing.com
Ljósmynd/Norden.org
Listrænt Fallegt kaðalhjarta í sandi en í sandinn má líka teikna falleg orð.
Listrænir lífskúnstnerar
Polina Shepherd, ein skærasta
stjarnan í sunginni klezmertónlist,
verður heiðursgestur Klezmerveizlu
sem Söngfjelagið býður til í Fríkirkj-
unni í Reykjavík dagana 5.-6. október.
Á föstudagskvöldinu og laugardeg-
inum verða opnar æfingar undir
stjórn Polinu og Hilmars Arnar Agn-
arssonar, stjórnanda Söngfjelagsins.
Æfingarnar eru opnar fyrir alla þá
sem hafa áhuga á að vera með og eru
vanir að syngja í kór. Veislunni lýkur
síðan með tónleikum í Fríkirkjunni kl.
20 á laugardagskvöldinu 6. október.
Sjá nánar á Facebook undir heiti við-
burðarins.
Endilega…
…sækið opnar
söngæfingar
Skær stjarna Polina Shepherd.
Bókin um Ronju ræningjadóttur er
nú loksins fáanleg á ný. Sagan af
Ronju gerist í Matthíasarskógi þar
sem ræningjaforinginn Matthías
faðir Ronju ræður ríkjum. En skóg-
urinn er fullur af ævintýrum,
rassaálfum og öðrum furðuverum
Nóttina sem Ronja fæðist klífur
ægileg elding Matthíasarkastalann
í tvennt og þá verður Helvítisgjáin
til. Þegar Borki erkifjandi Matthías-
ar flytur inn í kastalarústirnar hin-
um megin við Helvítisgjána ásamt
ræningjaflokknum sínum steðjar
ógn að ríki Matthíasar. Með Ronju
og Birki, son Borka, tekst hins veg-
ar djúp vinátta í óþökk foreldra
þeirra og bregða þau á það ráð að
flýja út í Matthíasarskóg eftir að
Matthías afneitar dóttur sinni.
Kemur bókin nú út í sjöunda
sinn en hún kom fyrst út árið 1981
á íslensku, sama ár og sænska
frumútgáfan. Þessi skemmtilega
bók Astridar Lindgren um Ronju
sem ekkert vílar fyrir sér hefur
verið ófáanleg í nokkur ár. Því er
fagnaðarefni fyrir börn og foreldra
að geta lesið þessa bók saman á
ný. Bókin er í þýðingu Þorleifs
Haukssonar.
Bókin um Ronju ræningjadóttur endurútgefin
Ævintýri Ronju
í Matthíasar-
skógi
Bók Ronja ræningjadóttir.
Bók Bróðir minn Ljónshjarta.
Skannaðu kóðann
til að fara inn á
vefsíðuna.
Litli leikklúbburinn á Ísafirði frumsýnir fjölskylduleikritið Kötturinn sem
fer sínar eigin leiðir eftir Ólaf Hauk Símonarson í Edinborgarhúsinu á Ísa-
firði, í dag laugardag kl 15. Leikritið er byggt á sögu Rudyard Kipling en
tónlist og texta semur Ólafur Haukur. Leikstjóri er Halldóra Björnsdóttir.
Næstu sýningar eru á morgun, sunnud 7. okt., kl 15, þriðjud 9. okt. kl 20
og fimmtud 11. okt. kl 20. Frítt fyrir 6 ára og yngri, 1700 kr fyrir 7-12 ára
en 2.200 fyrir 13 ára og eldri. Öryrkjar og eldri borgarar: 1700 kr. Innifalið
í miðaverði er kakó/kaffi og kaka í Edinborg Bístró Bar með dýrunum úr
leikritinu eftir sýningu.
Kötturinn sem fer sínar eigin leiðir
FJÖLSKYLDULEIKRIT
Hádegisverðartilboð
Tvíréttað í hádegi frá 1.890,-
Fljót og góð þjónusta
Veitingastaður / verslun
Nethylur 2 • 110 Reykjavík • Sími: 587 2882 • galleryfiskur.is