Morgunblaðið - 05.10.2012, Blaðsíða 14
14 FRÉTTIRInnlent
MORGUNBLAÐIÐ FÖSTUDAGUR 5. OKTÓBER 2012
Ágúst Ingi Jónsson
aij@mbl.is
Áform eru um að endurbyggja veiðikofann í
Hrunakrók, sem er á efsta veiðisvæði Stóru-
Laxár í Hreppum. Þarna gæti orðið minja-
eða sögusafn til minningar um veiðimennina
sem þarna áttu sitt annað lögheimili fyrir
áratugum. Húsið er aðeins níu fermetrar og
yrði sennilega minnsta minjasafn landsins.
Esther Guðjónsdóttir, bóndi í Sólheimum
og formaður veiðifélagsins, segir að búið
hafi verið í Hrunakrók fram yfir aldamótin
1900. Veiðihúsið þar eigi sér skemmtilega
sögu allt frá því að það var notað sem varð-
skýli í seinna stríðinu og síðan sem veiðikofi
þar sem margir þjóðkunnir menn hafi dvalið
mörg sumur. Þeirra þekktastur sé eflaust
Guðmundur Einarsson frá Miðdal.
Endurbyggður í upprunalegri mynd
Esther segir að stjórn veiðifélagsins sé að
skoða málið, bæði kostnað og hvernig best
verði að verkinu staðið, en leigutakinn sé
einnig áhugasamur um endurgerðina. Senni-
lega verði kofinn sóttur og endurbyggður á
verkstæði og reynt verði að hafa hann í
upprunalegri mynd. Hægt sé að nýta timbr-
ið úr kofanum að hluta, en hins vegar sé
bárujárn og gólf ónýtt.
Lax-á er með Stóru-Laxá á leigu og segir
Árni Baldursson, eigandi fyrirtækisins, að
vonandi verði hugmyndin að veruleika í
samvinnu veiðifélagsins og leigutaka. Ekki
sé um mikinn kostnað að ræða og giskar á
1-2 milljónir króna. „Þetta er trúlega eitt
minnsta veiðihús landsins, en á sér
stórskemmtilega sögu,“ segir Árni.
Viljum fanga þessa gömlu sögu
„Þarna voru miklar kempur við veiðar og
veiðifélagið Flugan var nátengt þessu húsi.
Menn fóru þá gangandi eða ríðandi fram
Laxárdalinn og dvöldu oft marga daga í
veiðihúsinu og veiddu margan stórlaxinn.
Okkur langar að gera þarna minnsta
sögusafn á Íslandi og ætlum að safna saman
gömlum myndum, veiðibókum og ýmsu því
sem hefur verið skrifað um staðinn. Þarna
gætu veiðimenn á efsta veiðisvæðinu kastað
sér í hádegishléi, fengið sér bita og yljað
sér við hitann frá kabyssunni. Húsið yrði
opið yfir sumarið og það er bílfært langleið-
ina í Hrunakrók. Við efumst ekki um að
gengið yrði vel um það. Að mínu mati þyrfti
mjög eindreginn brotavilja til að skemma
húsið á þessum fallega, afskekkta stað.
Við viljum fanga þessa gömlu sögu og
koma henni á framfæri á þessum einstaka
stað. Þessi saga er skemmtileg og stór-
merkileg fyrir okkur veiðimenn,“ segir
Árni.
Ljósmynd/Esther Guðjónsdóttir
Komið til ára sinna Veiðihúsið hefur staðið í Hrunakrók í um 70 ár.
Ljósmynd/Esther Guðjónsdóttir
Afdrep Veiðimenn sváfu í kojunum og yljuðu sér við hita frá kabyssunni.
Minnsta minjasafnið í veiðikofa
Hugmyndir um að endurbyggja veiðikofann í Hrunakrók við Stóru-Laxá Sögusafni yrði komið
fyrir á níu fermetrum Margir veiðimenn áttu þarna sitt annað lögheimili um miðja síðustu öld
Guðmundur Daníelsson rithöfundur fjallar
um uppár Árnessýslu í riti sínu Vötn og
veiði. Í samtali við Friðrik Þorsteinsson er
greint frá byggingu kofans við Hrunakrók
upp úr 1940. Þar kemur fram að flekahús
hafi verið keypt af setuliðinu.
„Við fluttum flekahúsið í sundurlausum
pörtum upp að Kaldbak í Hrunamanna-
hreppi, því að svo átti að heita að þangað
væri bílfært. Síðan var ekki hægt að komast
lengra með það um sumarið, svo að við
fengum þá til þess, karlana þarna austur frá,
að flytja það áfram um veturinn. Einhvern
veginn drösluðu þeir því inn eftir, ég veit
ekki hvernig, en þeir komu því inn eftir að
minnsta kosti. Sumarið eftir reistum við
húsið og gengum alveg frá því að utan og
settum í það gamla skipskabyssu, sem ég
náði einhvers staðar í,“ segir Friðrik m.a. í
samtali við Guðmund Daníelsson. Timbur í
kojur og innréttingu var flutt síðar á hestum
í Hrunakrók.
„Drösluðu því inn eftir“
HÚSIÐ VAR FLUTT Í HRUNAKRÓK Í ÁFÖNGUM
Rannsóknarsetur um nýsköpun og
hagvöxt efnir til alþjóðlegrar ráð-
stefnu um sjálfbærar og arðbærar
fiskveiðar á morgun, laugardag.
Ráðstefnan fer fram í Öskju,
stofu N-132, í Háskóla Íslands og
hefst klukkan 13.00. Dagskráin er
fjölbreytt og stendur til 18.30.
Rakel Ólsen útgerðarmaður flyt-
ur setningarávarp. Fyrirlesarar og
umsegjendur verða Árni Mathie-
sen, forstöðumaður fiskveiðideildar
Matvæla- og landbúnaðarstofnunar
Sameinuðu þjóðanna, dr. Gunnar
Haraldsson, sérfræðingur hjá
OECD, Michael Arbuckle, sérfræð-
ingur hjá Alþjóðabankanum, dr.
Þráinn Eggertsson, prófessor í
hagfræði í Háskóla Íslands, og dr.
Ragnar Árnason, prófessor í auð-
lindahagfræði í Háskóla Íslands.
Sérfræðingar koma víða að
Þá flytja erindi dr. Rögnvaldur
Hannesson, prófessor í fiski-
hagfræði í Viðskipaháskólanum í
Björgvin, dr. Ásgeir Jónsson hag-
fræðingur, dr. Birgir Þór Runólfs-
son, dósent í hagfræði í Háskóla Ís-
lands, Helgi Áss Grétarsson,
dósent í lögfræði í Háskóla Íslands,
og Michael De Alessi, rannsókn-
arfélagi hjá stofnuninni Reason Fo-
undation, Kaliforníu. Loks mun
Brian Carney, ritstjóri leiðarasíðu
Wall Street Journal (WSJ) Europe,
reifa niðurstöður. Ætlunin er að
gefa erindin á ráðstefnunni út í bók
undir ensku heiti ráðstefnunnar,
„Fisheries: Sustainable and Prof-
itable“.
Guðrún Lárusdóttur útgerðar-
maður lýkur ráðstefnunni með
stuttu ávarpi. Fyrri hluti ráðstefn-
unnar er undir yfirskriftinni
„Fræðileg greining“ og er fund-
arstjóri þá Ásta Möller. Síðari hlut-
inn er undir yfirskriftinni „Hagnýt
úrlausnarefni“ og er fundarstjóri
þá dr. Stefanía Óskarsdóttir.
Morgunblaðið/Ómar
Loðnuveiði úti af Stafnesi Fjöldi
sérfræðinga sækir ráðstefnuna.
Alþjóðleg ráðstefna
um sjálfbærar veiðar
Ritstjóri hjá
WSJ í pallborði