Morgunblaðið - 05.10.2012, Blaðsíða 16
16 FRÉTTIRInnlent
MORGUNBLAÐIÐ FÖSTUDAGUR 5. OKTÓBER 2012
Tveir stjórnarmenn úr ættfræði-
félagi í Örnskjöldsvik í Svíþjóð
heimsóttu Odd Friðrik Helgason
ættfræðing og samstarfsfólk hjá
ORG ættfræðiþjónustunni í vik-
unni. Tilgangur heimsóknarinnar
var að sjá hvernig unnið er að
ættfræðigrúski á Íslandi og kynna
sitt eigið.
Félagið sem mennirnir starfa í
heitir Hembygds- och Släkt-
forskare Nolaskogs og er með
höfuðstöðvar í Örnskjöldsvik. Jón
Thors sem sagði þeim frá starfinu
hjá ORG ættfræðiþjónustunni og
sýndi hvernig unnið er að söfnun og
úrvinnslu ættfræðiupplýsinga hér á
landi segir að sænska félagið sé að
byggja upp ættfræðigrunn sem
grundvallast á kirkjusóknum. Fé-
lagar þess hafi safnað fjölda skráa
og gefið út á diskum. Jóni sýnist
eftir samtöl við mennina að ekki
séu síðri möguleikar á að stunda
staðbundið ættfræðigrúsk í Svíþjóð
en hér á landi. Skjalasöfnin hafi
opnað skrár sínar.
Oddur Friðrik Helgason bendir á
að munurinn á starfinu hér og í Sví-
þjóð sé að þar er fjöldi gagna-
grunna en hér eru upplýsingarnar
settar í einn grunn. Nefnir hann að í
grunnum félaganna í samtökum
ættfræðifélaga í Svíþjóð eru skráð-
ar 36 milljónir einstaklinga. „Þetta
getur hjálpað okkur mikið. Þegar
okkur vantar upplýsingar spyrjum
við þá og þegar þá vantar upplýs-
ingar spyrja þeir okkur,“ segir
Oddur.
Ágæt dægradvöl
„Þetta er ágæt dægradvöl fyrir
eftirlaunaþega,“ segir Jón Thors
þegar hann er spurður um
ættfræðigrúsk sitt sem hann hefur
stundað í rúman áratug í tengslum
við ORG ættfræðiþjónustuna. Hann
segir að samstarf þeirra Odds hafi
hafist árið 1999 þegar Jón tók sam-
an útgáfu af ættartölu afa síns. Þá
hafi hann farið í smiðju til Odds.
Síðan hafi hann verið viðloðandi
starfið og reynt að hjálpa til.
Kynna sér ættfræðigrúsk á Íslandi
Sænskir áhugamenn byggja upp ættfræðigrunn sem grundvallast á kirkjusóknum Ekki síðri
möguleikar á ættfræðigrúski í Svíþjóð en hér á landi „Ágæt dægradvöl fyrir eftirlaunaþega“
Morgunblaðið/Styrmir Kári
Kynning Sænskir ættfræðiáhugamenn í heimsókn hjá ORG ættfræðiþjónustunni. Oddur Friðrik Helgason, Nanna
Halldóra Sigurðardóttir og Jón Thors kynna aðferðir sínar. Lennart Näslund og Reine Björkman fylgjast með.
Kvenfélagskonur hittu í gær Ragnheiði Rík-
harðsdóttur, varaforseta Alþingis, og afhentu
henni ályktun sem samþykkt var á 36. landsþingi
Kvenfélagasambandsins um helgina. Er þar
skorað á Alþingi og ríkisstjórnina að endurskoða
fjárveitingu til Kvenfélagasambands Íslands og
Leiðbeiningarstöðvar heimilanna. Í ályktuninni
segir, að leiðbeiningarstöðin hafi starfað í 50 ár
og þangað geti allir leitað sér að kostnaðarlausu.
Þar segir einnig, að leiðbeiningarstöðin reki
símaþjónustu, haldi úti heimasíðu og gefi út
fræðsluefni. Starfsmaður í 50% starfi sinni þessu
verkefni. Frá upphafi hafi ríkisvaldið stutt þessa
starfsemi með fjárframlögum en í ár hafi enginn
styrkur fengist til að reka stöðina. Því sé áfram-
haldandi rekstur hennar í miklu uppnámi.
Á myndinni afhendir Una María Óskarsdóttir,
forseti KÍ, Ragnheiði ályktunina.
Morgunblaðið/Kristinn
Rekstur Leiðbeiningarstöðvar í uppnámi
Kvenfélagskonur afhentu Alþingi áskorun
Þór Saari hyggst
áfrýja dómi Hér-
aðsdóms Reykja-
ness sem féll í
meiðyrðamáli
gegn honum í
fyrradag. Þetta
kemur fram í yf-
irlýsingu sem
þingmaðurinn
sendi frá sér í
gær, en hann var
dæmdur til að greiða Ragnari
Árnasyni 300.000 í miskabætur, 800
þúsund krónur í málskostnað og
76.898 krónur til að kosta birtingu
dómsins í DV og Morgunblaðinu.
Ummælin, „Ragnar Árnason hefur
verið á launum hjá LÍÚ í áratugi“
voru þá dæmd dauð og ómerk.
Í yfirlýsingunni segir: „Undirrit-
aður telur að stefna Ragnars hafi
verið með öllu tilhæfulaus og sé til-
raun til þöggunar á umræðu um
málefni sem hvað heitast hefur
brunnið á þjóðinni í áratugi sem
eru breytingar á kvótakerfinu og
úthlutun aflaheimilda.“ Niðurstöðu
Héraðsdóms Reykjaness verði því
áfrýjað til Hæstaréttar.
Þór Saari
áfrýjar til
Hæstaréttar
„Tilhæfulaus til-
raun til þöggunar“
Þór Saari
Gylfaflöt 16-18 •112 Reykjavik • Sími 553 5200 • solo.is
Verð 94.000 kr
Stærð 90x90cm
Sérsmíðum eldhúsborð eftir ósk hvers og eins
val um stærð, lögun og efni.