Morgunblaðið - 24.11.2012, Blaðsíða 49
MORGUNBLAÐIÐ LAUGARDAGUR 24. NÓVEMBER 2012
Það þarf varla að rifja upp fyrir
nokkrum manni hversu miklu áfalli
þjóðin varð fyrir í kjölfar banka-
hrunsins haustið 2008. Næstu ár á
eftir voru öllum
erfið og líkt og
aðrir landsmenn
þurftu stjórn-
málamenn og
kjörnir fulltrúar
að leita nýrra
leiða til að halda
hlutunum gang-
andi.
Reykjavík-
urborg var að
sjálfsögðu ekki
undanskilin þeirri áskorun. Tekjur
borgarinnar drógust eins og gefur
að skilja töluvert saman og fara
þurfti í umsvifamiklar aðgerðir til
að láta rekstur hennar ganga upp.
Þetta voru óvenjulegir tímar sem
kölluðu á óvenjuleg vinnubrögð.
Þetta var ekki verkefni sem ein
manneskja eða einn stjórn-
málaflokkur gat leyst heldur krafð-
ist verkefnið þess að allir þurftu að
leggja sitt af mörkum og vinna
saman. Ef einhvern tímann voru
tímar til að standa saman og leggja
pólitískt dægurþras til hliðar þá
var það á þessum tímapunkti.
Það tókst undir forystu þáver-
andi borgarstjóra, Hönnu Birnu
Kristjánsdóttur. Aldrei var ætlast
til þess að nokkur kjörinn fulltrúi
legði pólitískar hugsjónir sínar til
hliðar eða að ekki yrði tekist á um
pólitíska nálgun á viðfangsefninu.
Hönnu Birnu tókst að ná fram
samstarfi allra flokka um mikilvæg-
ustu málin.
Samvinna er lykilorð
Undir forystu Hönnu Birnu náði
Reykjavíkurborg að tryggja ábyrga
fjármálastjórn án þess að hækka
skatta og álögur á íbúa borg-
arinnar. Það tókst með innleiðingu
nýrra vinnubragða og stóraukins
samráðs bæði meiri- og minnihluta.
Þverpólitískur hópur var mynd-
aður, borgarsjóður var rekinn án
halla, stór skipulagsmál voru leyst í
sátt en umfram allt voru þjón-
ustugjöld og skattar ekki hækk-
aðir. Það hafði fram að því ekki
verið hefð fyrir því að minnihluti
borgarstjórnar væri kallaður til við
ákvarðanatöku og samráð í borg-
inni. Hanna Birna breytti þeirri
hefð og gerðar voru mikilvægar
breytingar á vinnulagi borgarinnar.
Í kjölfarið lögðu borgarfulltrúar sig
fram við að halda þeirri sátt sem
þá hafði verið mynduð í þágu borg-
arbúa. Kjörorð vinnunnar var
„Sparnaður án niðurskurðar“ þar
sem áhersla var lögð á að hagræð-
ing kæmi ekki niður á grunnþjón-
ustu borgarinnar, störfum eða
gjaldskrám.
Borgarstjórn leitaði til starfs-
fólks Reykjavíkurborgar og var
farið yfir stöðu mála í skipulögðum
vinnustofum þar sem starfsmenn
fengu tækifæri til að koma sínum
hugmyndum á framfæri. Alls tóku
hátt í 3.000 starfsmenn þátt í þess-
ari vinnu og fram komu um 1.500
tillögur til hagræðingar. Aldrei áð-
ur hefur verið leitað eftir svo víð-
tækri þátttöku starfsmanna vegna
fjárhagsáætlunar en afraksturinn
sýndi greinilega hvernig aukin
samvinna getur skapað farsælar
lausnir.
Við þurfum breytingar
Tímarnir sem við lifum á eru enn
óvenjulegir og þörfin fyrir ný og
betri vinnubrögð hefur aldrei verið
meiri. Þess vegna eigum við að
veita Hönnu Birnu góðan stuðning
til að takast á við landsmálin. Við
þurfum breytingar. Við þurfum
breytingar á vinnubrögðum, breyt-
ingar á áherslum og breytingar á
forgangsröðun verkefna í þágu al-
mennings. Þess vegna þurfum við
Hönnu Birnu Kristjánsdóttur til
forystu.
HILDUR H. DUNGAL,
lögfræðingur.
Borgarstjóratíð Hönnu Birnu
Frá Hildi H. Dungal
Hildur H.
Dungal
Á einungis 5 árum frá 2007 til og með
2011 hafa orðið 61 banaslys í umferð-
inni á Íslandi. 851 slys með alvar-
legum meiðslum og 3.982 með litlum
meiðslum. Ein-
staklingarnir eru
fleiri, sem og þeir
sem verða fyrir
áföllum vegna
þess að þeir sem
þeim eru kærir
hafa lent í um-
ferðarslysi.
Umferðarslys
og afleiðingar
þeirra er eitt
helsta heilbrigð-
isvandamál þjóðarinnar. Fyrsti þing-
maðurinn til að líta á þessa vá sem
heilbrigðismál á Íslandi er Guðlaugur
Þór Þórðarson, þingmaður og fyrr-
verandi heilbrigðisráðherra.
Undirritaður hefur komið að um-
ferðaröryggismálum um langt árabil.
Á umferðaröryggisráðstefnu í Lond-
on árið 2004 hlustaði ég á Gro Herlem
Bruntland, fyrrverandi forsætisráð-
herra Noregs og þá framkvæmda-
stjóra WHO (Heilbrigðisstofnunar
Sameinuðu þjóðanna), segja merki-
legan hlut. „Helstu markhópar í um-
ferðaröryggismálum heims eru
stjórnmálamenn og fjölmiðlafólk.
Ekki bara ökumenn.“ Þetta fékk mig
til að líta til Alþingis Íslendinga og ég
komst í raun um að þar var enginn að
berjast fyrir auknu umferðaröryggi
og að koma í veg fyrir þær hörm-
ungar sem umferðarslys valda.
Fyrsti þingmaðurinn til að taka
umferðaröryggismál föstum tökum í
kjölfarið var Guðlaugur Þór og hann
átti stóran þátt í því, ásamt Sturlu
Böðvarssyni, þáverandi samgöngu-
ráðherra, að EuroRAP-verkefnið
hófst á Íslandi árið 2006. EuroRAP er
stöðluð úttekt og mat á öryggi vega-
kerfa og þær aðferðir sem þar hafa
verið þróaðar eru nú eitt helsta tæki
átaks Sameinuðu þjóðanna á heims-
vísu í umferðaröryggismálum, „De-
cade of Action“, sem Ísland er aðili að.
Á laugardaginn fer fram prófkjör
sjálfstæðismanna í Reykjavík vegna
komandi alþingiskosninga. Einn
frambjóðenda hefur sett umferðarör-
yggi og samgöngumál á sína stefnu-
skrá sem eitt helsta baráttumál sitt.
Það er Guðlaugur Þór Þórðarson og
má sjá hans áherslur í myndbandi
sem hann hefur gert. Þetta mynd-
band er á vefsíðu Guðlaugs,
www.gudlaugurthor.is. Þar leggur
hann sérstaka áherslu á málefni
Reykjavíkur og höfuðborgarsvæð-
isins.
Markmið „Áratugar aðgerða“ Sam-
einuðu þjóðanna er að hvetja allar
þjóðir heims til að taka höndum sam-
an og fækka alvarlegum umferð-
arslysum um 50% til ársins 2020. Nú
eru 2 ár að verða liðin af þessu tíma-
bili og því miður hefur umferðarör-
yggi ekki náð inn í störf Alþingis að
því marki sem þarf til að þessum ár-
angri verði náð. Framlög til umferð-
aröryggismála og vegagerðar á Ís-
landi eru í sögulegu lágmarki og flest
annað en umferðaröryggi látið ráða
för við ákvarðanatöku í samgöngu-
málum og ekki tekið tillit til hvar flest
slysin verða. Það sýna áherslur nú-
verandi valdhafa gagnvart Reykjavík
og Suðvesturlandi.
Störf og stefna Guðlaugs Þórs
Þórðarsonar í þessum málaflokki
ræður því meir en nokkuð annað, að
ég ætla að styðja hann í 2. sætið í
komandi prófkjöri Sjálfstæðisflokks-
ins í Reykjavík, sem og alla aðra
frambjóðendur sem hafa sömu
áherslur. Því miður eru þeir alltof fá-
ir, en þeim fer fjölgandi.
Ég hvet alla sem vilja sjá færri
þurfa að upplifa hörmungar og afleið-
ingar umferðarslysa til að gera slíkt
hið sama.
ÓLAFUR KRISTINN
GUÐMUNDSSON,
tæknistjóri EuroRAP á Íslandi –
Áhugamaður um bætt umferðarör-
yggi.
Umferðaröryggi í framsætið
Frá Ólafi Kristni Guðmundssyni
Ólafur Kristinn
Guðmundsson
Bréf til blaðsins
mbl.is
alltaf - allstaðar
Aukablað
um bíla fylgir
Morgunblaðinu
alla þriðjudaga
holabok.is/holar@holabok.is
Séra Pétur í Óháða
söfnuðinum hefur um
áratugaskeið fundið
skrýtin og skemmtileg
orð til að setja í stað
hinna hversdagslegu.
Hér eru þau öll!
Sjá verðlaunagetraun
í tengslum við bókina
á facebooksíðu
Bókaútgáfunnar Hóla.
ORÐASNILLD SÉRA PÉTURS