Morgunblaðið - 24.11.2012, Blaðsíða 70

Morgunblaðið/Árni Sæberg
Kattavinur „Það eru meiri líkur á því að ég fái mér latan hund einn dag-
inn,“ segir Guðmundur S. Brynjólfsson, höfundur Kattasamsærisins.
Silja Björk Huldudóttir
silja@mbl.is
„Það má segja að þetta sé skáld-
ævisaga kattar, því ég byggi á
sönnum heimildum,“ segir Guð-
mundur S. Brynjólfsson um bók
sína Kattasamsærið. Vísar hann
þar til þess að stjúpdóttir hans hafi
fyrir nokkrum árum fengið kött
eftir mikið suð. „Hún var sú eina á
heimilinu sem var áfjáð í að fá kött
og lofaði að hugsa vel um hann. Sá
áhugi entist hins vegar aðeins í
viku og þá voru góð ráð dýr,“ segir
Guðmundur og tekur fram að kött-
urinn hafi fengið betra heimili í
sveitinni.
Í Kattasamsærinu kynnast les-
endur kettinum Petru Pott sem
glímir við þann vanda að fólkið
hennar fær öðru hvoru þá flugu í
höfuðið að hún eigi að fara af
heimilinu. Hún leitar aðstoðar hjá
ofurkettinum Hamlet og hundinum
Lúsíusi, sem hafa ráð undir rifi
hverju.
Dýr eru ekki leikföng
„Þessi saga var í stórum dráttum
tilbúin fyrir tveimur árum og ég
hef síðan verið að nostra við hana,
en mér þykir mjög vænt um þessa
sögu,“ segir Guðmundur og tekur
fram að bókin sé hugsuð fyrir börn
sem og alla katta- og dýravini.
„Grunnboðskapur sögunnar er að
minna á að dýr eru ekki leikföng.
Það þarf að hafa talsvert fyrir
þeim og það fylgir því mikil ábyrgð
að fá sér dýr. Fólkið sem Petra
býr hjá er ansi vont, en fólkið sem
annast Hamlet og Lúsíus er gott.
Með þessu vildi ég undirstrika
gamla speki sem amma mín hafði
oft yfir um það að sjá megi hvern
mann maður hefur að geyma eftir
því hvernig maður kemur fram við
dýrin,“ segir Guðmundur og tekur
fram að hann hafi viljað leggja sitt
af mörkum, en tíund af verði
hverrrar bókar rennur til Katt-
holts sem er eina athvarfið fyrir
ketti á Íslandi. Aftan á bókinni
kemur fram að þar dvelji að jafn-
aði allt að eitt hundrað óskil-
akettir sem bíða þess að einhver
veiti þeim heimili.
Högni hitti naglann á höfuðið
Guðmundur hlaut Íslensku
barnabókaverðlaunin árið 2009
fyrir bók sína Þvílík vika og
barnaleikritið Horn á höfði,
sem hann skrifaði í sam-
vinnu við Berg Þór Ing-
ólfsson, hlaut grímuverð-
launin árið 2010 sem
barnasýning ársins.
Spurður hvort ekki hafi
verið erfitt að fylgja
slíkri velgengni eftir
svarar Guðmundur því
neitandi. „Ég hugsa
ekkert svo mikið um
viðurkenningar, enda
veit ég hvað ég get.
Ég geri alltaf mitt
besta og er mjög
ánægður með
þessa bók, enda
finnst mér hún vel
heppnuð þótt ég segi sjálfur frá.“
Kattasamsærið er myndskreytt
með myndum eftir Högna Sigur-
þórsson. Aðspurður segist Guð-
mundur alltaf hafa séð fyrir sér að
myndir yrðu í bókinni. „Mér
fannst liggja beint við að leita til
Högna því ég var mjög hrifinn af
myndskreytingum hans á albúm-
inu sem fylgdi tónlistinni úr leik-
ritinu Horni á höfði,“ segir Guð-
mundur og bætir við: „Þegar
Högni sendi mér fyrstu myndina
af Hamlet, þessum ótótlega ketti,
þá var hann nákvæmlega eins og
ég hafði ímyndað mér hann.“
Ekki er hægt að sleppa Guð-
mundi án þess að spyrja hann að
því hvort hann hyggist fá sér kött
aftur í ljósi fyrri reynslu. „Nei,
það verður ekki í bráð.
Það eru meiri líkur á
því að ég fái mér
latan hund
einn dag-
inn.“
„Ég geri alltaf mitt besta“
 Höfundur segir að það fylgi því mikil ábyrgð að fá sér dýr  Um skáldævisögu kattar að ræða
Ofurkisa Kötturinn Hamlet lætur fara vel
um sig í sólstól meðan hann les blaðið.
70 MENNING
MORGUNBLAÐIÐ LAUGARDAGUR 24. NÓVEMBER 2012
Silja Björk Huldudóttir
silja@mbl.is
„Flest þessara laga eru fyrst og
fremst tengd við klassískan flutning
og eru þá stór í flutningi. Mig langaði
hins vegar til að búa til annan heim í
kringum lögin, minnka þau og fram-
kalla meiri nálægð með svipuðum
hætti og ég gerði í sálmunum á
sálmaplötunni minni um árið. Það eru
komnir míkrófónar til sögunnar og þá
er allt í lagi að vera með litla rödd. Ég
nálgast þessi lög því sem konan með
litlu röddina,“ segir Ellen Kristjáns-
dóttir söngkona sem nýverið sendi
frá sér breiðskífuna Sönglög. Með
Ellen leika á plötunni þeir Eyþór
Gunnarsson píanóleikari og Skúli
Sverrisson bassa- og gítarleikari, en
auk þess leikur Davíð Þór Jónsson pí-
anóleikari í tveimur lögum.
Platan inniheldur tólf íslensk söng-
lög, þeirra á meðal „Nótt“ eftir Árna
Thorsteinsson, „Nú máttu hægt“ eft-
ir Þórarin Jónsson, „Hjá lygnri
móðu“ eftir Jón Ásgeirsson og
„Hættu að gráta hringaná“ eftir Sig-
fús Einarsson. Spurð um lagavalið
segist Ellen hafa legið yfir því lengi,
enda til mikið af fallegum íslenskum
sönglögum. „Þetta eru allt lög sem ég
hef lengi verið hrifin af og þegar mað-
ur er hrifinn af einhverju langar
mann að prófa að flytja það sjálfur.
Öll lögin eiga sér líka einhverja sögu
og tengjast okkur flytjendum með
persónulegum hætti. Sem dæmi má
nefnda að „Kirkjuhvoll“ eftir Árna
Thorsteinsson er lag sem amma hans
Eyþórs hlustaði mikið á og söng, en
það er einmitt eitt af mínum uppá-
haldslögum. „Tvær stjörnur“ eftir
Megas stendur upp úr sem sönglag
nútímahöfunda og nokkrir listamenn,
þeirra á meðal höfundurinn sjálfur,
hafa gert því góð skil. „Sveitin milli
sanda“ eftir Magnús Blöndal Jó-
hannsson hefur lengi heillað mig og
er nú farið að heilla fjögurra ára gam-
alt barnabarnið mitt sem nýtur þess
að syngja með plötunni,“ segir Ellen
og tekur fram að platan ætti að höfða
vel til allra aldurshópa.
Af öðrum lögum nefnir Ellen „Maí-
stjörnuna“ sem hún syngur við rúss-
neskt lag en ekki lag Jóns Ásgeirs-
sonar. „Ég flyt ljóðið við lagið sem
Halldór Laxness samdi upphaflega
við. Afi mannsins síns, Pétur Pét-
ursson þulur, tók viðtal við Halldór
fyrir mörgum árum þar sem Halldór
syngur texta sinn við þetta lag. Við
tökum lagið mjög hægt, eins og Hall-
dór, og þá verða áherslurnar öðruvísi
í textanum,“ segir Ellen.
Þess má að lokum geta að útgáfu-
tónleikar plötunnar verða í byrjun
febrúar á næsta ári.
Morgunblaðið/Kristinn
Söngkona „Ég nálgast þessi lög því sem konan með litlu röddina,“ segir Ellen Kristjánsdóttir.
Lögin sett í meiri nálægð
 Ellen Kristjánsdóttir sendir frá sér breiðskífuna Sönglög