Morgunblaðið - 24.11.2012, Blaðsíða 11

Morgunblaðið/Ómar
Kátar sjósundskonur Þær tóku glaðar að sér fyrirsætustörfin lopaklæddar, F.v Elín Ebba, Helga, Kristín og Hafdís.
Strákarnir mönuðu okkur
Þær Elín Ebba, Helga og Krist-
ín starfa allar hjá Hlutverkasetri,
virknimiðstöð fyrir fólk sem hefur
dottið út af vinnumarkaði af ein-
hverjum ástæðum. „Konur eru í
meirihluta starfsmanna og fyrir vik-
ið fannst strákunum sem stunda
staðinn dagskráin heldur kvenlæg.
Þeir stungu því upp á því að við fær-
um öll saman í sjósund einu sinni í
viku. Þeir voru að mana okkur stelp-
urnar. Við vorum tregar í taumi en
eftir að við létum til leiðast uppgötv-
uðum við hvað þetta er ofboðslega
hressandi,“ segja þær og bæta við að
þetta snúist mikið um hugarfar. „Ég
kveið mjög fyrir að fara ofan í fyrst,
en núna læt ég ekki heilann plata
mig þegar hann er að reyna að segja
mér að þetta sé of kalt og að ég muni
ekki þola þetta. Hugsunin um hvað
mér líður alltaf vel eftir sjósundið, er
sú hugsun sem ég tek með mér þeg-
ar ég fer út í hafið. Mér finnst ennþá
ofboðslega kalt að fara ofan í, en
vellíðunartilfinningin er mikil á eftir
og gerir þetta þess virði að stunda
þetta. Reyndar verður maður eig-
inlega fíkinn í þetta,“ segir Elín
Ebba. „Mér finnst best að drífa mig
strax út í sjó þegar ég er búin að
klæða mig í sundbolinn. Um leið og
ég sé sjóinn finn ég svolítinn fiðring,
þessu fylgir alltaf smáspenningur,“
segir Helga.
Synti í sjónum á Akranesi
Þær segja misjafnt hversu
margir komi með þeim í sjósundið
hverju sinni, en þær þrjár mæta allt-
af. „Stundum erum við tíu, en stund-
um færri, sérstaklega á veturna, því
ekki þola allir kuldann. Við viljum
vera góðar fyrirmyndir fyrir skjól-
stæðinga okkar og við komum ofur-
hressar í vinnuna eftir okkar viku-
lega sjósund. Við erum ekki nema í
tvær mínútur í sjónum á þessum árs-
tíma, en syndum í hálftíma á sumrin.
Þetta er okkar líkamsrækt og and-
lega uppbyggjandi. Ég skellti mér í
Viðeyjarsundið aðra leiðina í sumar
og stefni á að fara báðar leiðir,“ segir
Elín Ebba sem er alin upp á Akra-
nesi og synti þar oft á sumrin í sjón-
um með mömmu sinni þegar hún var
barn að aldri.
Eins og spark í punginn
Karlarnir í Lopagenginu eru
sérlega vörpulegir þar sem þeir
standa saman í hnapp, allir klæddir
prjónuðum sundskýlum úr lopa.
„Flestar þessar skýlur eru prjónaðar
af konum okkar eða mæðrum, nema
skýlan hans Óskars, hann prjónaði
hana sjálfur,“ segja þeir félagar og
eiga þar við Óskar Jónasson kvik-
myndagerðarmann. „Hann var mjög
lengi að prjóna skýluna sína.“ Þeir
segjast vera brautryðjendur á þessu
sviði og einn þeirra fullyrðir kinn-
roðalaust: „Ég átti fyrstu lopasund-
skýlu samtímasögunnar. Það hafði
verið þó nokkur umræða um þetta
innan hópsins, en einhver þurfti að
taka af skarið. Svo fylgdu hinir á eft-
ir og hinn 1. janúar árið 2007 mættu
allir í hópnum í lopasundskýlu.“
Þessi fjórtán manna hópur hef-
ur farið saman í sjósund einu sinni í
viku allt frá því í september árið
2004, eða í átta ár.
„Við störtuðum í raun þessu
vetrarsjósundi, því þá var ekki opið
hér nema á sumrin, en við fengum
ÍTR til að opna fyrir okkur svo við
kæmust í aðstöðuna hér, búnings-
klefana og sturturnar. Nú hefur
þetta undið upp á sig og fullt af fólki
sem stundar þetta sér til heilsubót-
ar.“ Þegar þeir eru spurðir hvað sé
svona gott við sjósund eru þeir fljótir
til svars. „Ekkert. Þetta er bara
vont. Þetta er ekki ólíkt því að láta
sparka í punginn á sér, það er gott
eftir á. Félagsskapurinn er góður og
það er ögrandi að takast á við þetta.
Og svo er gott að sjá hina þjást,“
segja þeir og skoppa hlæjandi í átt til
hafs þar sem þeir stinga sér fram af
klettum.
Út í Hann stakk sér fram af klettum
í fallega röndóttri lopasundskýlu.
DAGLEGT LÍF 11
MORGUNBLAÐIÐ LAUGARDAGUR 24. NÓVEMBER 2012
Guðjón
Sigurbjartsson
Viðskiptafræðingur & framkvæmdastjóri
/ facebook.com/gudjonsigurbjarts
3.-5. sæti
Prófkjör sjálfstæðismanna í Reykjavík 24. nóvember 2012
Staða heimilanna og þjóðarbúsins er þannig
að það þarf markvissar aðgerðir.
Stöndum við ESB umsóknina
og tökum upp Evruna. Við þetta kemur
stöðugleiki, verðtrygging verður óþörf
og vextir munu lækka.
Opnum á innf lutning landbúnaðarvara
og drögum úr styrkjum til greinarinnar.
Við þetta lækkar matvöruverð, vöruval
eykst og skattar lækka.
Við ofangreint munu útgjöld meðalheimilis
lækka í námunda við 50 til 100.000kr. á mánuði.
Einnig munu nýjar útflutnings atvinnugreinar svo
sem ferðaþjónusta, hátækniiðnaður og skapandi
starfsemi, sem verða uppspretta hagsvaxtar næstu
árin, ná að vaxa og dafna í stað þess að flýja land.
Bætum hag heimilanna svo um munar
Í desember munu rithöfundar lesa upp úr verkum sínum við heita pottinn
í Nauthólsvík tvisvar til þrisvar í viku til jóla. Sigurbjörg Þrastardóttir ríð-
ur á vaðið 3. des kl. 18 og les upp úr bók sinni Stekk. Hinn 12. des. ætla
Anna Rósa og Albert að lesa úr Ljúfmetisbókinni sinni. Kristín Þóra Harð-
ardóttir og Sigrún Óskarsdóttir hafa einnig boðað komu sína til að fræða
sjósundsfólk um matseld úr biblíunni, en þær gáfu nýlega út bókina Orð,
krydd og krásir. Hægt er að sjá nánari dagskrá á: nautholsvik.is.
Yfir vetrartímann er aðstaðan til sjósundsiðkunar opin á hverjum virk-
um degi í hádeginu, á milli kl. 11 og 13. Auk þess er opið á mánudögum og
miðvikudögum seinnipartinn, frá kl. 17-19.
Skáld lesa upp fyrir sundfólk
DAGSKRÁ Í DESEMBER Í NAUTHÓLSVÍKINNI