Morgunblaðið - 05.10.2012, Blaðsíða 35

„Ég beið spenntur eftir því að fá
byssuleyfi og eftir því að fá bílpróf
svo ég væri ekki öðrum háður með
að komast á veiðar. Ég hef mjög
gaman af rjúpnaveiði og jafnvel
hreindýraveiðum en laxveiðin hefur
samt alltaf verið númer eitt.
Sérfræðingur í laxveiðiám
Starf mitt felst fyrst og fremst í
því að útvega erlendum veiðimönn-
um veiði við þær aðstæður sem
þeir sækjast eftir. Ég hef grand-
skoðað íslenskar laxveiðiár og veitt
í þeim vítt og breitt um landið í tvo
áratugi. Sjálfur er ég ekki með ár á
leigu svo að í þessum efnum hef ég
engra annarra hagsmuna að gæta
en að gera viðskiptavini mína
ánægða.
Veiði í íslenskum ám er oft flókn-
ari en heildarveiðitölur segja til
um. Ein af mörgum ástæðum þess
er sú að vatnsleysi hefur hrjáð
margar ár yfir hásumartímann sl.
15-20 ár, einkum á Suðurlandi.
Laxagöngur hafa verið að færast til
og stórlöxum að fækka. Þetta hefur
víða haft það í för með sér að veiði
hefur minnkað undanfarin ár yfir
hásumartímann þó að hún glæðist
töluvert með haustrigningum í
ágúst og september. Sá fiskur sem
þá veiðist er hins vegar töluvert
leginn og ekki eins eftirsóttur.
Heildaraflatala ánna segir því ekki
alla söguna um veiðihorfur yfir há-
sumarið sem er dýrmætasti tím-
inn.“
Með Bush, Nicklaus og Diaz
Ferðu ekki stundum með stór-
stjörnur í veiðiferðir?
Jú, það hefur komið fyrir. Ég fór
með George Bush í Selá í Vopna-
firði árið 2006, en hún er líklega ein
af þremur bestu ám í heiminum í
dag. Það var afskaplega skemmti-
leg ferð. Hann lék á als oddi og var
afskaplega þægilegur og afslapp-
aður. Þá var það ævintýri að fylgj-
ast með allri öryggisgæslunni.
Þá hef ég farið nokkrum sinnum
með golfmeistaranum Jack Nick-
laus í íslenskar ár. Hann var alltaf
aflahæstur og afar ánægður enda
mjög kappsfullur maður. Þá var
Cameron Diaz í hópi hjá mér sem
veiddi í Vatnsdalsá, árið 2005, en
þá var hún tekjuhæsti leikari
Hollywood. Hún er sjálf nákvæm-
lega sá persónuleiki sem hún yf-
irleitt leikur, ærslafullur fjörkálfur
og ósköp elskuleg við alla.“
Fjölskylda
Eiginkona Vigfúsar er Guðrún
Ósk Óskarsdóttir, f. 30.3. 1975,
nemi í lögfræði við HÍ. Hún er
dóttir Óskars Rafns Þorgeirssonar,
verkstjóra á Akranesi sem nú er
látinn, og Guðbjargar Guðrúnar
Greipsdóttur skrifstofumanns.
Systir Vigfúsar er Hulda Orra-
dóttir, f. 5.5. 1974, MA í lýð-
heilsufræði og verkefnastjóri við
Endurmenntunarskóla Tækniskól-
ans, búsett í Reykjavík, en dætur
hennar eru tvíburarnir Unnur Álf-
rún Huldudóttir, f. 24.12. 2010, og
Margrét Álfdís Huldudóttir, f.
24.12. 2010.
Foreldrar Vigfúsar eru Orri Vig-
fússon, f. 10.7. 1942, athafnamaður
og laxveiðifrömuður, og Unnur
Kristinsdóttir, f. 3.7. 1942, fyrrv.
starfsmaður Flugleiða.
Úr frændgarði Vigfúsar Orrasonar
Vigfús
Orrason
Ingibjörg Jónsdóttir
húsfr. í Brekkukoti og á Ríp
Sveinn Benediktsson
b. í Brekkukoti og á Ríp
Ástþrúður Jónína Sveinsdóttir
húsfr. á Akureyri
Kristinn Jónsson
forstj. Flugfélags Íslands á Akureyri
Unnur Kristinsdóttir
fyrrv. starfsm. Flugleiða
Pálína Kristjánsdóttir
húsfr. á Galtará
Jón Halldórsson
b. á Galtará
Sigríður Sigurðardóttir
húsfr. á Siglufirði
Sigurhjörtur Bergsson
rafveitustöðvarstj. á Sigluf.
Hulda Sigurhjartardóttir
húsfr. á Siglufirði
Vigfús Friðjónsson
síldarsaltandi og verkalýðsfrömuður á Sigluf.
Orri Vigfússon
athafnamaður og
laxveiðifrömuður
Ólína Margrét Jónsdóttir
húsfr. í Langhúsum
Friðjón Vigfússon
b. í Langhúsum í Fljótum
Brynjólfur Sveinsson
kennari við MA
Jón Kristinsson
matreiðslumeistari
Ragnheiður Brynjólfsdóttir
húsfr. á Seltjarnarn.
Hrafnkell Sveinsson
flugumferðarstj. í Rvík
Sigríður Hrafnkelsdóttir
fiðluleikari
Þorbjörn
Jónsson
læknir í
Rvík
Samhent í veiðinni Vigfús og kona
hans, Guðrún Ósk, með urriða.
ÍSLENDINGAR 35
MORGUNBLAÐIÐ FÖSTUDAGUR 5. OKTÓBER 2012
Vífill Karlsson hagfræðingurhjá Samtökum sveitarfélagaá Vesturlandi, hefur varið
doktorsritgerð sína við hag-
fræðideild Háskóla Íslands. Ritgerð-
in nefnist „Samgöngubætur og bú-
ferlaflutningar“ (e. Transportation
improvement and interregional
migration) og byggist á rannsókn
hans á landfræðilegum áhrifum
samgöngubóta á búferlaflutninga
sveitarfélaga. Í ritgerðinni er m.a.
greint frá íbúaþróun á Íslandi og
þróun samgöngukerfis landsins
samhliða henni. Hann rekur helstu
rannsóknir á búferlaflutningum á Ís-
landi sem gerðar hafa verið, fjallar
um kenningar og líkön sem tengjast
efninu og segir frá þremur rann-
sóknum sem framkvæmdar voru.
Vífill færir til dæmis rök fyrir því
í ritgerðinni að samgöngubætur
milli höfuðborgarsvæðisins og ann-
arra staða utan þess hafa meiri áhrif
á fasteignaverð þeirra staða sem
liggja næst borginni en þeirra sem
liggja fjær. Þá benda rannsóknir
hans til þess að samgöngubætur
milli stórs þjónustukjarna, s.s. þétt-
býlis, og dreifðari byggða hafa nei-
kvæð áhrif á búferlaflutninga nær-
liggjandi samfélaga landsbyggðar-
innar en jákvæð áhrif á þau sem fjær
eru, að öllum öðrum áhrifaþáttum
óbreyttum. Rannsóknin tók mið af
öllum samgöngubótum í landinu,
vegstyttingum eða vegklæðningum,
á árabilinu 1994-2006 sem fólu í sér
minni ferðatíma milli staða.
 Vífill fæddist í Ólafsvík 22. des-
ember 1965 og ólst þar upp. Hann er
sonur hjónanna Önnu Elísabetar
Oliversdóttur og Karls Vals Karls-
sonar. Eiginkona Vífils er Jónína
Erna Arnardóttir og eiga þau börn-
in Val Örn og Unni Helgu. Ritgerðin
hefur verið gefin út á bók en að auki
hefur Vífill fengið birtar greinar
byggðar á einstökum þáttum rann-
sóknarinnar t.d. í erlendum fræðirit-
um. Doktorsvörn Vífils er sú fyrsta
við hagfræðideild Háskólans eftir að
hún varð sjálfstæð deild árið 2008.
Doktor
Doktor í hagfræði
90 ára
Guðrún Árnadóttir
85 ára
Hallgerður Pálsdóttir
Ottó Svavar Viktorsson
80 ára
Baldur Loftsson
Freyja Jónsdóttir
Óttar K. Skjóldal
75 ára
Birgir Ísleifsson
Guðmundur Stefánsson
Hanna Jónsdóttir
Ólafur Haraldsson
Regína Jóhannesdóttir
Sigríður Benediktsdóttir
70 ára
Björn Halldórsson
Grétar Arnar Ellertsson
Hanna Signý Georgsdóttir
Ólafur Hlynur
Steingrímsson
Þórður Karlsson
60 ára
Anna María Baldvinsdóttir
Guðmundur M. Hilmarsson
Guðrún Ingimundardóttir
Helgi Þórir Hálfdánarson
Henríetta I. Haraldsdóttir
Kjartan Jónsson
Sveinbjörn Sveinbjörnsson
50 ára
Anna Steinþórsdóttir
Barbara Wieczorek
Brynja Ingadóttir
Chinh Thi Bui
Dagmann Ingvason
Fjóla Rut Einarsdóttir
Geir Hörður Ágústsson
Guðrún Óskarsdóttir
Guðrún Valborg
Björgvinsdóttir
Helga Magnúsdóttir
Hlynur Geir Guðmundsson
Jón Ragnarsson
Katrín Steingrímsdóttir
Kristín Lára Árnadóttir
Oddur Kristjánsson
Ólafur Stefánsson
Ragnheiður Guðlaugsdóttir
Ragnheiður R.
Friðgeirsdóttir
Sigurður Jóhann
Guðmundsson
40 ára
Auður Sigurjónsdóttir
Árni Björgvin Halldórsson
Árni Freyr Einarsson
Ingibjörg Anna
Símonardóttir
Somchao Sirimekha
Þorsteinn Halldórsson
30 ára
Albína Hulda Pálsdóttir
Alís Ólafsdóttir
Ari Hjálmarsson
Atli Jóhannsson
Baldur Sveinsson
Gunnar Þorgilsson
Kolbrún Íris Káradóttir
Sigurþór Ómarsson
Steinunn Ingvarsdóttir
Unnur Hjálmarsdóttir
Til hamingju með daginn
30 ára Oddur ólst upp á
Varmalandi í Borgarfirði,
er stúdent frá MA, er
húsasmíðameistari og
starfar við húsasmíðar.
Maki: Hildur Grét-
arsdóttir, f. 1985, fjár-
málaráðgjafi hjá Deloitte.
Foreldrar: Pétur Odds-
son, f. 1943, húsasmíða-
meistari á Varmalandi, og
Sigríður Steinunn Gunn-
laugsdóttir, f. 1948, starf-
ar við Grunnskólann á
Varmalandi.
Oddur
Pétursson
40 ára Hjördís lauk prófi í
lögfræði frá HÍ, LLM-prófi
í lögum og upplýs-
ingatækni í Stokkhólmi
og er hrl. hjá Logos.
Maki: Magnús Rúnar
Magnússon, f. 1974, þjón-
ustufulltrúi.
Dætur: Bríet, f. 2005;
Sóley, f. 2009, og Hulda,
f. 2011.
Foreldrar: Halldór Krist-
jánsson, f. 1923, d. 2011,
kaupm., og Hjördís Jónsd.
f. 1932, d. 2006, húsfr..
Hjördís
Halldórsdóttir
40 ára Bergdís lauk stúd-
entsprófi frá FÁ og stund-
ar nám hjá Prófmennt.
Maki: Gaukur Garð-
arsson, f. 1974, fram-
kvæmdastjóri.
Synir: Elberg Logi, f.
1991; Hákon Garðar, f.
2004, og Aron Páll, f.
2010.
Foreldrar: Elínborg El-
bergsdóttir, f. 1949,
húsfr., og Rósant Eg-
ilsson, f. 1951, starfs-
maður hjá BYKO.
Bergdís
Rósantsdóttir
Allir þeir sem senda blaðinu mynd af nýjum
borgara eða mynd af brúðhjónum fá fría áskrift að
Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
Börn og brúðhjón