Morgunblaðið - 24.11.2012, Blaðsíða 28

28 FRÉTTIRInnlent
MORGUNBLAÐIÐ LAUGARDAGUR 24. NÓVEMBER 2012
Morgunblaðið birtir fram til jóla upplýsingar um einhverja þeirra
viðburða sem eru á dagskrá vítt og breitt um landið.
29 dagar til jóla
Líkt og mörg undanfarin ár gefa
SOS Barnaþorpin út ný jólakort til
fjáröflunar fyrir þessi jól. Aðal-
kortin að þessu sinni eru rauð með
ljóði á framhlið. Kortin eru hönnuð
af listakonunni Huldu Ólafsdóttur.
Þá hefur listakonan Ingibjörg
Eldon Logadóttir hannað þrjár nýj-
ar útgáfur af jólakortum fyrir SOS
líkt og hún hefur gert undanfarin
tvö ár við góðar undirtektir stuðn-
ingsaðila samtakanna. Kortin eru
þjóðleg og með gyllingu.
SOS Barnaþorpin taka að sér
munaðarlaus og yfirgefin börn í um
120 löndum, óháð menningu,
stjórnmálum og trúarbrögðum og
sjá þeim fyrir móður og fjölskyldu á
góðu heimili í barnaþorpi. Þar fá
þau að búa við öryggi og hlýju þar
til þau hafa lokið námi og eru
reiðubúin að standa á eigin fótum.
Hægt er að skoða og panta kortin
á www.sos.is.
Jólakort SOS Barnaþorpanna komin út
Thorvaldsensfélagið gefur út jólakort og jólamerki fé-
lagsins fyrir jólin. Sama mynd prýðir hvorttveggja og er
hönnuð af Temmu Bell listmálara en hún er dóttir Lo-
uisu Matthíasdóttur listmálara. Ágóði jólakortanna
rennur í Thorvaldsenssjóðinn sem styrkir sykursjúk
börn og unglinga og málefni þeirra. Thorvaldsenssjóð-
urinn var stofnaður af Thorvaldsensfélaginu árið 2004
og hefur félagið veitt fé í hann á hverju ári. Ágóði jóla-
merkjanna rennur til forvarna gegn offitu barna og ung-
linga en það er forvarnaverkefni sem unnið er á Barna-
spítala Hringsins og hefur Thorvaldsensfélagið styrkt það frá upphafi.
Fyrsta jólamerki félagsins var gefið út árið 1913 og árlega síðan og hefur
ágóði af sölu þess ávallt runnið til góðgerðar- og líknarmála sem tengjast
börnum. Jólakortin kosta 100 kr. stk eða 10 kort í pakka 1.000 kr. Jóla-
merkin kosta 300 kr. örkin með 12 merkjum. Thorvaldsensfélagið var
stofnað árið 1875 með það markmið að styrkja þá sem minna máttu sín í
þjóðfélaginu.
Hafa gefið út jólamerki í 100 ár
Höfuðborg-
arstofa hefur
opnað nýjan
jólavef, visit-
reykjavik.is/
christmas, þar
sem hægt er að
fræðast um hin
íslensku jól,
fylgjast með við-
burðum og nálg-
ast upplýsingar
um það helsta
sem Jólaborgin
býður upp á um aðventuna. Vef-
urinn er settur fram á íslensku og
ensku.
Jólaborgin er afrakstur sameig-
inlegs átaks Reykjavíkurborgar og
samstarfsaðila á höfuðborgarsvæð-
inu um að auka enn frekar jóla-
stemninguna í borginni í desember.
Átakið felst m.a. í að samræma og
fjölga skreytingum, auka sýnileika
íslensku jólavættanna og bjóða upp
á fjölda viðburða, markaða og tón-
leika um alla borg. Þar má nefna
Jóladalinn í Laugardal, Jólabæinn á
Ingólfstorgi, Jólaþorpið í Hafnar-
firði, jóladagskrá í Þjóðminjasafn-
inu og í Árbæjarsafni, Jóladagatal
Norræna hússins, jólatónleika í
Hallgrímskirkju, jóladagskrá í
Hörpu, Gömlu höfnina í Reykjavík
sem fer í jólabúning og margt
fleira.
Höfuðborgarstofa
opnar jólavef
Blindrafélagið, samtök blindra og sjónskertra á
Íslandi, fjármagnar starfsemi sína að lang-
mestu leyti með sjálfsaflafé. Þar gegnir sala
jólakorta veigamiklu hlutverki. Jólakortin og
merkispjöldin eru með myndinni „Kærleikur á
jólum“ eftir listamanninn Helmu Þorsteins-
dóttur en hún vann myndina sérstaklega fyrir
félagið og gaf til birtingar á kortunum. Jóla-
kortin eru seld 8 saman í pakka ásamt um-
slögum á 1.400 kr. Merkispjöldin eru 8 saman í pakka og eru seld á 400 kr.
Hægt er að kaupa kortin hjá Blindrafélaginu, Hamrahlíð 17, 105 Reykja-
vík eða senda tölvupóst á netfangið blind@blind.is. Einnig verður hægt að
kaupa rafræn jólakort með sömu mynd á heimasíðu félagsins, www.blind-
.is. Þar geta kaupendur sett sinn eigin texta á jólakortið sem þeir fá síðan
sent til sín í tölvupósti á tilbúnu PDF-skjali.
Blindrafélagið gefur út jólakort
Hinn árlegi jólabasar Kristniboðs-
félags kvenna verður haldinn laug-
ardaginn 24. nóvember frá kl. 14 í
Kristniboðssalnum, Miðbæ, Háaleit-
isbraut 58-60.
Til sölu verða kökur, handgerðir
munir og fleira. Þá verður happ-
drætti með veglegum vinningum
svo og nýbakaðar vöfflur og heitt
súkkulaði með rjóma á boðstólum.
Allur ágóði rennur til starfs
Kristniboðssambandsins sem m.a.
byggir níu framhaldsskóla í Pókot-
héraði í Keníu. Myndin er frá fram-
haldsskóla fyrir unglingsstúlkur
sem Íslendingar byggðu í Pókot-
héraði í Keníu.
Jólabasar Kristni-
boðsfélags kvenna
Siglufirði – Heilbrigðisstofnun
Fjallabyggðar hefur fengið veglega
gjöf, nánar tiltekið ICARE pro to-
nometer. Umrætt tæki, sem kostar
tæpar 800 þúsund krónur, er notað
til að mæla augnþrýsting. Gefandi
er Erla Jóhannesdóttir, Lindargötu
2 á Siglufirði, í minningu foreldra
sinna, Kristínar Sigurgeirsdóttur
og Jóhannesar Stefánssonar.
Valþór Stefánsson læknir veitti
gjöfinni viðtöku fyrir hönd Heil-
brigðisstofnunarinnar. „Gláka er
frekar algengur sjúkdómur, sér-
staklega hjá eldra fólki, og lýsir sér
í hækkun á augnþrýstingi með
skaðlegum áhrifum á innihald aug-
ans, þar með talið taugavef í augn-
botni. Ef glákan er ómeðhöndluð
getur hún skert sjón og stundum
verulega mikið og valdið alvarlegri
sjónskerðingu. Hækkuðum augn-
þrýstingi geta fylgt miklir verkir í
auga og höfði. Það á að geta á auð-
veldan og öruggan hátt mælt augn-
þrýsting, minnkar hættu á sjón-
skerðingu af þessum völdum og
bætir meðferð og eftirlit,“ segir
Valþór, aðspurður um gildi þessa
tækis fyrir starfsemina í Fjalla-
byggð. Auk þess verði minni þörf
hjá fólki að fara í eftirlit til augn-
lækna til Akureyrar eða Reykja-
víkur ef það kemst í augnþrýst-
ingseftirlit á auðveldan hátt í
heimabyggð.
Morgunblaðið/Sigurður Ægisson
Afhending Gefandinn, Erla Jóhannesdóttir, Valþór Stefánsson læknir og fleiri gestir með tækið.
Gaf augnþrýstingsmæli í
minningu foreldra sinna
EINSÖNGVARAR:
Sigríður Ósk Kristjánsdóttir mezzo-sópran,
Garðar Thór Cortes tenór, Kristinn Sigmundsson bassi
Þóra Einarsdóttir sópran,
Stjórnandi:
GARÐAR CORTES
Miðasala: midi.is / sími 552 7366 / í Langholtskirkju 1 klst. fyrir tónleikana
Tónleikarnir eru helgaðir minningu Mozarts og þeirra tónlistarmanna sem létust á undanförnu ári:
Fjölnir Stefánsson - Ólafur Þórðarson - Soffía Guðmundsdóttir - Jón Þórarinsson -
Hafsteinn Sigurðsson - Ólafur Þ. Jónsson - Jón Elías Lundberg - Guðrún A. Kristinsdóttir
Einnig: María H. Guðmundsdóttir - Gunnar Þjóðólfsson - Þuríður Baxter;
þeirra ævistarf var fyrir og með tónlistarmönnum
ÓPERUKÓRINN Í REYKJAVÍK
ásamt sinfóníuhljómsveit
Í LANGHOLTSKIRKJU
Mozart á miðnætti
MOZART REQUIEM
Þriðjudaginn 2012
- Hús opið frá 23.50 - Tónleikar hefjast
4. des.
00.30